هل البيع بتوكيل أفضل ام التسجيل اذا كانت الرخصة سارية؟

**sss** · 24-03-2011 11:56 PM

السلام عليكم و رحمة الله
سؤالي عن الطريقة الافضل للبيع اذا كانت الرخصة سارية هل التوكيل افضل ام التسجيل النهائي؟
و في حالة التوكيل هل يكمن التسجيل بعد انتهاء الرخصة وتغييرها باسم المشتري ام تظل الرخصة باسم المالك السابق؟
و في حالة التسجيل هل يمكن الاستفادة بمدة الرخصة ثم تغيير اسم المالك ام يتم تغيير الرخصة بمجرد الشراء و يتحمل المشتري تكلفة الترخيص من جديد؟
وهل الضمان في التوكيل يظل ساريا مع تغيير الرخصة
و جزاكم الله خيرا

**heshamzaky** · 25-03-2011 12:41 AM

الافضل انا لما بعت العربية قولت للراجل يسجل فى الشهر العقارى دة اضمن لة و لما اشتريت برضو سجلت فى الشهر العقارى انا لا احب موضوع التوكيلات دة نهائيا بصراحة
و لو الرحصة سارية روح المرور حا تشترى نموذج فحص و تفحص العربية و تدفع 132 جنية تمن النمر الجديدة و بس كدة يعنى مش بتدفع التأمين و لا الضريبة لانهم مدفوعين بالفعل و تبقى رخصة العربية بأسمك و النمر بتاعتك دة افضل .

**ahmedzizo131** · 25-03-2011 10:01 AM

بسم الله الرحمن الرحيم
الافضل لك و حماية من اى مشاكل لاقدر الله من ناحية المشترى
هو العقد المسجل

**romioramy** · 25-03-2011 10:15 AM

تسجيل تسجيل تسجيل ... ارجوووووووووووووووك اوعي تعمل توكيل
لكذا سبب اولا إحنا دلوقتي مافيش إستقرار و ربك هو الستار و ما تضمنش ايه ممكن يحصل .

ثانيا : انا بقالي أربع سنين بدفع ضريبة ترفيهية علي عربية كنت بعتها لواحد زميل في الشغل بالتوكيل علشان قالي مش معايا فلوس التسجيل فرأفت بحاله و قلت ماشيها توكيل و البيه بعها بعد اسبوعين بظبط لواحد تاني اللي ظبط الناس في المرور و بيجددوا العربية لغاية دلوقتي بأسمي تخيل و اخر مرة راح هو مجدد ثلاث سنين علي بعض و شلت انا الضريبة الترفيهية 4 سنين اول سنة و بعديها التجديد بتاع الثلاث سنين.

فأرجوك بتسجيل وريح دماغك حتي لوكان قريبك .

**amr_lamor** · 26-03-2011 01:13 AM

هيا الضريبه الترفيهيه دي بتكو ن كام؟

**Elawany13** · 26-03-2011 07:59 PM

ماهى مشاكل التوكيل ؟
كل اللى اعرفهم اشتروا وباعوا بالتوكيل من سنين
ومرات عديده وبدون مشاكل

لحد ما الرخصه بتخلص مدتها وبعدين بيبيع لنفسه وتصبح الرخصه بإسم المالك الجديد

**sss** · 27-03-2011 03:28 AM

جزاكم الله خيرا

**romioramy** · 27-03-2011 01:09 PM

الضريبة الترفيهية مش كبيرة اوي هي 60 جنيه علي السنة بس خلي بالك انه رخص ثلاث سنين فدفعت 180 جنيه علي الثلاث سنين شوفت بقة.
و خالي بالك برده إن كون الرخصة لسة بأسمي ممكن يعمل اي مصيبة و طبعا هيتجاب رجلي فيها و طبعا هحاول اثبت اني بعت العربية من زمان و هجيب شهود علي كده ...بس ليه بقي كل الهيصة ده و واروح و ارجع من القسم و النيابة و وجع دماغ انت في غني عنه و لا اسرتك في غني عنه.
خليك في المضمون و سجل أحسن ... الواحد ماعندوش وقت يشرب مياه مش يروح نيابة و مرتين ثلاثة لغاية ماتسبت انك ملكش دعوه بالعربية .