انا عايز اجيب بونتو كلاسيك 2011 و مقتنع بيها جدا بس ناس كتير خوفتنى من ان قطع غيارها قليله و غاليه بالمقارنه بالبيكانتو
ممكن حد يفيدنى اذا كانت فعلا قطع غيارها غاليه اكتر من البيكانتو بكتير و لا لأ
شكرا.........................
عرض للطباعة
انا عايز اجيب بونتو كلاسيك 2011 و مقتنع بيها جدا بس ناس كتير خوفتنى من ان قطع غيارها قليله و غاليه بالمقارنه بالبيكانتو
ممكن حد يفيدنى اذا كانت فعلا قطع غيارها غاليه اكتر من البيكانتو بكتير و لا لأ
شكرا.........................
هيا قطع غيارها أغلى من البيكانتو أكيد بس برده هي أحسن من البيكانتو أكيد
انا شايفها احسن من البيكانتو بكتيير
انا حبيت اقول راية فيها لأنى فعلا جبتها فيات بونتو كلاسيك 2011
العربية بجد جميلة و زى ما بيقولوا حمالة قسية انا سافرت بيها و حملت فيها كتير
طبعا نظام السيتى باور حكاية و مشيها فى الطرق الجميلة بتاعتنا بجد حكاية و ناعمة جدا
بالنسبة لقطع الغيار هى طبعا اغلى من الكورى و منهم البيكانتو
بس العرفتة من ناس مجربة
ان قطع الغيار معمرة عن الكورى (عمرها الإفتراضى اكبر)
دة بالإضافة الى انها اوسع من البيكانتو و شنطتها اكبر
و شكلها احلى
و لو فى استفسار انا تحت امرك
أنا هقول لحضرتك رد قولته فـ "شبه" مقارنة قديمة مع البيكانتو.. لأنها فئة أصغر..! ولا تقااااااااااارن بالبونتو..
البيكانتو موتورها أضعف بكتيييييير 1100, الجيربوكس فيه غيارات واقعة.. (يعنى نقلات مابتسحبش أو مالهاش روح زى الـ3rd).. دا غير انها أصغر وأضيق بكتيييييييييييير..!! :H_angry[1]:
ورأيى الشخصى أن سعرها مباااااااالغ فيه جدااااا... ليه 65 ألف فـ عربية كورى قد علبة الكبريت.. (سواء البيكانتو أوالـi10).. مايستاهلوش فلوسهم..؟؟؟!!! :mad2:
وخد بالك أن البونتو: لولا انها قديمة (بتنزل من 12 سنة).. مكانش هيبقى سعرها كده.؟؟! ياباشا البونتو الـSpeedGear 2004 كانت بـ126 ألف جنيه..!!! :b04:
- والله مرة عـ الدائرى واحد ببونتو كلاسيك.. ساحب معايا 140-150 غرز وملفات مبتقولش لأ, ماشاء الله سرعة وثبات تماااااااام..! :bill:
قولت فـMy Mind: بقى أنا دافع لـ فيات فلوس قده 2.5 مرة (مرتين ونصف).. عشان يمشى زيى زيه :wink14:... ههههههههههههههههه
آه أنا ماشى على 3.0 rpm وهو على 5.0 مثلا.. بس ما هو الطرق آخرها كده...؟! :ok:
فى نفس اللحظة اتصلت بـ2 زملائى فـ الشغل.. وهزأتهم وقعدت أتريق عليهم عشان ماسمعوش كلامى.. وجابوا التوكتوك (الـpicanto)..؟؟!! :grin28:
بالنسبة لقطع الغيار... فـ كل حته.. الكيلانى فـ ش شمبليون, وفيات2000, وغطاس فـ شارع دمشق.. وكتيييييييييييييييير غيرهم..!
من وجه نظري البونتو أفضل من البيكانتو
عايز تعرف أسعار قطع الغيار كلم توكيل كيا وتوكيل فيات
على الاقل دي إيطالي تقفيل صربي من حيث الأداء والأمان البونتو ( abs + 2 airbag )
التانية كويسة من حيث الشكل
لو عايز تشوف فرق الأسعار موقع logta هتلاقي فيه أسعار الأتنين وربنا يوفقك
الف شكر يا جماعه يبقى البونتو وتوكلنا على الله
شكرا ............................
ميزة البيكانتو الوحيدة ان بينزل منها أوتوماتيك فى مصر عكس البونتو, و بالتالى مناسبة للبنات أكتر
ممكن اعرف يعنى اية باور ستى؟
تانى حاجة هل البونتو 2011 فيها ايرباج و فرامل abs
البونتو طبعا زى الفل يا زعيم انا زيك حاجز و حستلم كمان 10 ايام من الطارق اللون الذهبى 68500 من الطارق اسكندرية و خد عندك اللينك دى كمان واخدة اربع نجوم فى اختبار التصادم
Fiat Punto | Euro NCAP - For safer cars crash test safety rating