المشكلة ان اغلب اللي بيتقال لهم ميس دول بيبقى معاهم نص دستة عيال
ماحدش خد باله من النقطة دي ؟؟؟؟؟ ليه ما كانوش بيتقال لهم مسز ؟؟؟؟؟؟
عرض للطباعة
اشكر لحضرتك الاهتمام
انا حسيت ان الموضوع مهم لاحساسي ان كثير من الاعضاء منتظرين التغيير يحصل في البلد لمجرد ان الرئيس اتخلع و ان الوزير اتفضح و المحافظ هينطرد و اللي هؤلاء الاشخاص لا يعلمونه ان بداخل كل منا مبارك فلو اننا بدأنا من اليوم في السعي للتغير من سلبياتنا بسرعة و بدون انتظار العقاب حين نخطئ اتوقع النتيجة ستكون نجاح بأمتياز لهذا البلد العظيم بأذن الله
م.حاتم السباعي
كلامك سليم
لكن مدرس ابتدائى الاكثر خطورة
الطالب اللى بيعدى من ابتدائى صح ميتخفش عليه
ربنا يكون فى عونك مع مس انشراح و اخواتها
الغرض اننا لازم نصلح نفسنا
لكن اصلاح التعليم الابتدائى ليه اهمية قصوى
لان ده اللى هيطور البلد فعلا
تخيل ان الاستاذ العقاد كان معاه ابتدائية
تخيل نوع الشهادة الابتدائية اللى تخليه يقدر يتعامل و يتفاعل مع كم المعلومات اللى مليانة بيها كتبه
اصلاح التعليم الابتدائى
ومن بعده التعليم الفنى
هى اولى خطوات الاصلاح الحقيقى
ياريت اسمع اقتراحتكم للتطوير
تربية
علوم
اداب
دار علوم
السن
هو فى كليات تانية بتخرج مدرسين
موقف مشبه مع مادة الدراسات حصلى انا شخصيا البيه مدرس المادة اول السنه سئلنى على حاجه فانا قلتله دة موكب كان يترأسه فلان وفلان قلى ايه يترأسه دى احنا فى كباريه هنا انا لسانى كان طويل قلتله لا مش فى كباريه بس فى حصه فى مدرسه و الكلمه دى لو دورت عليها فى المعجم اللغوى هتلاقيها صح اتطردت برة الحصه سبته ونزلت معمل العلوم بتاعنا تحت لمدرس العلوم ربنا يجازيه خير انا مخلص من كتير جدا الدراسه فى المدرسه دى و الثانوى كانت مدرسه تانيه والجامعه و بشتغل ولسه بزورة لحد دلوقتى علشان كان راجل محترم هو ومدرس الرياضيات قلى لا طبعا صح وطلعنا فوق الفصل تانى وكلمه ودخلنى الحصه وهو قرفان وانا عادى
تانى مرة كان بيشرح معلومه غلط عن حركه الشمس قلتله المفروض انها تبقى كذا قلى وانت عرفت منين قلتله من كتاب الاستاذ جمال عنايات قلى معرفوش وملكش دعوة بيه وخليك فى اللى انا بقوله وطلعنى برة تانى برضه
روحت البيت حكيت لبابا مكنش بيحضر اى اجتماعات اوليا امور او حاجه اتصل بمديرة مجموعه المدارس لانها كانت مجموعه مدارس تابعه لمدام عواطف سراج الدين وجت حضرت الاجتماع وبابا جه وجاب معاة نسخه من الكتاب و طلب كلمه فى اول الاجتماع قل هعيب انك تقول معلومه غلط و مش عيب انك تاخد معلومه صح من طالب متقللش منك ولو انت مدرس دراسات ومتعرفش مين جمال عنايات ومتعرفش الفرق بين الرقص والترأس يبقى انت اساسا متستاهلش دخول باب فصل تخرب دماغ الطلبه خد وقف شهر و مشوة من المدرسه و بعديها من ساعتها انا بحب الرياضه جدا والعلوم جدا وبكرة الجغرافيا و التاريخ لابعد مايمكن ان تتخيلوة
كان عندنا فى الابتدائى كده برده مكنتش بروح المجموعه كان فيه استاذ على طول يستقصدنى ويفضل يسأل فى حاجات ماخدنهاش بقوله احنا ما اخدناش الحاجات دى قالى لا اخدناها فى المجموعه ابقى تعالى المجموعه وانت تعرف فى يوم برده سألنى سؤال معرفتش اجاوبه قام ضربنى بالقلم قومت واخد شنطتى ومروح قولت لبابا اخدنى ورحنا مسح بكرامته الارض وكم اعتذرات ومش عارف ايه , المناهج تقيله جدا على الاطفال وياريتهم بيعلموهم حاجه ابن عمى صغير فى ابتدائى بسأله بقوله انت عملت دى ازاى قالى مش عارف الاستاذ حلها كده وقالنا اكتبوها
مهى هنا المشكلة
المناهج تطورت بشكل جامد جدا
اللى كنا بناخده فى اعدادى وثانوى
بقو بياخدوه فى ابتدائى
وعلى الجانب الاخر المدرس مستواه انخفض لدرجة تخوف
تحس انه مش فاهم حاجة فى اى حاجة
كل اللى يعرفه يعمل مجاميع ويدى دروس
و يحفظ العيال الدروس
حد عنده افكار لحل حدوتة التعليم الابتدائى