حد يعرف سعر كشافات الشبوره للسيراتو كم خارج التوكيل وهل في منها انواع.. وياترى تركيبها سهل ؟
عرض للطباعة
حد يعرف سعر كشافات الشبوره للسيراتو كم خارج التوكيل وهل في منها انواع.. وياترى تركيبها سهل ؟
في التوكيل 470 للواحد بخلاف الضريبه
برا التوكيل عند الجندى الاصلى ب 350 الاتنين
و فى عند ناس تانيه ب 250 و فى ناس تالته ب 450
و نصيحتى ليك لو انت اصلا معندش كشافات شبوره او باظوا و هتجدد
هات شبوره المرسيدس اللى على شكل حرف l اللى هى ليدات و شكلها تحفه على العربيه و هو بالمره مصاريف بمصاريف و تقؤيبا موجوده ب 500 جنيه عند محل فى شارع دمشق و ممكن تلاقيها فى التوفيقيه ارخص كمان
و خلى بالك السيراتو نزل ليها فوانيس صينى قدام وورا و رخيصه جدا جدا ,ارخص من الشبوره كمان و الله
و السلام ختام
ياريت ياجماعة حد يقولى اماكن المحلات اللى بتبيع قطع غيار سيراتو فين
الجندى فى شارع دمشق موزع معتمد من التوكيل
و ليه فرع تانى
و انت ممكن تتصل بالتوكيل و تسال
السلام عليكم
انا كنت في التوكيل امبارح وسالتو على كشافات الشبورة ورد المهندس هناك انها تكلف حوالي 1700 جنية بس هو هيغير دراع النور كلو بواحد تاني بس فية مفتاح الشبورة بس مش عارف هو فية لمبة في العدادات ولا لاء مش عارف
يا ريت حد يعرفني هل يوجد لمبة في العداد ولا هيركبوها ولا لاء
انا عربيتى مكنش فيها فوجات و ركبتهم الحمد لله من شهر 11/2010
انا إشتريت الفوجات الأصلى من "الجندى" و كان الإثنين ب500 جنيه
و إشتريت دراع النور اللى فيه سويتش بتاع الفوج كان 350 جنيه
و غيرت الطبات اللى فى الإكصدام الإتنين ب350 جنيه
التكلفة النهائية 1000 جنيه
و ركبتهم فى التوكيل عشان الضمان ما يسقطش
الأسعار دى غالبآ هتلاقيها نزلت عن كده لإن انا لما إشتريتهم مكانوش لسه موجودين كتير
فيه لمبة فى التابلوه للفوجات
انا عارف إن التكلفة كبيرة بس انا مش بحب أركب حاجة مش فى مكانها المظبوط
متابع بشده
الف شكر ليكو يا جماعه وياترى لازم يتغير دراع النور بالكامل ولا في حل تاني؟ والطبات اللي في الاكصدام بيبقى في مشكله في فكها؟
فيه حل تانى
إنك تركب مفتاح خارجى و ممكن تستعمل الفبرة الفاضية اللى جنب باب السائق (خلف الدركسيون)
لكن فى الحالة لا أظن هينفع تشغيل النور اللى فى التابلوه
الف شكر على المعلومات القيمه
انا عايز اعرف هيا ليها فيش ورا الطبات ولا الكهربائي عملك توصيله من الدراع علي طول
الفوجات الي عن الجندي ب 500 اللي جربها زي الاصلي ولا كفائتها اقل اصل الفرق كبير اوي في السعر بينها وبين الاصلي