http://img716.imageshack.us/img716/9813/25032011201.jpg
معلش انا حاطط الصورة بحجمها الكبير عشان لو حبين تقروها و تتناقشوا
عرض للطباعة
http://img716.imageshack.us/img716/9813/25032011201.jpg
معلش انا حاطط الصورة بحجمها الكبير عشان لو حبين تقروها و تتناقشوا
ده ممكن نعتبره بلطجه او غيره
وهو تصرف جاهل ملهوش دعوة بالشريعة
لاكن ليه الاهرام تحطه على الصفحة الاولى وبالحجم ده
ولما كان الموضوع بيبقي للطرف الاخر او قتل او تعذيب لاي مسلم
بيكون مجرد خبر هامشي مش اكتر
اسامه سرايا من بقايا النظام الفاسد ... واثارة الفتن والفوضي تخصص كما يبدوا
دلوقتي خبر زي ده اصبح اهم خبر على الاطلاق... لأ ده الخبر القومي لهذا الاسبوع ولازم ينزل في عدد الجمعه
عشان الناس تقول ان كل الاسلاميين متطرفين ومعقدين وخلافه
شامم ريحة العلمانيين والاصناف المريضةتفوح بقوة
--------------------------
الاخ كاتب الخبر:
اسمحلى أتساءل: ايه هدفك من نقل الخبر بالطريقة دي؟
عنوان ينم عن التعجب والزهزل + صورة بدون تعليق
وطبعا مطلوب من كل عضو في المنتدي يدخل يرد والناس تختلف والموضوع يكبر ويبقى كذا صفحة
هل حضرتك حسبت حساب ردود الفعل والنتائج وقيمة الفائده والضرر من الموضوع؟
ليه ماكتبتش الموضوع بطريقة: النصح وتحيح افكار الناس وتبرئة الاسلام والمسلمين من جهل البعض؟!!
لا حول ولا قوة الا بالله
بس مكتوب تحت الصوره انه تم الصلح يعني الموضوع ده بقاله كذا يوم ولا ايه
والله ما حيرتاحوا الا اما تقوم حرب بين المسييحيين والمسلمين
دول اول ناس حتبقي بره البلد
مش انا مسلم وموحد بالله
لو ثبت ان الخبر صحيح
والله لو شفت واحد في اللي عمل العمله القذره دي لاقتله بايدي
ايا كان بقي
مسلم ملتزم خمورجي مش حتفرق
عشان الموضووع بقي حاجه تقرف بجد
اي حاجه يتحشر فيها الدين ومسلمين ومسيحيين
هوا الدين ده لعبه
ماحنا طول عمرنا عايشين مع بعض
فيه ايه اليومين دول
ايه الارف اللي بقينا عايشين فيه ده
بجد انا بقيت بحس ان كل ما الدنيا تهدي حد ينفخ في النار ويشعللها تاني ويقومها حريقه
مين من مصلحته ان المسلمين والمسيحيين يضربوا في بعض يعني
أنا مش مصدق
إعلام قذر
هو فيه اصلا حد في الشريعة عقابه قطع الأذن؟
طب كانوا يقولوا قطعوا ايده علشان سرق..بس الناس كانت هتتعاطف علشان سرق فخلليها اذن وكل واحد يخللي باله من لغاليغه.
يا جماااااااااعة انا مسلم موحد بالله الحمد لله متحسسونيش انا اجرمت انا عملت الموضوع بدون تعليق واحد منى الصورة فقط !!
لو عايزيينى احذفه قولوا هنا وانا هحذفه
بلاش تلميحات و اسئلة و و و
ياباشا الخبر متفبرك
ولو صحيح يبقى برضو كلام فاضي وهم مضخمينه
وانا يا باشا اخواني سلفي ارهابي مسلم
ما يقطعه ودنه ولا رجله ولا اي نيله ...هل ده معناه المسلمين وحشين يعني ؟؟ كمان لو كانو قطعو ودن واحد مسلم في نفس موقف الراجل ده هل كان الخبر نزل في الصفحه الاولى في الاهرام ؟؟؟
ده اسمه استهبال من الاهرام
و الله اتمني من الاخ طارق ناقل الموضوع ان يطلب حذفه
لما يمثل من احداث حالة احتقان بدون اي ذنب للاسلام
فنحن الان مشينا وراء الموضوع و كأن ما ذكره الصحفي صحيح
احتمال انها كانت خناقة و حادث ضرب ادي الي اصابة في الاذن
ثم هوه لو علاقة و الكلام الفاضي ده هيقطعو له اذنه ليه؟؟؟
ثانيا لو صحيح الخبر فعلا فليس كل صاحب ذقن انسان سوي يعني
فأرجو اعادة النظر في المصلحة العامة و مقارنة المفاسد التي ممكن ان تحدث من نشر مثل هذه الاخبار الفردية اثناء مرور البلد بهذه الفترة من الغليان
م.حاتم السباعي
الخبر ده انا قرأته في الدستور الأصلي بردو بس النهارده الظهر تقريباً
لكن انا مش مقتنع لا بالاحداث, و لا بالموقف, و لا بأي حاجه..!!!!
يعني ايه قطعوا ودنه؟؟؟ و ليييه؟؟؟ و اشمعنى هو؟؟؟ و ليه سابوا البنت
اللي المفروض انها مش كويسه؟؟؟؟ و من الاساس مافيش حاجه اسمها
قطع ودن واحد اقيم عليه الحد..!!!!!! و خمسين سؤال يقولك ان ده مش طبيعي...
انا مش مقتنع بالمره بصراحه... و بعدين مش واخد بالك ان الخبر معمول
بس علشان يتقال ان اللي تم الاعتداء عليه (( قبطي )) بين قوسين كده,
و اللي اعتدوا عليه (( ملتحين متطرفين )) بين قوسين بردو و بالتالي
يبقى الناس هتقول دول (( الاسلاميين )) لانهم مش بيعرفوا يفرقوا و لا
يعرفوا ان معنى كلمة الاسلاميين هي كل مسلم و اي مسلم بغض النظر
عن ان كان ينتمي لتيار سياسي او ديني او لأ...
بالبلدي كده المقصود من الخبر ده الفتنه الطائفيه بعينها و لا شئ سواها
و من الواضح ان لسه في ذيول للنظام السابق بتتحكم في بعض المراكز
الحساسه و المؤثره في البلد زي الصحافه و الاعلام...
ارجوكم... نهدى... نفكر كويس... نحكم عقولنا... و نفهم ما يحاك لنا جميعاً
ربنا يعدينا منها على خير...
والله انا شايف مش العيب في اسامة سرايا واخواته من دساسين السموم
انا شايف العيب على اللي سايب الناس دي لغاية دلوقتى
يمكن ده قرص الودن عندهم ياجماعه
مش متطرفين
الراجل بياجر الشقه لبنات مش كويسه
جم يشدوله ودنه عشان ميعملش كده تاني طلعت في ايديهم
:) :)
الخبر ده فكرني بنكته
بيقولك مره واحد راح يحلق عند حلاق مجنون
الراجل دخل قعد عالكرسي
الحلاق مسك المقص وقال للراجل عاوز ودنك دي
الراجل بصل له باستغراب كده وقال له لا طبعا
راح قاطعها وراميها في الشارع
الراجل قعد يصوت ويصرخ ياغبي ايه اللي انتا عملته ده
راح الحلاق قعده ومسك ودنه التانيه وقال له
ها عاوز ودنك دي
الراجل قال له ايوه ايوه عاوزها
راح قاطعها ومديهاله في ايده
:) :) :)
والله الواحد لاهو عارف يزعل عالخبر ولا يضحك من غباء اللي كاتبينه
وياتري جلسه الصلح كانت علي ايه بقي
مش حنقطعله ودنه التانيه بس يبطل ولا ايه
دلوقتي في نقطه استوقفتني اللي هيه اشمعنى الأذن على افتراض انه كل الكلام ده صحيح كانوا قتلوه او جلدوه . بس الأذن دي غريبه ودليل ان القصه لو كانت حصلت يبقى مش كده خالص
الخبر من الشروق
هما كلهم ناقلينه بنفس الصيغة بس انا مش مصدق برده حاسس ان فى انة فى الموضوع
بس انا واحد صاحبى قاللى انه هو زى ما اتحكى كدة !!
بس انا لو مكانه مكنتش اتصالحت اصلا دى ودن يا جدعااااان :)
بس المهم ان هما كاتبين الاسامى و الصور و الراجل و الشهود الاسامى الرباعية
معقول يكون مفبركين كل ده !! بس الجرايد التعبيرية دى محدش يستبعد حاجة منها
هما قطعوا ودنه ليه؟
مش فاهمها
يعنى هو متهم بمصاحبه الست اللى قالوا عليها مثلا ويقطعوا ودنه؟؟؟
و الصعيد كمان
كلام لا يستوى
لو فى الصعيد وقضيه شرف صدقنى مش هيقطعو ودنه هيقطعو رقبته
وليه متكنش خناقه بلطجه واحد مسلم وواحد مسيحى بيتخانقو على قرش حشيش مثلا واحد قطع ودن التانى مكله وارد ياجدعان وواحد ابن حلال قله تعال وقول ان اللى عورك بدقن متتفرجو على افلام اكشن شويه يارجاله
اشكرك يا استاذ طارق لاهتمامك
و انا فقط بنصح بسبب ما يحدث حاليا
و ان كان الهدف من نشر الموضوع اظهار ما به من عيوب كان به الا ان العجيب انك تجد احيانا تصديق او محاولة تصديق للفكرة اللي نفسهم يروجو لها
م.حاتم السباعي
واضح من التأم الجرح خصوصا جرح الاذن ان هذا الحادث من حقبة مبارك او من فترة طويلة
خصوصا عدم ذكر تاريخ الحادث وتعمد اخفاءه
السؤال
لماذا تم استدعاء الخبر اليوم
المخطط يسير بهدوء وثبات
لكن
لن يمروا
اليوم السابع | المجنى عليه فى حادث قطع الأذن بقنا يتنازل عن بلاغه
تنازل أيمن أنور ديمترى، المجنى عليه، فى حادث قطع الأذن بقنا عن البلاغ المقدم ضد 8 متهمين لقيامهم بقطع أذنه وإحراق مسكنه، الذى يقوم بتأجيره وتم تحرير محضر صلح بين المتهمين والمجنى عليه.
جاء ذلك على خلفية الصلح، الذى عقد بين المجنى عليه والمتهمين مساء أمس الأول فى حضور عدد من القساوسة والمشايخ بقنا منهم الشيخ محمد خليل، رئيس جمعية أنصار السنة المحمدية والقس موسى والقس هدرا فى حضور الحاكم العسكرى بقنا.
كانت مدينه قنا قد شهدت واقعة مأساوية إثر قيام بعض المتطرفين بإحراق مسكن ملك قبطى يدعى أيمن أنور ديمترى 42 سنة يقوم بتأجيره وذلك على خلفية إشاعات تم ترديديها بوجود علاقه مشبوهة بين صاحب الشقة والفتاة، التى تسكنها، فقام مجموعة من الأشخاص بإحراق المسكن وقطع أذن المجنى عليه، وتم تحرير محضر بالواقعة وتولت النيابة التحقيقات برئاسة أحمد صقر مدير النيابة
مع انى ضد المصالحة دى و مع حبس البهايم اللى بيشوهوا الاسلام بتاعنا بس يالا الصلح خير
أنا أصب جام غضبي علي المدعو أسامة سرايا وأقول له حسبي الله ونعم الوكيل . أنا لم اطلع علي نية كاتب الخبر لكن كل لبيب بالاشارة يفهم. ألم يتحفنا هذا الشخص في بوابة الأهرام منذ فترة بخبر حدوث سرقة بهائم من أحد قري الجيزة ويصور الأمر انه حدث بسبب الانفلات الأمني ويتضح انه من قبل الثورة بمدة طويلة
وهو ده هدف نشر الخبر........هل نحن سذج لهذه الدرجة !!!؟؟؟
إستوقفتي بعض التعليقات التي توحي بسذاجة كاتبها سواء من المسلمين أو النصارى والتي أيضاً من أجلها كان الهدف من نشر الخبر
لوكان هذا هو الاسلام بما رأيناة من قطع اعضاء الناس دون محاكمة فالبوذية والكفر ارحم من الاسلام
جاية على الطبطاب دي للعلماني صاحب الجريدة !!
كيف نقضي علي السلفية : علينا التخلص من الحرمان و الفقر وتعديل المناهج التعليمية و أن نعطي العلم في حياتنا وزن و قيمة أعلي مما نعطيها له الأن
السلفية لا تتفق مع المنهج العلمي في التفكير و لا تنتشر الا في ظلمات الفقر والجهل والحرمان
لكن الحمد لله جاءت معظم التعليقات دفاعاً عن الإسلام والسلف وأحبطت محاولة الجريدة القذرة لتشويه صورة الإسلام
http://a5.sphotos.ak.fbcdn.net/hphot..._5824133_n.jpg
السلفيون ينفون علاقتهم بقطع أذن المواطن المسيحى ويقولون أنه ليس من الإسلام وتم الزج بإسمنا لأسباب سياسيه ، والمجنى عليه يتنازل عن البلاغ ، وجيرانه هم من قاموا بالإعتداء عليه لسوء سلوكه كما ثبت فى البلاغ أن قطع اذنه حدث خطئا نتيجة إلقائه بزجاجه من أحد الجيران وليس كنتيجة إقامة الحد عليه كما حاول الإعلام تصويره
يا جماعة الاعلام المصري الخاص بجرايدة ب قنواتة . . اخبار تشوية المسلمين والاسلام والتيار الاسلامي اكثر من اخبار الحكومة المصرية !!!
بجد مفيش غباء بعد كدة الاعلام وبعض التيارات فشلت فكريا تلجأ لاسلوب الحزب الواطي بلشكل دة !!! دة لو جابوا واحد اولي ابتدائي حرب نفسية مش هيبقي بلسذاجة دية