عرض للطباعة
السلام عليكم
طبعا هم البلد كلها الحالي مين هو الرئيس القادم ؟
كيف ستكون الايام القادمة
انت كمواطن مصري
هتختار الرئيس بتاعك على اي اساس؟
على اساس منصبه وانجازاته السابقة؟
ولا على اساس شعبيته بين الناس ؟
انا شخصيا هيكون اختياري على اساس البرنامج الانتخابي الواقعي والمقنع والمناظرات بين المرشحين
ياريت كل واحد يقول رأيه لان بصراحة انا حاسس اني لسه بتعلم ألف باء سياسة وديمواقراطية وحرية
واعتقد ان في ناس كتير نفس حالي
ما تبخلش برأيك علينا علشان نستفيد من أفكار بعض
أرجو عدم ذكر أسماء مرشحين
انا هحط فى دماغى كوكتيل
سياسته - مناظراته - دينه - التزامه بالبرنامج - افكاره - توجهاته و و و و و
وهشوف مين الاقرب لهذا الكوكتيل و اختار مش هحدد حاجة على حساب حاجة
انا هاختاره عل اساس برنامجه وتاريخه ويكون معتدل قريب من كل الاطراف حتى لا يحدث صدام
ويكون قادر على احداث التغيير ومايكونش من مخلفات نظام مبارك
عن نفسى ونتيجة للاحداث التى مرت بها مصر منذ ثورة 1952
بالترتيب
1- مسلم الديانة طبعا ولا جدال فى ذلك اطلاقا ومحافظا على دينه ( على الاقل لازم يحترم وينفذ حدود الله الكبرى على الاقل كحد ادنى ( لايشرب الخمر زى واحد مرشح نفسه وهو فى منصب عربى كبير على الورق فقط - لايكون ليه افكار علمانية غربية عصرية زى مثلا الناس حرة لو عاوزة تمارس عادات محرمة دينية والكلام الفارغ ده )
2- اصوله واقاربه من الدرجة الاولى يجب ان تكون مصرية خالصة
3- تربى ونشأ طوال عمره وتاريخه فى مصر
4- له خلفيه فى العمل العام داخل مصر ( سياسى - عسكرى - قضائى - نقابى - وزارى )
5- قوى الشخصية وحازم وليس مهاود وطيب ومن بتوع كله ماشى المرة دى
6- اقل المرشحين طلبا للسلطة
7- له برنامج على الاقل مقنع نظريا كاحد ادنى مرتب الخطوات
8-لايهم ان يكون من الوجوه الجديدة او من الوجوه القديمة فى ايام حكم الرئيس السابق ( لان ببساطه اى حمار باربع رجلين وديل اتعلم الدرس بتاع الثورة جيد جدا جدا جدا ومستحيل هايغلط غلطة النظام السابق تانى وكمان لان تحديد فترة الولايه وعدم تجديدها مدى الحياه الا مرة واحده فقط مستحيل تصنع فرعون جديد زى ما الناس الى ليها اغراض سياسيه بتقول كده )
9- يضع نقطتين فى برنامجه الانتخابى بخصوص مجلس الشعب وشروط ترشيح اعضائه وبخصوص مشروع توشكى والوادى الجديد ( الى هالاقى النقطتين دول فى برنامجه الانتخابى هاوافق عليه )
10-له قبول نسبى عند الاعداء وخصوصا امريكا والكلبة بتاعتها اسرائيل ( وماحدش يقول ان اسرائيل هى العدو الاول اسرائيل لعبه فى ايد امريكا الى هى العدو الاول فعلا )
وبالنظر للشروط السابقة
فى راى برضه الشخصى جدا جدا جدا
اصلح اتنين ممكن ارشحهم هما
كمال الجنزورى و احمد شفيق
ده راى الشخصى جدا جدا جدا لدرجة انه مالهوش لازمة ان حد يكلف خاطره وينقدنى فيه
اهم حاجه بالنسبه لي
الا يكون من النظام السابق ....
والمناظرات بين المرشحين ..
انا مش مصدق نفسي هل هيجي اليوم اللي اشوف مرشحين الرئاسه في مناظره :))
برنامج انتخابي حالم بيحلم ان مصر تبقى من احسن دول العالم "احنا مش اقل من كوريا او البرازيل او ماليزيا"
لقاءاته و ندواته
و اكيد المناظرات ان عملوها اصلا لان المفروض عمرو موسى وافق على مناظرة البرادعي و مشفناش حاجة
و توقيعي بيوضح :d
البرنامج الانتخابى ومدى مصداقيته ...تاريخ المرشح ومواقفه..صفاته الشخصية .../دى قدرته على تنفيذ برنامجه