ارجوكم يا اخواني الافاده انا متحير جدا ناوي اشتري عربيه جديده وبفكر في الجيتا الخليجي 2010 والكيا سيراتو كوبيه الخليجي 2011 ياتري ممكن حد يساعدني انا عارف ان في فرق كبير في العربيتتين بس كتير نصحوني بالسيراتو وانا مش عارف اعمل ايه فعلا
ارجوكم يا اخواني الافاده انا متحير جدا ناوي اشتري عربيه جديده وبفكر في الجيتا الخليجي 2010 والكيا سيراتو كوبيه الخليجي 2011 ياتري ممكن حد يساعدني انا عارف ان في فرق كبير في العربيتتين بس كتير نصحوني بالسيراتو وانا مش عارف اعمل ايه فعلا
انت يفرق معاك ان العربيه تبقى شيك و بريستيج و أمان و جوده في كل شئ؟؟؟
لو يفرق معاك كل ده, يبقى جيتــا و انت مغمض اكيد...
لو مش فارق, و عايز عربيه بمصاريف تشغيل اقل, و كوبيه بشكل رياضي
و كماليات كويسه جدااا, و سعرها اقل يعني هتوفر فلوس...
يبقى السيراتو كوبيه هي اختيارك...
لو هتسألني انا عن رأي لو في مكانك... هجيب جيتــا بصراحه و بدون أي تفكير...
ده رأي الشخصي, و ربنا يوفقك للخير...
استاذ غازى قال الى فيه المفيد بص طبعا انت بتتكلم عن حاجه المانى و حاجه كورى فطبعا المقارنه محسومه
جيتا ثبات ممتاز
فخامه
برستيج تانى
حاجه تانيه مختلفه 360 درجه ياعنى مفيش كلام ينفع يتقال فى المقارنه ديه اصلا
فعلا مينفعش المقارنه بينهم بس انت لو شاب وعايز عربيه روشه وكده تبقى الكوبيه عربيه فخامه وامان وبريستيج وشياكه وكل حاجه يبقى اكيد الجيتا
المقارنة دى (تقريبا) اتعملت قبل كده وكانت بين جيتا 2008 used و سيراتو كوب 2011.. ممكن حضرتك تشوفها:
http://www.nilemotors.net/Nile/200705-2008-2011-a.html
بصرف النظر أن الأستطلاع الجيتا تفوقت بشدة...! الآراء كمان فـ الـthread (اللى يؤخذ بيها :wink14:) كانت كلها لصالح الجيتا طبعا... حتى ولو مستعملة..؟! :mad2:
فما بالك بالجيتا زيرو vs سيراتو كوبيه..؟؟؟!!! :grin28:
بالتوفيق...
حتى لو عشان الشكل الشبابى
الجيتا شبابى جدا
بجد متشكر ليكم يا جماعه جدا جدا انتو فعلا ناس محترمين وانا واثق في كلامكم وانا فعلا باذن الله هجيب الجيتا بس في تعقيب بسيط ياتري الجيتا الخليبجي ايه مشاكلها بجد وفعلا هتبقي صيانتها سهله ولا لا ده سؤالي الاخير
والله يا باشا ماسمعتش ان فيها اي مشاكل, و الصيانه بردو مافيهاش مشاكل
لان في اكتر من مركز صيانه متخصص في فولكس و يشهد ليهم بالكفائه
و لو عايز تدخلها صيانه في التوكيل ممكن بردو, بس هتدفع 8000 جنيه تقريباً
لو هنقول حاجه عن العربيه, فهقولك الحاجه اللي ناس كتيير بتقولها عادة
لكن انا مش مقتنع بيها بالمره لاني شايف ان ده عادي جدااا و مش مشكله
ان العربيه واطيه على الأرض شويه, و ده بيضايق بعض الناس....
ارتفاع العربيه القليل عن الأرض ده ليه مميزات و اهمها الثبااااااااات
ده رأي بشكل عام, و يا رب اكون قدرت افيدك و ارد على اسئلتك...
ربنا يوفقك للخير..