الموضوع: تعلم كيفية عمل وتركيب الكتاوت بنفسك ... !!!

لا تعب ولا حاجة
بس اتاكد انه مكتوب عليه انه تركي عشان فيه واحد أخوه بالمللي وصيني...تقريبا tyb وشتان مابينهم وانا معاك فالتركيب

المشاركة الأصلية كتبت بواسطة exact

لا تعب ولا حاجة
بس اتاكد انه مكتوب عليه انه تركي عشان فيه واحد أخوه بالمللي وصيني...تقريبا tyb وشتان مابينهم وانا معاك فالتركيب

اخيراً لاقيت وقت و جبت الكتاوت انا جبتها من التوفيقيه ب 18 جنيه
[img2]http://api.ning.com/files/pmps-SPv0oUqLn9CI1EsTKJfOq8JzYA3VGuGAqJgWlBkVzSYNduLPPX xm7j5PO4PF1*md*HDtpMbhluMR1bddh8EVGoGd0iF/Elo_Relay1.jpg[/img2]
وزي ما انت شايف انها كبيره 61.5 سم في 5 سم في 3.75 سم و الطرف الارضي 6.6 سم اكبر من الريلاي العادي بكتيير

وجبت كمان علبة فيوزات تشيل 6 فيوزات ب 8.5 جنيه
[img2]http://api.ning.com/files/585jWUwZlcnjztdQCwrsAd3a-bXmVc-fTwiEsl-mdc2Ej-ES1dfMRCr3sNRBxYZqyfg7EKJR7aZFoq3Snq6fsVTKin7QKYuI/fuse_6.jpg[/img2]

مع العلم العربيه اللي معايا لانوس
وعندي سؤالين

1-انا مش عارف انسب مكان في العربيه اثبت فيه الكتاوت فين؟
2- بخصوص توصيل الطرف الموجب اللي بيدخل على الطرف 30 ==> هل بيتاخد من صامولة قطاش البطاريه الموجب (انضفه و الربطه في الصاموله) ولا الاحسن انه يتلف مع نحاس سلك القطاش و اغطيه بمكرونه و لا في حاجه تاني أحسن
3- ازاي بتعزل الكتاوت (للحمايه من الميه مثلاً و انه متجيش مع ملف قوى تلاقيه شررط الطرف 30 مع جسم العربيه مثلاً)==> تحطه جوه كيس بلاستيك مثلاً ولا بتعمل ايه

اسف على الأطاله

بص ياباشا
1-بخصوص المكان نقى اي حاجة راكبة بمسمار 10 في صدر العربية وركب الكتاوت عليها لأن العلّاقة بتاعه لازم تاخد أرضي فخد بالك من النقطة دي...وحاول يكون في حتة عاليه... مش تحت

2- الطرف 30 ده مشترك للمبات وده اللي شايل الكهرباء عامة...أنا مثلا عربيتي نظامها ان فرد الموجب شغال على طول والدراع بيقطّع السالب...انت شوف ايه النظام عندك
اللمبات لو الدراع بيقطع الموجب يبقى الطرف 30 ده يتوصل بسلك 3 مللي مع موجب البطارية...ويستحسن انك تجيب عروة 10 وتركبها على مسمار قطاش البطارية...احسن وانضف واطول عمرا....وبخصوص الكلبسات اللي بتوصل الكتاوت اشتري لها غطيان بلاستيك وخلليه يعرفك تركيبها

3- ولو اني مش فاهم الكلام اللي ما بين القوسين ده قوي... بس انت ممكن تسيبه من غير عزل بس كل فترة تتمم عليه انه مقفول كويس وتركبه بحيث الجزء الاسود لفوق...وممكن تشد عليه افيز بلاستيك من بتوع الطاسات دي...وممكن تلفه في كيس خفيف ولو اني مجربتش وأخاف يكون بيسخن

اضافه لموضوع تركيب الكتاوت
انا ركبت كتاوت نور تركى لقيتها احسن بصراحه الامبير اعلى وعدد السلوك اقل

دى الادوات

و 6 متر سلك 3 الوان كل لون 2 متر السلك 2 ميللى وسلك البطاريه 3 مبللى او 4

طريقه التوصيل
الاحمر النور العالى والبنك دا ولا مش عارف اسمه النور الواطى والازرق الارضى
والاسود الكهربا من بطاريه العربيه
التثبيت بمسمار 10 فى جسم العربيه عشان ياخد ارضى

طيب يا جماعة انا كان عندي كتاوت المفروض انها كانت تركي و ركبت لمبات فيليبس راللي بس الاضاءة كانت ضعيفة .. بعد كدا الكتاوت كانت بتعلق كتير فا غيرتهم .. الكهربائي ركبللي نوع فرنساوي وبيشكر فية جدا .. هوا قطعة واحدة بس مش 2 و فرقوا في النور كتير .. فا النوع دا كويس ولا ادور على التركي تاني ؟؟

المشاركة الأصلية كتبت بواسطة osama.m

طيب يا جماعة انا كان عندي كتاوت المفروض انها كانت تركي و ركبت لمبات فيليبس راللي بس الاضاءة كانت ضعيفة .. بعد كدا الكتاوت كانت بتعلق كتير فا غيرتهم .. الكهربائي ركبللي نوع فرنساوي وبيشكر فية جدا .. هوا قطعة واحدة بس مش 2 و فرقوا في النور كتير .. فا النوع دا كويس ولا ادور على التركي تاني ؟؟

هات التركى elo احسن بكتير
الفرنساوى دى صينى ومكتوب عليها فرنساوى مفيش حاجه اسمها كتاوت فرنساوى