مساعدة مهمة جدا من خبراء الليبرتي

السلام عليكم و رحمة الله


انا كنت عايز اجيب ليبرتي بس انا معنديش خبرة عنها خالص و عندي بعض الاستفسارات من خبراء الشيروكي

1-كنت عايز اعرف استهلاك البنزين بتعها كتير و له عادي؟

2-سمعت ان في بعض الموديلات فيها عيوب عايز اعرف موديلات ايه بالظبط؟

3-الترخيص السنوي بتاعها بكام في ناس قالولي كتير و ناس قالولي حوالي 1500؟

4-هل فيها زي الشيروكي 4 سلندر و 6 سلندر؟

5-اسعار قطع غيارها غالية و لا عادية؟

6-هل فعلا العربية دي بتقلب علي الملفات الجامدة؟

7-اسعار المستعمل حوالي كام و هل في معرض متخصص في الليبرتي؟

و اسف جدا علي الاطالة و شكرا جزيلا:bubble::wink14:

فين خبراء الشيروكي الجامدين يردو علي الاسئلة دي انا شايف ان الناس بتشوف الموضوع و مش بتعلق:36_1_40[1]:

اي يا جماعة جروب الجيب معقول مفيش تعليقات خالص علي الموضوع:b4_237:

اعذورنى حضرتك انا مش هقدر اقول غير اللى انا اعرفة
اولا استهلاك البنزين بيختلف من سنة الى اخرى ولكن هقول لحضرتك على المتوسط
بالنسبة لل4 سلندر جوة البلد 13.8 ليتر لكل 100 كم & على الطريق السريع 10.7 ليتر لكل 100 كم
اما ال6 سلندر جوة البلد 15.7 ليتر لكل 100 كم & على الطريق السريع 12.4 ليتر لكل 100 كم

ثانيا انا معرفش موضوع العيوب اوى انا اعرف ان الموديل 2002 واوائل 2003 كان فيها عيوب فى الثبات واتصلحت بعد كدة من اول اواخر 2003 واللة اعلم

ثالثا موضوع الضريبة بتختلف من سنة لسنة وانا بصراحة مقدرش افيدك فية

رابعا فى منها 4 سلندر وفى منها 6 سلندر

خامسا اللة اعلم فى نقطة قطع الغيار بس على ما اعتقد غالية

سادسا فى ناس كتير اشتكت من عدم ثباتها وانها كعربية دفع رباعى مش اوى
وان الشكل القديم احلى وشوف اراء باقى الاعضاء

سابعا انا اعرف ان اسعارها مبقتش زى الاول انها نزلت عن الاول بكتيير خش حضرتك على كونتاكت كار وهتعرف حضرتك الاسعار عاملة اية
دة حضرتك اللى انا اعرفة
واللة اعلم فيما قلت