و أنا كمان حطيت نيتروجين فى الكاوتش

**kar!m** · 24-03-2011 11:58 PM

السلام عليكم

أنا اليومين دول بسيب العربية مركونة كتير .. أحيانا طول الاسبوع فى الجراج و بستخدمها الجمعة و السبت بس .. حتى لو استخدمتها فى نص الاسبوع بيبقى مشاوير بسيطة .. فا طبعا فى الشتا بضطر أضبط هوا كتير عشان ضغط الهوا بيقل .. فا قلت أحط نيتروجين عشان بيحتفظ بضغطة فترة أطول.

المهم رحت عند واحد اسمه شيبوب عندنا فى الزقازيق و فضى الكاوتش و ملاه نيتروجين .. بس مشغطش الهوا .. فضاه عادى .. و رفع العجلة عشان الكاوتش ميبوظش و هو فاضى و خد 15 جنية و ركب لى 3 غطيان بلوف .. عشان أنا عارفه من زمان .. انما هو أصلا بياخد 20 جنية.

الملاحظات:

ضغط الكاوتش: النيتروجين بيحتفظ بضغطة فترة أطول من الهوا العادى .. بنسبة 30 % تقريبا.
صوت الكاوتش على الأرض: مفيش فرق.
الفرامل: مفيش فرق.
المطبات: أحسن بنسبة 30% تقريبا فى النقر و الأراضى المكسرة مع انى ضابطضغط النيتروجين على 30 psi و كنت بضبط الهوا على 28 psi .. بس فى المطبات العادية محستش بفرق.

مع ان مكنش فى دماغى موضوع النقر ده .. بس فعلا أحس بكتير .. أنا حبيت أنقل التجربة للافادة.

**shooter123** · 25-03-2011 12:05 AM

وحتفرق معاك كمان في استهلاك البنزين جرب وحتشوف

**masterzmind** · 25-03-2011 12:12 AM

وحتفرق معاك كمان في استهلاك البنزين جرب وحتشوف

1- وكمان البطرية استهلاك بتاعها هيكون احسن
2- العربية بقيت اسرع
3- وصوت الموتور بقى واطى

صباااااااااااااااااح الفل

بهززززززززززززززززززززر طبـــــــــــــــــــــــ ـــــــــــــــعااااااااا ااااااااااااااااااااااا

**moosaleh** · 25-03-2011 12:41 AM

يا جماعه والله النتروجين مالوش اى لزمه وكل اللى بيحصل من احساس النعومه فى المطبات والعربيه اثبت على الطريق وخلافه ناتج عن العامل النفسى لا اكثر ولا اقل لان النتروجين له نفس الضغط للهواء يعنى هو مش مطاط وبعدين نقص ضغط الهواء فى البروده ده امر طبيعى لانه اى غاز كلما قلت درجه حرارته انكمش فقل الضغط ولكن لايتسرب والذى يحدث فعليا فى فصل الشتاء ان تأثر ماده الجنط بالحراره يختلف عن ماده الكاوتش ولذلك يحدث بعض التسريبات فى مكان الالتقاء والحل هو صنفره الجنط ووضع طبقه رقيقه من الشحم فى مكان الألتقاء مع الكاوتش قبل تركيبه وبعدين لاتثق فى اى جهاز لقياس ضغط الكاوتش اللى الذى تملكه انت لان 99% من مقاييس الكاوتش عند اللى ربنا يكرمهم بتوع الكاوتش بتبقى بايظه وذلك عن تجربه حتى لو فى احسن الاماكن لان مقياس الكاوتش بيبوظ لو اتخبط خبطه واحده بس ولذلك احذر ممكن تقلوه ضبطلى 30 وهو بيبقى فى الحقيقه 40 ويمكن اكتر وبرده نصيحه تانيه لو بتكشف عن فرده بطريقه الغمر بالمياه اتاكد دايما ان الباشا ميزودش الضغط عن 35 لانهم بيستهبلوا وبيخلوه على 60 علشان الفرده تفتح وتبوظ ويقلك دول 10 اخرام يابيه وبعدين لازم الميه مايكونش فيها صابون علشان الرغاوى بتوهم

**Ashraf_Ibrahim** · 25-03-2011 01:08 AM

انا بقالي 3 اسابيع حاطط نيتروجين الحقيقة
صوت الكاوتش انا حاسس انه اقل وفيه نعومة في المطبات كمان -انا الكاوتش بتاعي نسر - الفابريكة بتاع العربية
مظبطش هوا تاني من ساعتها والكاوتش تمام
هو الراجل قلي نادرا لما هتيجي تظبط هوا تاني

**kar!m** · 25-03-2011 01:40 PM

المشاركة الأصلية كتبت بواسطة moosaleh

يا جماعه والله النتروجين مالوش اى لزمه وكل اللى بيحصل من احساس النعومه فى المطبات والعربيه اثبت على الطريق وخلافه ناتج عن العامل النفسى لا اكثر ولا اقل

خالص على فكرة .. أن أصلا مكنتش حاطط نيتروجين عشان النعومة فى المطبات بس حسيت بيها بعد ما غيرت على طول زى ما قلت .. وأنا عارف عربيتى كويس .. عشان كده حسيت على طول انه أحسن فى المطبات.

**moosaleh** · 26-03-2011 12:52 AM

المشاركة الأصلية كتبت بواسطة gade2

شكرا جدا على المعلومه دى

العفو اتمنى لك السلامه وللجميع ان شاء الله

**ahmed1981** · 26-03-2011 03:48 AM

المشاركة الأصلية كتبت بواسطة kareemz

و فضى الكاوتش و ملاه نيتروجين .. بس مشغطش الهوا .. فضاه عادى ..

المفروض كان يفضيه لو عايز يشتغل صح بما يرضي الله

والمفروض لو عايز شغل أنضف يفضي مرتين

*- يفضي
*- يشفط
*- يملا نيتروجين
*- يفضي
*- يشفط
*- يملا نيتروجين

كده يبقى شغله 100%

وإن كنت أنا شخصياً عن تجربة أعتبر النيتروجين خدعة
http://www.nilemotors.net/Nile/49376-a.html

**kar!m** · 26-03-2011 07:38 PM

المشاركة الأصلية كتبت بواسطة ahmed1981

وإن كنت أنا شخصياً عن تجربة أعتبر النيتروجين خدعة
http://www.nilemotors.net/nile/49376-a.html

والله يا باشا الراجل اللى أنا مليت عنده فى اخر الشارع عندى .. فأنا حافظ الشارع دى بمطباته و حافظ عربيتى عشان على طول بمشى فيه .. فأول ما طلعت من عنده حسيت بالفرق على طول .. مع انى مكنتش حاطط نيتروجين عشان كده أصلا زى ما قلت .. يعنى مفيش أدنى احتمال لعامل نفسى.

-

الموضوع: و أنا كمان حطيت نيتروجين فى الكاوتش

LinkBack

أدوات الموضوع

عرض

و أنا كمان حطيت نيتروجين فى الكاوتش - انشر الموضوع فى :

-

-

-

-

المواضيع المتشابهه

حكاية اسمها نيتروجين في الكاوتش

انهارده حطيت نيتروجين لسوسو

تزويد الكاوتش نيتروجين

اية رأيكو في مليء الكاوتش نيتروجين؟

ايه الفرق بين ملي الكاوتش نيتروجين او ههواء عادي ؟

الكلمات الدلالية لهذا الموضوع

المفضلات

المفضلات

ضوابط المشاركة