حد جرب اجهزة التتبع !!

**Nistelrooy** · 24-03-2011 10:54 PM

بسم الله الرحمن الرحيم

السلام عليكم ورحمة الله وبركاته

هل في حد مركب او مر علية حد مركب جهاز تتبع في العربية وبيوصلة رسايل اول باول عن حركة السيارة ويعرف يتحكم فيها عن بعد بايقاف الموتور وما خلافة ؟؟

ولو حد يعرف شركة محترمة ليها في المجال ده .. لان السرقة انتشرت اوي اوي .. ومش هايخسر ان الواحد يركب جهاز تتبع علشان لو لقدر الله وحصل حاجة زي كدا المأمورية تبقي اسهل علي الشرطة ( ده لو الشرطة ساعدت اساسا ) ..

ربنا يكفينا شر الحوادث .. بس ماحدش ضامن الايام دي ..

الواحد بقي يقلق وهو ماشي وعينة علي كل حتة وما بجوار الرصيف وخلفة ..

يعني انا انهاردة نازل من دائري دريم الي الرماية .. في حتة بتوصل الدائري بالرماية ودي عليها شغل وبتبقي ضلمة بليل ومافيش انوار كافية .. فجاة وانا ماشي الاقي واحد قدامي وبيقولي هَدي .. كنت لسة هاجري طبعا واقول يا فكيك d: الا لما لاحظت بعد كدا ان ده عامل وكان في المنطقة عمال وكدا :))

..

لو حد له تجربة عن اجهزة التتبع ياريت يقول لنا .. ودعواتنا للناس الي اتسرقت عربياته وان شاء الله ترجع وربنا ينتقم من الحرامية والبلطجية والنصابيين

**askanas** · 27-03-2011 01:26 PM

انا حاطط في العربية علطول موبايل وعامله سايلنت مخبيه ولما تتسرق العربية لاقدر الله اعمل محضر بالموبايل واتتبعه من الشركة

**husseinthemaster** · 27-03-2011 01:29 PM

انا عندي فكرة عن الاجهزة دية بتتركب في السيارة وبعدين عن طريق النت ممكن تعرف العربية فين وسرعتها ومكانها وتجيلك رسالة علي الموبايل

**Ahmed_Elkhateb** · 27-03-2011 04:26 PM

طيب فين ياباشا ادينا مدام عندك فكرة قوووووووول يافندم متابع بأهتمام

**husseinthemaster** · 27-03-2011 05:14 PM

بص حضرتك هو عبارة عن جهاز بيعمل عن طريق وضع شريحة موبايل بداخلة وعن طريق برمجة الجهاز علي سايت معين علي النت بيقوم الجهاز ببث كل مدة معينة اشارة للسايت دة بمكان السيارة وسرعتها وفي انواع ممكن تسمع اللي داخل السيارة بيقول اية وممكن يحدد استهلاك البنزين قد اية وهو بينفع كمان للشركات اللي عندها اتوبيسات وعربيات بتسافر او مكاتب تاجير السيارات

**Nistelrooy** · 27-03-2011 06:41 PM

حلوة فكرة الموبيل .. بس لو الموبيل مقفول يقدروا يجيبوا ؟

بخصوص فكرة الشريحة ممكن تفاصيل اكتر ولو تعرف حد بيعملها " شركات كبيرة " واسعار وكدا ..

**dr_radioooooo** · 27-03-2011 08:15 PM

متابع باهتمام

**husseinthemaster** · 28-03-2011 10:24 AM

خاصيةالرسالة الموبيل علي الموبيل مش هي الاساس دية اوبشن زيادة الاساس علي السايت اللي بيكون معاك باص ورد لية وبتدخل في اي وقت تشوف السيارة فين وسرعتها قد اية اون لاين اعرف شركة بتعملها بس الاسعار اسال واقوللك بس طبعا لو عدد بيبقي في خصم