تعلية و توطية كهرباء العربية - ظبط الاسبراتير
اكيد الكل و هو عند الميكانيكي مرة و بيزبط الكهرباء الميكانيكي قاله انا علتلك الكهرباء سنة صغيرة علشان متاكلش معاك بنزين
طيب الكلام ده حقيقي ولا ايه ؟
علشان نعرف ايه صحة الكلام ده تعالو نتكلم في طريقة عمل المحرك
1- المسئول عن دخول الخليط ( البنزين + الهواء ) للمحرك هو الكرباتير
2 - المسئول عن اشعال الخليط البوجيهات (شمعة الاحتراق) و دي بتاخد امر الاشعال من الاسبراتير
3- افضل لحظة لاشعال الخليط للحصول علي الطاقة القصوي من الاحتراق هي عند وصول البستم الي اعلي نقطة حيث يكون الخليط في حالة انضغاظ كامل
في حالة الكهرباء عالية ( مقدمة ) :-
----------------------------------------
الخليط بيكون دخل غرفة الاحتراق و البستم لسه مطلعش لاخر نقطة ممكن يوصلها و يحدث الاحتراق فتتولد الطاقة الي عايزة تزق البستم لتحت لكن البستم عايز يكمل مشواره لسه لفوق و في الخناقة دي طاقة كتير ضاعت و ده الي بيعمل الصوت الي بنقول عليه تسقيف زي كركرة كده
في حالة الكهرباء واطية ( متاخرة ) :-
----------------------------------------
الخليط دخل غرفة الاحتراق و البستم طلع لاخر مشوار ليه و ابتدي ينزل و يحدث الاحتراق فتتولد طاقة فاقدة ظغط الخليط و يتزق الي باقي مت مشوار البستم و ده الي بنقول عليه العربية مبتسحبش
و بكده عرفنا ان افضل وقت يحصل فيه الاحتراق هو الانضغاط الكامل للخليط عند اخر مشوار للبستم يعني التقديم او التاخير مش كويس علي اداء المحرك و بنفقد طاقة كتير و في الحالتين احنا مش بنوفر بنزين بالعكس احنا بنستهلكه علي الفاضي
طيب المهم بقي نعرف اخر مشوار البستم منين ؟
طبعا مش طبيعي ان كل مرة عايزين نزبط الكهرباء نفتح الموتور لا طبعا فيه طريقة سهلة جدا و انا بعملها في 10 دقايق بالظبط
الاحتياجات :-
---------------
1- مفتاح 13
2- لمبة اشارة علي الدواية بتاعتها بطرفين سلك
الخطوات :-
------------
1- نفتح الكنونتاكت ( لاتدير المحرك )
2- افتح كبوت العربية و بص علي الطمبورة الي راكبة علي عامود الكرنك هتلاقي فيها علامة و هتلاقي علامة تانية علي غطاء وش التقسيمة
3- هات الغيار الرابع و زق العربية بشويش لحد ما العلامة الي علي الطمبورة تبقي قدام العلامة الي علي غطاء وش التقسيمة ( بعض الموديلات بيبقي فيه 3 علامات علي الغطاء 2 نفس الطول و ال3 اطول منهم شوية احنا بنزبط علي الطويلة )
4- وصل طرفي اللمبة علي طرفي الموبينة الموجب و السالب
5- فك مسمار الاسبراتير و حركه حركة بطيئة اول ما اللمبة تنور اربط المسمار علي الوضع ده
6- شيل اللمبة و انقل الغيار علي وضع المور و دور المحرك و ادعيلي
بكده تكون حققت كل الي شرحناه
ده فيديو بيشرح الي قلناه بس علي محرك فولكس بس نفس الفكرة بالظبط
[youtube]http://www.youtube.com/watch?v=f9jh7POUB2U[/youtube]
[media]http://www.youtube.com/watch?v=f9jh7POUB2U[/media]
