صوت صفارة مش عاجبنى

**timaaa84** · 26-03-2011 01:57 AM

السلام عليكم، اتمنى ان الجميع يكونوا بخير، معايا لوجان 2011 كاملة، عامل 2500 كم، العربية بصراحة تستاهل كل قرش مدفوع فيها، فى حاجة واحدة بس مش عاجبانى! صوت الهوا، لما ابقى ماشى فوق ال 90 كم و انا قافل الشبابيك، بسمع صوت الهوا اللى بيخبط فى العربية، زى صفارة كدة بس دمها تقيل بصراحة، مفيش اى هوا بيخش جوه الصالون، صوت بس! محدش عنده فكرة ازاى نلغى الصوت ده؟؟؟ وشكرا

**mostafabakry** · 26-03-2011 06:59 PM

صوت صفارة و لا صوت ونه ؟؟

الصوت بيظهر معاك علي كل السرعات و لا عند سرعة معينة ؟؟

**MOUSTAFA_SAAD** · 26-03-2011 07:17 PM

الصفاره دية عيب فى قفلة الكابوت موجوده فى كل العربيات تقريبا وبيعالجوها فى التوكيل بس للاسف لما روحت صيانة الخمس الاف يوم الخميس قالوا ان السمكره مش شغاله يوم الخميس وتعالى اى يوم من الاحد للاربع علشان نعملهالك ولسه مروحتش لغاية دلوقتى فعادى متقلقشى منها امرها بسيط

**anan552003** · 26-03-2011 11:33 PM

انا كان عندى و كنت منزعج منه جدا و كنت حجزت الصيانه فعلا بس و انا مسافر مره قرصت على العربية و جبت بيها 170 و فجأه الصوت راح لوحده و من يومها ما رجعش!!!!!!!!!!!

**ABOHAZEM_NEW** · 27-03-2011 12:23 AM

أنا عندى صوت الصفاره بيظهر بعد السرعة تتجاوز 100 ك ومستمر ده برضه من الكبوت

**MOUSTAFA_SAAD** · 27-03-2011 04:46 AM

ايوه ياجماعه من الكبوت وممكن يظهر وممكن لا بيعتمد على اتجاه الهوا

**akerima** · 31-03-2011 04:55 PM

المشاركة الأصلية كتبت بواسطة moustafa_saad

الصفاره دية عيب فى قفلة الكابوت موجوده فى كل العربيات تقريبا وبيعالجوها فى التوكيل بس للاسف لما روحت صيانة الخمس الاف يوم الخميس قالوا ان السمكره مش شغاله يوم الخميس وتعالى اى يوم من الاحد للاربع علشان نعملهالك ولسه مروحتش لغاية دلوقتى فعادى متقلقشى منها امرها بسيط

صحبي وحبيبي وكفائه

**MOUSTAFA_SAAD** · 31-03-2011 06:27 PM

المشاركة الأصلية كتبت بواسطة akerima

صحبي وحبيبي وكفائه

اهلا اشرف باشا نورت المنتدى والله

صحيح انت عضويتك اقدم منى بس انت مكسل هنا شويه
ان شاء الله المتتدى حيعجبك جدا هنا وحتستمر معانا بشكل اكبر وفيه اقسام جميله جدا ونشيطه والقسم الاجتماعى هنا هايل ومتحرك باستمرار

**saidbakr** · 01-04-2011 05:24 PM

للأسف يا جماعة انا لا اعتقد إنه من الكبوت، أعتقد إنه تسريب هواء بيحصل داخل الصالون. انا عندي نفس الموضوع بالضبط لما بوصل سرعة حوالي 100 باسمع الصوت ده، واللي اكدلي انه تسريب هواء، هو إني لما بعدي في حتة فيها دخان وانا قافل الزجاج كله وموش مشغل تكييف ولا غيره، بشم ريحة الدخان جوة في الصالون. انا قولتلهم عليها في صيانة ال 5000 بس ما عمولهاش. الجدع في قسم السمكرة بتاع العبور كان بيستكردني وبيقولي دي وساخة في الكوالين - كلام فاضي يعني - بس ﻷني كنت في آخر اليوم ومرهق جدا فقررت اكبر دماغي وابقى ارجعلهم تاني.

**akerima** · 03-04-2011 02:27 PM

المشاركة الأصلية كتبت بواسطة saidbakr

للأسف يا جماعة انا لا اعتقد إنه من الكبوت، أعتقد إنه تسريب هواء بيحصل داخل الصالون. انا عندي نفس الموضوع بالضبط لما بوصل سرعة حوالي 100 باسمع الصوت ده، واللي اكدلي انه تسريب هواء، هو إني لما بعدي في حتة فيها دخان وانا قافل الزجاج كله وموش مشغل تكييف ولا غيره، بشم ريحة الدخان جوة في الصالون. انا قولتلهم عليها في صيانة ال 5000 بس ما عمولهاش. الجدع في قسم السمكرة بتاع العبور كان بيستكردني وبيقولي دي وساخة في الكوالين - كلام فاضي يعني - بس ﻷني كنت في آخر اليوم ومرهق جدا فقررت اكبر دماغي وابقى ارجعلهم تاني.

هوا كون ان انت تشم ريحة الدخان حتي لو انت قافل كل زجاج العربية دا طبيعي جدا وفي كل العربيات - بس اتاكد ان انت ظابط التكييف علي انة ياخد هوا من داخل العربية مش من خارجها لان دا ممكن يكون سبب لكن صدقني الصفارة دي من ان الكبوت مش قافل صح- فية خلوص -وهوا دا اللي بيعمل صفارة وانا مستغرب لية الموضوع دا مش عارفينة في توكيلات القاهرة مع ان الموضوع دا بيتعالج وانت واقف في الاسكندرية وبيعتبروه شيء بديهي مش محتاج تشتكي منة

الموضوع: صوت صفارة مش عاجبنى

LinkBack

أدوات الموضوع

عرض

-

-

-

-

-

-

-

المواضيع المتشابهه

صوت مش عاجبنى

تكيف المازدا 3 مش عاجبنى

عاجبنى الاختراع العجيب دة

موضوع عاجبنى من قسم بروتون

سحب عربيتى مش عاجبنى

الكلمات الدلالية لهذا الموضوع

المفضلات

المفضلات

ضوابط المشاركة