ABS vs. No ABS

**Ashraf_Ibrahim** · 27-03-2011 01:45 AM

الزملاء وضحوا كل شيء باستفاضة
ولكن انا عن نفسي كواحد بيسوق بقاله فترة الحمد لله هتلاقي انك تقدر تتحكم في الاتنين وتديهم مزايا بعض بالضغط القوي على دواسة الفرامل ولكن ليسللحد الاقصى عشان لو العربية مفيهاش اي بي اس تديلك خواص الاي بي اس ولو فيها الاي بي اس الاي بي اس ميشتغلش دا لو انت محتاج تقف بصورة مفاجئة
وربنا يسترها على الجميع

**tiger45** · 27-03-2011 09:58 AM

انا للاسف مجربتوش
بس كل اللي سمعته انه من ناحية السفتي ممتاز

**mailo** · 27-03-2011 12:22 PM

المشاركة الأصلية كتبت بواسطة dr_radioooooo

+مشكلته الوحيده انه بيزود مسافه التوقف في الطوالي انما غير كده مزاياه اكتر بكتير.

ده على السرعات البطيئة يعني 50 - 60 كبسة الفرامل في ال no abs هتكون أحسن إنما على السرعة العليا ال abs أحسن

المشاركة الأصلية كتبت بواسطة Ranger

الزملاء وضحوا كل شيء باستفاضة
ولكن انا عن نفسي كواحد بيسوق بقاله فترة الحمد لله هتلاقي انك تقدر تتحكم في الاتنين وتديهم مزايا بعض بالضغط القوي على دواسة الفرامل ولكن ليسللحد الاقصى عشان لو العربية مفيهاش اي بي اس تديلك خواص الاي بي اس ولو فيها الاي بي اس الاي بي اس ميشتغلش دا لو انت محتاج تقف بصورة مفاجئة
وربنا يسترها على الجميع

الله ينور عليك

بص بقى فيه حركة أنا بعملها لما بكون ماشي على سرعة عليا والطريق وقف قدامي مرة واحدة
لو كبسة فرامل للاخر العربية هتزحف مني جامد عشان اللوك ومش هاعرف التحكم فيها ده غير إن الزحف ده هيطول مسافة الوقوف بتاع العربية ولو ضغطت اقل شيعية يبقى هالبس
بقوم كابس قوي فرامل قوي -عارف كده لما تخض العربية بالفرامل- حاجة كده بالضبط وأسيب شوية مش باشيل رجلي خالص بس بخفها سِنة لحد مالعربية تبتدي بو زها يعلى تاني أقوم مزود الضغط شوية وأسيب وهكذا لحد مايبقى المسافة اللي قدامي توقفني بكبسة فرامل عادية بقوم دايس بقى عادي واقف وربك بيسترها الحمد لله

المشاركة الأصلية كتبت بواسطة windsofchange

موضوع جميل انا عملت حادثة من 3 اسابيع كده بسبب عدم وجود ال abs ودوست فرامل بغشامه بس مش كل يوم الواحد راح يعمل حادثة فعشان الواحد يكون محترف ويستخدم الفرامل باحتراف يكون عمل حادثة كذا مرة سمايلي "" عشان تجيله الخبرة ديه او يكون شاب محترف وساق وتعرض لكذا موقف فجائي بحيث ميعملش زي ويدوس لآخر الدواسة والفرامل تعمل لوك و......... نسيت اقول كان الأرض متغرقة مياه والطريق كان حارة واحدة سواق تكس وقف ورجع عشان ياخد ملف عن نفسي افضل يكون فيها ABS

ماشي بس مش لازم تعمل حوادث عشان تعرف تستعمل الفرامل
وبعدين الخبرة دي إنت ممكن تعلمها لنفسك من اللي بيحصلك كل يوم وإنت سايق وشووف الناس اللي جنبك بيعملوا اه واتعلم من المواقف اللي بتقابلهم

**فادى محمد** · 27-03-2011 04:47 PM

المشاركة الأصلية كتبت بواسطة icahmed

وهل حضرتك جربت فعلا ان abs بيزود مسافه التوقف في الطوالي

طبعا جربت ...لو معاك عربيه فيها ايه بي اس وفرملت في رمل او ارض زلقه والدركسيون عدل هتلاقي المسافه اطول من فرمله نفس العربيه في نفس الظروف بس من غير ايه بي اس .بس طبعا لو الفرمله والدركسيون لافف او كنت بتاخد غرزه او بتفادي حد بيظهر اهميه النظام هنا انه بيخلي العربيه ماتعومش وبتاخد نفس الاتجاه اللي حددته بالدركسيون وعلشان تستفيد منه لحظتها لازم تدوس فرامل للاخر(النظام يشتغل) وفي نفس الوقت تحرك الدركسيون .

**Formulator** · 27-03-2011 08:55 PM

المشاركة الأصلية كتبت بواسطة magid55

مش ممكن ان السيارات اللى بدون abs تكون افضل من اللى بها؛

+111
تمااااااااااااام, بس تقول لمين يا باشا..؟؟!!!

المشاركة الأصلية كتبت بواسطة hellboy

مشكلته الوحيده انه بيزود مسافه التوقف في الطوالي انما غير كده مزاياه اكتر بكتير.

مفيش الكلام ده..! دا حتى حضرتك لم تحدد نوع الـroad..؟؟!
- لو الأرض dry أو حتى مبتلة (بـالمياه) >>> الـABS طبعا بيحقق مسافات وأزمنة توقف أقصر وأقل.
- لو رمل (كثيف), حصى أو جليد >>> الـABS بيطول المسافة فعلا..!
بس برضه فيه Modulations كتييييييييير,

فـ الـABS الجديد بتاع بوش Bosch 8.1 اللى بيركب فـ معظم العربيات الأوروبى دلوقتى..!! وهقولك.

المشاركة الأصلية كتبت بواسطة د.محمود صلاح

فعلا مسافة التوقف تزيد لأنه بيمنع الإحتكاك - الإنغلاق -

الـStatic Friction حاجة... والـKinetic Friction حاجة تانية خااااااااااااالص يا دكتور...؟!

المشاركة الأصلية كتبت بواسطة mailo

الabs ليه مزايا وعيوب وال لوك العادية ليها مزايا برده وعيوب

من الآخر كده abs أمان وجامد جدا مع الناس
بس العادي مع واحد برو يعراف إزاي يستعمل فرامل ويعرف إزاي ميخليهاش تعمل لوك يبقى العادي أحسن وامان أكتر عشان التحكم بيكون في إيد السواق بعكس ال abs لما بيشتغل مابيفصلش اللى لما العربية تقف أو تسيب الدواسة خالص

المشاركة الأصلية كتبت بواسطة Ranger

ولكن انا عن نفسي كواحد بيسوق بقاله فترة الحمد لله هتلاقي انك تقدر تتحكم في الاتنين وتديهم مزايا بعض بالضغط القوي على دواسة الفرامل ولكن ليس للحد الاقصى عشان لو العربية مفيهاش اي بي اس تديلك خواص الاي بي اس ولو فيها الاي بي اس الاي بي اس ميشتغلش دا لو انت محتاج تقف بصورة مفاجئة

فيه حاجة متفق عليها:
"The point of maximum deceleration is just before the point of wheel lock"
لو قصدكو على الـThreshold Braking.. هو الـpeak دى..! أحسن فرملة.. (أبطأ سرعة للعجلة قبل الوقوف تماما أو الـLock).

ببساطة جدا: الـABS بيكرر الـpeak دى بسرعة جدا وبطريقة متتالية بفروق أجزاء من الثانية.. ده غير أنه النقطة دى بتتغير حسب السرعة والطريق والكاوتش وسخونة التيل والطنابير و و..

حضراتكو بقى عايزين تفهمونى.. أنكم هتعملوا الـprocess دى أحسن وأسرع من الـABS..؟؟؟!! طب أزاى؟؟!!! دا حتى الـMaster driver مايعرفش يعملها لا بالكفاءة ولا بالدقة المطلوبة..!

المشاركة الأصلية كتبت بواسطة mailo

ده على السرعات البطيئة يعني 50 - 60 كبسة الفرامل في ال no abs هتكون أحسن إنما على السرعة العليا ال abs أحسن

ولا فـ البطىء ولا مع السرعات العالية الفرامل الـConventional ممكن تكون أحسن من الـABS.. طالما الطريق dry >>> مــــستحـــيـــــــل..!!!

المشاركة الأصلية كتبت بواسطة Ranger

عشان لو العربية مفيهاش اي بي اس تديلك خواص الاي بي اس ولو فيها الاي بي اس الاي بي اس ميشتغلش دا لو انت محتاج تقف بصورة مفاجئة

أنا آسف.. بس كلام حضرتك مش صحيح..؟؟!

مش مقدار الضغط على الفرامل لوحده.. هو اللى بيحدد الـABS يشتغل ولا لأ.. فيه حاجات تانى كتيييييييييييير, زى:
- رفع القدم المفاجىء من على الـAccelerator بيشغل الـHBA عشان يوفر وقت الـreaction بتاعك..!
- السرعة اللى أنت ماشى عليها (زى مانت بتقول) والضغط المفاجىء أو الـrate اللى بتدوس بيه.. حتى لو مش Full Brake.. الـsystem بيفهم أنها emergency والـABS كده كده بيشتغل..!!!
- الحساسات بتاع الـABS عـ العجل, لو حست أن مفيش grip >>> الـABS+EBD بيشتغلوا عشان العربية ماتعملش over/under-steer .. بصرف النظر عن شدة الضغط بتاعك عـ الفرامل...؟؟!!

المشاركة الأصلية كتبت بواسطة hellboy

طبعا جربت ...لو معاك عربيه فيها ايه بي اس وفرملت في رمل او ارض زلقه والدركسيون عدل هتلاقي المسافه اطول من فرمله نفس العربيه في نفس الظروف بس من غير ايه بي اس .بس طبعا لو الفرمله والدركسيون لافف او كنت بتاخد غرزه او بتفادي حد بيظهر اهميه النظام هنا انه بيخلي العربيه ماتعومش وبتاخد نفس الاتجاه اللي حددته بالدركسيون وعلشان تستفيد منه لحظتها لازم تدوس فرامل للاخر(النظام يشتغل) وفي نفس الوقت تحرك الدركسيون .

آخر حاجة عايز أقولها: الكلام ده كان زماااااااااااااااان...!
الـBosch ABS 8.1 الجديد ممكن يعمل Wheel-Lock زى الفرامل العادية بالضبط.. وكمان Selective (يعنى على عجلة معينة أو أكتر, حسب التماسك) وبيساعده على كده الـinputs بتاع الـEBD..

وحتى بصرف النظر عن مسافات وأزمنة التوقف... الـControl والقدرة على توجيه الدركسيووووووون مع الفرامل...! فين؟؟!!

هل فيه عربية من غير abs تعرف تعمل Manoeuvre زى دى (على سرعة فوق الـ80 مثلا):

By formulator at 2011-03-27

ياجماعة الأوروبيين بيتكلموا أن الـESP ينزل Standard فـ عربياتهم.. (الـABS+EBD وكمان HBA أساسى من سنين طبعا)... وأحنا لسه بنشترى عربيات من غير ABS..

؟؟؟!! الوكلاء (الأسيوى تحديدا) بيعتبروه option وكمان من غير EBD ولا HBA..؟؟؟!!!
- يعنى لحد قريب كان فيه عربيات يابانى بـ150 ألف ومفيهاش ABS..!
- ولحد دلوقتى العربيات الكورى: فوق الـ100-120 ألف عشان تركب عربية بـABS من غير EBD..!!
أنا هقول حاجة وااااااحدة بس.. أرخص عربية أوروبى: الـPunto Classic تمنها 65 ألف وفيها ABS وِAirbag كمان..!!!

متحاولوش.. ومحدش يقولى أنا سواق وبعرف أتحكم فـ عربيتى.. والعربية من غير abs أحسن من اللى بـABS... مع احترامى: bull sh*t طبعا, تهريج..؟!

آسف للأطالة وأرجو تتقبلوا كلامى بصدر رحب.. بس أحنا (المصريين) مش أقل من أى شعب, عشان الوكلاء يراعوا أبسط "حقوق" الأمان فـ عربياتنا..!

**Ashraf_Ibrahim** · 28-03-2011 01:00 AM

عزيزي formulator
انا مقلتش اني هعمل البروسيس دي احسن من سيستيم ال ABS اساسا
ولكن كلامي كان واضح اني اقدر استغنى عنه في عربيتي كواحد معندوش الخاصية دي في عربيته
الدنيا مش هتقف عليها وهقدر استعمل عربيتي كويس جدا لأن الحمد لله عندي الخبرة الكافية ومريت في مواقف قدرت اني اخلي فيها الفرامل العادية تقريبا تقوم بخواص الاي بي اس وبكفاءة مماثلة
فهمت كلامي يا عزيزي ؟!

**Hegazio** · 28-03-2011 01:54 PM

هدوا اللعب شوية
الخلاصــــــــــــة
الفيديو صح و انتو صح و فورميولاتور صح !!!
... كل مافي الموضوع ان الميزة الاساسية لل abs هو قدرة التحكم في عجلة القيادة و عدم التعويـــــم
بس بيفرمل العربية اسرع علي اسفلت نضيف و ابطأ علي طريق زبالة ( زي أغلب طرق مصر )
بس الأجيال الجديدة منه بتتدارك الموضوع ده و بقت بتحس بنوع الطريق
بصراحة عندي عربيتين .. و الاتنين فيهم اي بي اس .. الميجان دايما بتسند .. الاسبرانزا غشيمة احيانا بتسند و احيانا لأ

-

الموضوع: ABS vs. No ABS

LinkBack

أدوات الموضوع

عرض

-

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة