بشائر الموافقة على التعديلات الدستورية..نظر دعوي إلغاء قرار مبارك بالتنحي

**khmonir** · 26-03-2011 11:07 PM

ده رد فتحي سرور على سؤال وجه إليه من المصري اليوم
فيه الرد الشافي ﻷخي صاحب الموضوع:

وكيف كنت تنظر لمسألة أنه فى حال تنحيه ستتولى حضرتك الحكم لفترة انتقالية وفقا للدستور؟
- عندما أعلن عمر سليمان التنحى، وذكر أن المجلس الأعلى للقوات المسلحة هو من تولى حكم البلاد، شعرت بتعطيل الدستور، وأن وضعى كرئيس مؤقت للحكم طبقا لدستور ٧١ لن ينفذ، وبعد ذلك جاء المجلس الأعلى بالإعلان الدستورى. إذن تعطل الدستور، وفهمتها.. أنا رجل قانون.

**fepsceasar** · 26-03-2011 11:07 PM

للاستاذ صاحب الموضوع مش هنستجيب لكل واحد يحاول يعمل بلبلة هو مش عايز اكتر من ان حد يعمل عنه موضوع فى اى مكان
لا نعم ولا لا هى اللى هترجع مبارك
ولكن اللى ممكن يشتتنا هى الحاجات دى ونظام شوفوتوا يا بتوع نعم ، لا انتوا اللى وحشين يا بتوع لا
المفروض نتجاوز الكلام ده

**wawoo** · 26-03-2011 11:58 PM

المشاركة الأصلية كتبت بواسطة fepsceasar

ونظام شوفوتوا يا بتوع نعم ، لا انتوا اللى وحشين يا بتوع لا
المفروض نتجاوز الكلام ده

اعتقد اننا تجوزنا الكلام دة يا استاذ fepsceasar لكن هناك بالفعل نقاط قانونية و دستورية لازم اولا تتفهم صح و ثانيا تتحل صح عشان ميحصلش اى التفاف عليها او طعن فى شرعيتها بعد كدة

طبعا مبارك مش حيرجع تانى و دة مفهوم طبعا

**dr-mohamed** · 27-03-2011 01:04 AM

في جملة واحدة
الجيش هو اللى غلطان لانه اتعامل صح

**wawoo** · 27-03-2011 11:40 AM

يبدو ان امامنا بعض الوقت لحد ما نفهم المرحلة الجديدة ..لان ليسة الافكار الابوية و السلطوية مسيطرة على تفكير الكثيرين

....انا مش مستغرب خالص من التفكير دة مهو بقلنا سنين لا نشارك سياسيا او فكريا فى اى قرارات مصيرية بتحصل فى مصر و كان الحزب الوطنى بيقوم بالواجب فى كل حاجة ..طبيعى جدا يحصل فترة الانتقالية لحد ما العقول تتخلص من التاثير المدمر اللى عملة الحزب السابق فى العقلية المصرية ..

بس انا عموما متفائل رغم اننا حنتعرض اكيد لكثير من العثرات بسبب التوجهات دى .

**otefa** · 27-03-2011 03:59 PM

المشاركة الأصلية كتبت بواسطة SkyBird

يا اخوانا صاحب الموضوع يتكلم عن اشكال دستوري
احنا عارفين ان من الناحية الثورية الدستور سقط مع النظام وان مبارك لن يعود الا على جثث المصريين لكن من الناحية القانونية
وانا اعرف ان هؤلاء المحامين شوية مهرجين ولكن احدى اوجه دعواهم صحيحة اذا كانت تستند على دستور 71
ولكن المشكلة الكبيرة ان المحكمة ستحكم بحكم تاريخي يظل يطاول شرعية المؤسسة القائمة الان

نعم صدر اعلان دستوري من الجيش وفيه مادة تقول بتعطيل دستور 71
وهذا هو الخطأ الفادح لان التعطيل يعني ان الدستور قائم ولكن معطل لفترةى زمنية
وكان الاولى ان تستند الى الشرعية الثورية وتعلن اسقاط الدستور لانه سقط بالفعل كما قال الفقيه الدستوري ابراهيم درويش
وقال ان الاستفتاء باطل
وتصريحات احد قادة الجيش ان دستور 71 سقط هي كلام جرايد ولن يلتفت لها القضاه
لهذا طالبنا بضرورة اعلان سقوط الدستور قبل الاستفتاء وليس مجرد تصريحات لاكتساب عدد اكثر من المصوتين بنعم
سيعتمد المحامون على ان اقرار التعديلات بمثابة عودة لدستور 71 من الناحية القانونية

اما مشكلة الاعلان الدستورى فله مشاكل كثيرة
منها
اذا كان اعلان الاعلان الدستورى سيعلن اسقاط الدستور ويضم المواد المعدلة بترتيب جديد
ليه عملتوا استفتاء اصلا
ما كنتم عملتم اعلان دستوري مباشر بدل المصاريف والبهدلة
ملحوظة
الاعلان الدستوري لايتم الاستفتاء عليه
ولكن الدساتير المؤقته بمواد قليله هي التي يتم الاستفتاء عليها

هارد في جملة
غالبية من أيدو التعديلات الدستورية مش عايزين حكومة أنتقالية أئتلافية(أتجاهاتها علمانية على ......) معينة وليست منتخبة ودي لوحدها تخليني أبصم بالعشرة على نعم للتعديلات...............ولايقلل ذلك من جودة التعديلات بالفعل.
---------------------

ده فيديو ممكن يوضح الصورة شوية عن مايدور في الكواليس مقتبس من مشاركة في موضوع أخر

YouTube - ‫ط.ظ‚ظٹظ‚ط© ظ†ط¬ظٹط¨ ط³ط§ظˆظٹط±ط³‬&lrm;
ده ردي
شكرا على الفيديو ولي ملاحظة مش موجهة لحضرتك طبعا كان ممكن التعليق المكتوب داخل الفيديو يكتب بصيغة بعض بدلا من كل أصح لغويا وتجنبنا أي حرج مع أخواننا المسيحيين المعتدلين
أسمحلي أقتبسه في مواضيع أخرى كرد على بعض الأعضاء من لايرى الصورة بوضوح للأن ولايتفهم ماتعنيه العلمانية والدولة المدنية المطلقة بدون ضوابط شرعية أسلامية تحكمها
تحياتي