و أنا كمان حطيت نيتروجين فى الكاوتش

**ahmed1981** · 26-03-2011 08:20 PM

المشاركة الأصلية كتبت بواسطة kareemz

والله يا باشا الراجل اللى أنا مليت عنده فى اخر الشارع عندى .. فأنا حافظ الشارع دى بمطباته و حافظ عربيتى عشان على طول بمشى فيه .. فأول ما طلعت من عنده حسيت بالفرق على طول .. مع انى مكنتش حاطط نيتروجين عشان كده أصلا زى ما قلت .. يعنى مفيش أدنى احتمال لعامل نفسى.

أنا مصدقك يا باشا من غير ما تحلف

**dr_radioooooo** · 26-03-2011 09:03 PM

من واقع علمى
النيتروجين ده اشتغالة
ده مش لينا ده لعربيات الفورميولا وان والناسكار

**abdoelshazly** · 26-03-2011 10:03 PM

المشاركة الأصلية كتبت بواسطة kareemz

السلام عليكم

أنا اليومين دول بسيب العربية مركونة كتير .. أحيانا طول الاسبوع فى الجراج و بستخدمها الجمعة و السبت بس .. حتى لو استخدمتها فى نص الاسبوع بيبقى مشاوير بسيطة .. فا طبعا فى الشتا بضطر أضبط هوا كتير عشان ضغط الهوا بيقل .. فا قلت أحط نيتروجين عشان بيحتفظ بضغطة فترة أطول.

المهم رحت عند واحد اسمه شيبوب عندنا فى الزقازيق و فضى الكاوتش و ملاه نيتروجين .. بس مشغطش الهوا .. فضاه عادى .. و رفع العجلة عشان الكاوتش ميبوظش و هو فاضى و خد 15 جنية و ركب لى 3 غطيان بلوف .. عشان أنا عارفه من زمان .. انما هو أصلا بياخد 20 جنية.

الملاحظات:

ضغط الكاوتش: النيتروجين بيحتفظ بضغطة فترة أطول من الهوا العادى .. بنسبة 30 % تقريبا.
صوت الكاوتش على الأرض: مفيش فرق.
الفرامل: مفيش فرق.
المطبات: أحسن بنسبة 30% تقريبا فى النقر و الأراضى المكسرة مع انى ضابطضغط النيتروجين على 30 psi و كنت بضبط الهوا على 28 psi .. بس فى المطبات العادية محستش بفرق.

مع ان مكنش فى دماغى موضوع النقر ده .. بس فعلا أحس بكتير .. أنا حبيت أنقل التجربة للافادة.

بص يا باشا انا زيك غيرت عند واحد عند عمارة ماشاءالله اسمه اسامه على ما اعتقد المهم انا حاطه بقاله معايا اكتر من 3 شهور مفيش اى تغير ولا ف المطبات ولا اى حاجه بل بالعكس مش بيعدى شهر ولازم اكون عنده بزود وانا بزوده على 30 مش عارف بقا بس فعلا انا حاسس انه اشتغاله فعلا

**cheetos_892005** · 27-03-2011 01:41 AM

انا بالنسبالي بعيدا عن اي ميزات ممكن تكون احساس

فعلا ضغط الكاوتش ثابت لمده طويله جدا تصل 3 4 شهور بدون مبالغع في جميع الظروف الجويه ...

بقيسه عند كذا حد

عشان كده بنقول بيوفر في البنزين عشان ضغط الكاوتش مبيقلش و الاستهلاك يزيد

**kar!m** · 27-03-2011 02:00 PM

المشاركة الأصلية كتبت بواسطة abdoelshazly

بص يا باشا انا زيك غيرت عند واحد عند عمارة ماشاءالله اسمه اسامه على ما اعتقد المهم انا حاطه بقاله معايا اكتر من 3 شهور مفيش اى تغير ولا ف المطبات ولا اى حاجه بل بالعكس مش بيعدى شهر ولازم اكون عنده بزود وانا بزوده على 30 مش عارف بقا بس فعلا انا حاسس انه اشتغاله فعلا :copy of majd(2):

قصدك اليوسف؟ ده كويس فعلا و بيشفط الكاوتش و الراجل ده محترم.

**sharpvision** · 27-03-2011 07:56 PM

مشكورين يارجاله على المعلومات وبفكر انا كمان احط نيتروجين

**abdoelshazly** · 27-03-2011 09:53 PM

ايوا بالظبط هو ابنه اللى اسمه اسامه فعلا :d هو كويس جدا

**Hegazio** · 28-03-2011 01:59 PM

دي مشاركة سابقة ليا

ب[gdwl]واسطة Hegazio
الأخوان الكرام
النيتروجين أخف في الكثافة من الأوكسجين و ثاني أوكسيد الكربون
و بالتالي فهو المفروض يحسن من أداء العربية عن طريق تخفيف وزن الاطار ككل و تقليل سخونته
و لكن اشتغالااااااااااااااااااا اااااااااااات
الهواء العادي ( اللي انت بتملاه ) يحتوي علي 80 % نيتروجين أصلا
النيتروجين اللي انت بتعبيه ( لو كانت المكنه سليمة ) مش نقي .. ده بطريقة المرور المركز السريع و يعطي نقاوه 90 - 95 %
يعني انت في النهاية بتزود 10 % نيتروجين .. حينقصو وزن كاوتشنا المتواضع ال 15 - 16 بوصه تحت ضغط 28 - 30 بتاع 10 جرام
يعني أقل من زلطه اتحشرت بين الكاوتش !!!
علي عكس كاوتش الفورميولا 1
و بالشفا .. لكل واحد دفع ال 20 جند في اشتغالة النيتروجين .. و واظب علي العلاج 3 مرات بعد الأكل
و طبعا النيتروجين غاز يتمدد زي أي غاز
و النيتروجين يتسرب زي أي غاز
أقل شوية من الهواء العادي بنسبة ال 10 % اللي انت زودتهم لا أكتر ولا أقل[/gdwl]

**tamer_a7** · 28-03-2011 03:01 PM

المشاركة الأصلية كتبت بواسطة abdoelshazly

بص يا باشا انا زيك غيرت عند واحد عند عمارة ماشاءالله اسمه اسامه على ما اعتقد المهم انا حاطه بقاله معايا اكتر من 3 شهور مفيش اى تغير ولا ف المطبات ولا اى حاجه بل بالعكس مش بيعدى شهر ولازم اكون عنده بزود وانا بزوده على 30 مش عارف بقا بس فعلا انا حاسس انه اشتغاله فعلا :copy of majd(2):

معلش انا ليه وجه نظر في الموضوع ده انه مرتبط كمان بالعفشه بتاعت العربيه يعني الشاهين اساسا نشفه جدا
متهيا ليه صعب النيتروجين يعرف يعمل معاها حاجه هههههه

-

الموضوع: و أنا كمان حطيت نيتروجين فى الكاوتش

LinkBack

أدوات الموضوع

عرض

-

-

-

-

-

-

-

-

المواضيع المتشابهه

حكاية اسمها نيتروجين في الكاوتش

انهارده حطيت نيتروجين لسوسو

تزويد الكاوتش نيتروجين

اية رأيكو في مليء الكاوتش نيتروجين؟

ايه الفرق بين ملي الكاوتش نيتروجين او ههواء عادي ؟

الكلمات الدلالية لهذا الموضوع

المفضلات

المفضلات

ضوابط المشاركة