السلام عليكم عاوز أعرف نوع ميكروويف
بس يكون لللطبخ مش تسخين بس
و يكون في حدود 500 جنيه
عرض للطباعة
السلام عليكم عاوز أعرف نوع ميكروويف
بس يكون لللطبخ مش تسخين بس
و يكون في حدود 500 جنيه
نصيحة خليك في انواع معروفة احسن
انا اشتريت من يومين شارب 22 لتر "وفرقه مش كتير خالص عن ال 34 لتر"
وكان عامل 630 جنيه
نصيحة خليك في الماركات المعروفة علشان نسب الاشعاع والكلام دا كلو تبقي انتا في امان منه
وشارب الضمان بتاعه شارب العربي
انا كمان عاوزة اجيب ميكروويف وكنت عاوزة اعمل موضوع عنه
وبادور على ماركة كويسة وكنت بادور على الاحجام اللي سعتها كبيرة .. صاحبتي قالت لي مالوش لزوم الكبير مش بيفرق كتير
رحت شارع عبد العزيز وشفت انواع كتيرة كويسة كينوود و سامسونج و ال جي و شارب كان اغلاهم
الكينوود ال40 لتر كان ب1050 اللي يالشواية واللي من غير شواية كان ب 900
متاببببببببع
انا جبت في شهر نوفمبر اللي فات ميكروويف دايو كوري 64 لتر ب 930 جنيه بس بدون شواية
اه ينفع للطبخ
بس خلي بالك من حاجات مهمة اوووي
1- ان المايكروف المنزلي ما يتسحملش مهما كانت جودته استخدام المحلات او الاستخدام الانتاجي
2- الفرق في حجم الليترات مش كبير زي الناس ما فاكرة بص علي الموديلات من جوا وانتا تعرف بعينك ان الوسع مش كبير اووي
3- الشارب اللي معايا في اكتر من برنامج طبخ سواء بنوع الوجبة او وزنها وا قدرة تشغيل المايكرووف او الزمن
وتقدر تجمع بين بروجرام او كتر
4- الضمان بيفرق كتير علشان لو قدر الله لو حصل حاجة تقدر تحلها
5- اتاكد ان كل جوانب المايكرووف من جوا سيراميك ونفس الشكل والبنية بتاعتها
6- تتاكد من سلامة الابوبا الزجاج بتاع الباب والمفصلات بتاعته وانه بيقفل كويس
7- الجهاز ما يكونش في اي خبطات او اعوجاج بسيط جدا
اقعد بص في الجهاز اللي هاتشتريه كانك بتبص في عربية مستمعله هاتشتريها من السوق
اشتريت الشرب ال 34 قبل عي د الام بيوم من هايبر ... هايل جدا في التسخين وعملي جدا جدا
في الطبخ مش كل الاصناف هاتنفع فيه
الميزة بتاعة اللي فيه شواية انه ممكن يحمر وش الحاجات ...
بس فيه مقالات كتير علي الانترنت لطرق طبخ كل حاجه فيه
عموما اللي فيه الشوايية بيبدأ من 850 وده كينوود من كارفور داندي
فيه عندهم سامسونج برضو تقريبا نفس السعر
يالمناسبة ارشح لحضرتك حجم صغير بعد ما جيبت ال 34 حسيت انه مالوش لازمة فعلا الحجم الكبير ... فيه منه 22 و كتان تقريبا ب 650 زي ما قال tamatemo او اقل شوية في هايبر
فيه كمان اختراع جديد كده اسمه فرن بخار من شارب sharp healsio ده صحي جدا وبيعتمد علي تقنية البخار في التسوية ... مش موجات المايكروييف ... بس مش عارف هاتحب طعم الاكل السوتيه ولا لا .. ده السبب اللي خلاني ما جيبتهوش وده سعره حسب السعة برضو و بيبدأ من 550 جنيه
اخيرا
احسن الانواع في المايكروييف
panasonic
sony
kenwood
sharp
وبعدين بقي ال samsung
البلاك اند ديكر مش محبز ... اعطاله كتير
و نصيحة بلاش الماركات الصيني زي الكايرا و الحاجات التقفيل المصري زي ال يونيفيرسال لان اهم حاجه في المايكروويف العزل .. ولو سئ هايبقي مش صحي
تحياتي
بالسعر اللي انتا كاتبه صعب جدا تلاقي طلبك
عموما
انا جبت ميكروويف كايرا 25 لتر كان وقتها ب 400 جنيه وفيه شوايه وكل حاجه وطبخ لكن انا بالاساس جايبه فقط لتسخين العيش والحاجات البسيطه
وبالتجربه لحد دلوقتي معايا بقاله 4 شهور والحقيقه مريحنا جدا...
تحياتي
أنا عندي ال kenwood إلي بيشتغل microwave أو شواية أو الاتنين مع بعض، أنا اشتريته من حوالي 4 سنين و كان ثمنه حوالي 1200، الجهاز ممتاز ، بس فيه عيب واحد إتكرر مرتين ، زرار الباب بيعلق، و لازم تروح التوكيل علشان الباب يتفتح و يغير الزرار. حسب كلام التوكيل إن دة بسبب إن زرار الباب كبير و لازم تضغط على منتصف الزرار بالضبط
http://www.nileup.com//uploads/image...cf2a7adb68.jpg