الموضوع: اخيرا ,,, اخترت سماعات الابواب ,,اية رئيكوا ,,,

المشاركة الأصلية كتبت بواسطة marco14

تعتبر نفس المشكلة عندي
رفضه اني اعمل اي حاجة تبوظ الاصلي بتاع العربية و يقولي احنا نسمع على قدنا :)


انا مشكلتي دلوقتي الفلوس و الرف الخلفي

لو على الرف الخلفى مفيش اسهل منو ,,انا عملتو كلفنى 100 جنية ( خشب + موكيت + كلة + مصنعية ) و طالع جامد جدا ,,,

مشكلة ااصلى دى هى المشكلة ,,انا لحد دلوقتى مش عارف ازاى جالى قلب و قطعت فى الصاج ,,

والدك بقى ممكن تحطو ادام الامر الواقع و تجهز نفسك انك ممكن تنطرد من البيت

المشاركة الأصلية كتبت بواسطة beetlemosh

ما شاء الله حلو الكلام ده
ربنا يباركلك فيها
بس من وجهه نظرى
شايف انك مش محتاج السماعات الى فى الباب ورا
اولا اللى قاعد ورا كده كده سامع من السماعات البيضاوى
و انت برضه قاعد قدام سماع من البيضاوى
ف شايف ان المدور فى الباب اللى ورا مالهاش لزمه خالص
و انت مزاجك طبعا
ال 4 سماعات على الجى ام ال 4 تشانل
و المدورين اللى قدام على الكاسيت طبعا
و هاتسمع صوت حلو اوى

و خلى بالك الصبين دول محتاجين جى ام ابن ناس عشان يقومهم صح

ربنا يخليك يا عم محمد ,,,الصبين جبتلهم سيمفونى 700 واط 2 شانيل ,, لحد دلوقتى مجربتش انى اهرسو شغل عشان العدة لسة متظبتتش ,,اللى ركبهالى اول مرة ركبها غلط ,,بكرة هظبتها ان شاء الله ,,

بس رئيك موصلش المدورين اللى قدام على الجى ام ,,,مش هتعمل فرق ولا اية ؟

انت ممكن توصلها على الجى ام عادى السماعه 75 rms
يعنى تستحمل الجى ام بس متحملش عليها طبعا
انت ممكن تحط ال 4 سماعات البايونيير على 2 تشانل
و السونى على 2 تشانل التانيين
و وطى الجاين بتاع الجى ام شويه
و خلى ال2 تشانل اللى فيهم السونى hpf
يعنى تطلع فوكال و تربل بس
مش هاتطلع بييييز
و ال 2 تشانل اللى عليهم البايونيير ههاتبقى full اكيد
و برضو متعليش الجاين عليهم اوى ( مايجبش الجاين على الاخر يعنى )

و بالنسبه للصبين , السيمفونى ال 700 يبقى حلو اوى مع صب واحد
مع الاتنين هايقومهم بس هايبقو محتاجين باور
بس عادى يعنى ممكن تمشى حالك بيه

هما لو هيعملو فرق فعلا فى الصوت ,, هوصلهم على الجى ام ,,لكن لو مفيش فرق او فرق بسيط اخليهم على الكاسيت على طول ,,,

بس لو وصلت ال4 بايونير ,, مع وان شانيل بس مش يبقى قليل عليهم ؟؟؟

بالنسبة للسيمفونى دى اكتر حاجة انا لقيتها فى السوق 700 وات مفيش اكتر , ومع ذالك البيز بيبقى غبى جدا ,,يعنى لو فكرت ان اجيب جى ام تانى بصراحة يبقى انتحار ,,,انا هستنى بكرة و اصل كل حاجة و ساعتها اقدر اقرر اية اللى ناقص ..

هو مش الجى ام ال 600 ده 4 تشانل ؟؟
ولا 2 تشانل ؟؟
لو 2 يبقى فاكس خالص انك توصل السماعات عليه
و خليهم على الكاسيت
و كفايه عليه ال 4 سماعات البيضاوى
و شوف انت و مزاجك طبعا دى مجرد اقتراحات يعنى

اة والله ,تصدق انى ناسى انو 4 شانل ,,,يعنى كدة انا ممكن اوصل كل سماعة ب شانيل ,,,طيب افرض انا وصلت كل سماعة ب شانيل و قمت موصل المدورين مع نفس السلك بتاع سمعتين يعنى يكون فى 2 شانيل شايين 2 بايونير مع ال2 مدورين ؟؟بفتى ولا اية رئيك ؟؟


السؤال الاهم هل المدورين هيفرئو فعلا لو على جى ام ولا لا

جرب وصلهم على الجى ام
و جرب كده على الكاسيت و شوف انت الفرق بنفسك

انت ليه عايز توصل سماعات الباب على جي ام و حتي لو ينفع و وصلتهم مع البايونير
كده يبقى انت ظلمت البايونير ولا ايه
انا رايي انك عندك عده بسم الله ما شاء الله بجد تحفه
فمتربسش دماغك على سماعات الباب يعني :) :) :)

و متعرفش حد عايز يبيع بازوكا مستعمله بس نضيفه و سعرها كويس ؟؟