-
إطارات الماروتى
عاوز أغير الأربع فرد الكاوتش للماروتى لأنهم خلصوا خلاص ، وبدأ السلك اللى فيهم يظهر
وليا عدة أسئلة :
1- هل فلى خطورة أنى أمشى بيهم كده ؟
2- هل ينفع أغير لمقاسات الألتو ( بحس أنها أعلى عن الأرض شوية من الماروتى )
3- هل لو ينفع أغير لمقاسات الألتو ، هغير برضه الجنوط ولا زى ماهي ؟
كان فى أخ فاضل غير وركب بتوع الألتو بس مش عارف ألاقى المشاركة بتاعته فين
4- أجيبهم منين ؟ ولو حد يعرف السعر ياريت يقوللى ؟
-
اكيد طبعا خطر نمشي عليهم كده بالذات ع سرعات ممكن ينفجرا ف اي وقت و الا حاجه
هوا حضرتك عامل كام كيلو ؟؟
-
خطر طبعا تمشي كده
مقاس الالتو يحتاج جنط 13
في على نفس الجنط مقاس اعرض سنة صغيرة من الاصلي لكن للاسف مش حافظ مقاسه
تحياتي
-
المقاس اللي يركب على نفس الجنط بتاعنا هو
155\70\12
دا يفرق سنتيمتر واحد في العرض عن المقاس الأصلي بتاعنا
145\70\12
ودا كان موجود في الشركة العالمية للإطارات اللي في شارع شمبليون
انا كنت بشتري فردة واحدة من هناك والراجل قالي دا موجود عندي
-
طبعا هيفرق وخطرجداا عليك
كان عندي فردة كدة وكانت مبهدله دنيا لحد ما حمدلله غيرتها
لازم ترميهم اصلاا
وبخصوص مقاس عربيه الاصلي استاذ حمزة قالك اللى مفيد
اذا عايز تغير كل شي كان فى زيمل هنا مضبط عربيه ومغير
جاب جنوط 13 ب950ج
و4فرد الفردة 205ج
يبقى مجموع 1770ج((:
ومقاس اللى حطه فى جنط 13
كان 155/70 وقال انه فرق معاه اوي فى ثبات عربيه
والله مستعان
-
استاذى الفاضل
انا لسة مغير 4 فرد جداد من توكيل good year الاصلى بتاع بلدها وده اضمن حد ممكن تاخد كاوتش للماروتى
التوكيل اسمة chek point مدير فرع المعادى استاذ مصطفى شكرى 0129065256
العنوان : محطة بنزين وطنية زهراء المعادى طريق الاوتوستراد الرئيسى
قولة بس انك من طرف ايهاب اللى معاه الماروتى الكحلى هيعملك نسبة خصم كويس
انا ماشى على الجديد حوالى 5000 كيلو اهو وزى الفل
وفاكر ان الفردة كانت بحوالى 232 جنية ونزلها لحد 220
الميزة بقى كارت صيانة الكاوتش 40 الف كيلو + ترصيص مجانا + نتروجين مجانا برضة
المقاس بتاعنا 12/70/145 وبعدين انا خفت اغير اى حاجة عن الاصلى عشان العفشة
-
للعلم انا اشتريت الفردة من العالمية اللي في شارع شامبليون نفس المقاس نفس النوع بـ 185
دي اول مرة اسمع فيها عن صيانة للكاوتش
ياريت توضح دي شاملة ايه؟
-
-
انا برضة عملت زيك كده واستغربت جدا بقولة صيانة !! انا اول مرة اسمع عن صيانة الكاوتش
قالى ده يعتبر متابعة للكاوتش بتاعنا
يعنى كل 10 الف كيلو بتروح هناك بعمل ترصيص جديد للكاوتش وبعد كده بينقل الفردتين اللى قدام ورا والعكس كمان
بعدها ب 10 الف كيلو بيرصص وينقل على شكل X يعنى يعتبر متابعة عامة لحالة الكاوتش
غير ان فى اى وقت اعمل check على النتروجين مجانا طبعا
الميزة حضرتك بتبقى فى طريقة تخزين الكاوتش فى التوكيل بتاعة ان التخزين بيبقى بأسلوب معين للحفاظ على الكاوتش من الرتوبة ده على اد علمى وكنت قريت موضوع قبل كده هنا فى المنتدى العام عن طريقة تخزين الكاوتش فى التوكيل والفرق لما يكون عند موزع عادى
انا واخد من عندهم انتاج شهر اكتوبر 2010 وده احدث شحنة وصلت مصر منها
-
الله ينور يا متر...
ماشاء الله ولاحول ولا قوة الا بالله
ربنا يبارك لك فيهم يبااشاا ويكفيك شرهم يارب
مبروك يا صديقي العزيز تحياتى..
Content Relevant URLs by
vBSEO 3.6.0 PL2