انباء عن حريق في البنك المركزي

ناس كتير على تويتر بيتكلموا عن حريق في البنك المركزي


و دي اخبار من الفيس بوك

الناشط الحقوقى جمال عيد على تويتر - عاجل: حريق هائل الان حالا بالبنك المركزي أمام الشبكة على بعد أمتار قليلة ووسط البلد تغرق في الدخان


حد عندة اي اخبار

كلام صحيح

واحد صحبى شغال فى وسط البلد بيقول كدة فعلا

أكيد أكيد الفاعل هيكون المتهم نفسه اللي بيعمل كل الحرايق وهو ( الماس الكهربائي ) مش عارف مبيقطعوش الكهربا خالص ويخلصو عليه نهائيا ليه.

قطعنا الراس بس الديل لسة بيلعب يارجااااااااااااااااااااا االة

اكيد مختل عقليا كان بيلعب بماس كهربائي ههه

فى الجديد و لا القديم
القديم مقفول من 3 شهور للتجديد
لو الجديد تبقى مصيبه على البلد

اكيد فى ناس بتقول البنوك حرام وهى اللى عملت كدة انا حاسة ان كل يوم هيحصل حاجة شكل :s

انا ساكن قصاد الجديد وبشوفه من البلكونه ومفيش فيه اى حاجه ...... يمكن القديم

تمكن رجال الإدارة العامة للحماية المدنية بالقاهرة من السيطرة على حريق محدود شب، ظهر السبت، بمقر البنك المركزي القديم وسط القاهرة، وأسفر الحريق عن حدوث تلفيات بسيطة، ولم يبلغ عن أية إصابات.
وكانت غرفة العمليات للادارة العامة للحماية المدنية بالقاهرة قد تلقت بلاغا بنشوب حريق بالبنك المركزي، وتم توجيه 3 سيارات إطفاء برئاسة اللواء عاطف زكي، والتى تمكنت من محاصرة النيران وإخمادها.
[gdwl] [/gdwl][gdwl][/gdwl][gdwl][/gdwl][gdwl]
وتبين من خلال الفحص المبدئي أن الحريق شب ببعض أجهزة التكييف بالدور العلوي بالبنك، ويرجح أن يكون ناجما عن ماس كهربائي .
[/gdwl]
مصراوي

اقتباس:

---

المشاركة الأصلية كتبت بواسطة qmax

...............................................
وتبين من خلال الفحص المبدئي أن الحريق شب ببعض أجهزة التكييف بالدور العلوي بالبنك، ويرجح أن يكون ناجما عن ماس كهربائي .
[/gdwl]
مصراوي

---

ههههههههههههههههههه. مفيش فايدة فالماس الكهربائي ده.

المهم الفلوس يا جماعة حصل لها حاجة انا لسة مقبضتش المرتب

اقتباس:

---

المشاركة الأصلية كتبت بواسطة yoyos

اكيد فى ناس بتقول البنوك حرام وهى اللى عملت كدة انا حاسة ان كل يوم هيحصل حاجة شكل :s

---

لا حول ولا قوة إلا بالله!
يعني بنشوف مشاركات مستفزة في موضوعات بتتكلم عن المسلمين وعن الدين والشرع والإستفتاء لكن مش كده!!.. موضوع ملوش علاقة لا من قريب ولا من بعيد بالمسلمين ولا جماعات إسلامية ولا إخوان ولا السلفيين وبرضة بعض الناس مصممه على الخوض في نظرية انا خاااااااااييييف الإسلام هو العوووووو.. وطبعا ده عن طريق التلميح بهذه الخرافات والإتهامات الباطلة ومصدرها أفلام عادل إمام والصحف الصفراء والإعلام الفاسد المستهزء بالمسلمين والصاد عن شرع الله..

وإتهامات لمين طبعا مش عارفه مين الي أفتى بحرمة فوائد البنوك الربوية مش حرم البنوك كده علشان اسمها بنوك! وطبعا احب أزيد على المعلومات الصحيحة جدا والواقعية لدرجة الدهشة التي لمحتي لها ان الي حرم البنوك كما قلتي ليس فقط حرق البنك المركزي! ده اباح حرق الممتلكات العامة والخاصة بل واباح القتل والتخريب وقتل الناس الي بتحط فلوسها في البنوك الربوية وحتى شفط الناس الي بتهاجمهم من شاشة الكمبيوتر!! ولا عزاء للعقلاء....
من ظننتي بهم سوء هم علماء أفاضل منهم عدة شيوخ في الأزهر ومن دار الإفتاء من عشرات السنين وأتهمتيهم انهم او من تبع فتواهم هم وراء ما حدث من حريق للبنك المركزي علشان بيحرموا فوائد البنوك:)

رجاء قليل من التفكر قبل المشاركة فالناس هنا في المنتدى عقلاء..
الله المستعان

اقتباس:

---

المشاركة الأصلية كتبت بواسطة أحمد علاء

لا حول ولا قوة إلا بالله!
يعني بنشوف مشاركات مستفزة في موضوعات بتتكلم عن المسلمين وعن الدين والشرع والإستفتاء لكن مش كده!!.. موضوع ملوش علاقة لا من قريب ولا من بعيد بالمسلمين ولا جماعات إسلامية ولا إخوان ولا السلفيين وبرضة بعض الناس مصممه على الخوض في نظرية انا خاااااااااييييف الإسلام هو العوووووو.. وطبعا ده عن طريق التلميح بهذه الخرافات والإتهامات الباطلة ومصدرها أفلام عادل إمام والصحف الصفراء والإعلام الفاسد المستهزء بالمسلمين والصاد عن شرع الله..

وإتهامات لمين طبعا مش عارفه مين الي أفتى بحرمة فوائد البنوك الربوية مش حرم البنوك كده علشان اسمها بنوك! وطبعا احب أزيد على المعلومات الصحيحة جدا والواقعية لدرجة الدهشة التي لمحتي لها ان الي حرم البنوك كما قلتي ليس فقط حرق البنك المركزي! ده اباح حرق الممتلكات العامة والخاصة بل واباح القتل والتخريب وقتل الناس الي بتحط فلوسها في البنوك الربوية وحتى شفط الناس الي بتهاجمهم من شاشة الكمبيوتر!! ولا عزاء للعقلاء....
من ظننتي بهم سوء هم علماء أفاضل منهم عدة شيوخ في الأزهر ومن دار الإفتاء من عشرات السنين وأتهمتيهم انهم او من تبع فتواهم هم وراء ما حدث من حريق للبنك المركزي علشان بيحرموا فوائد البنوك:)

رجاء قليل من التفكر قبل المشاركة فالناس هنا في المنتدى عقلاء..
الله المستعان

---

+111111:tumb::x1[1]:
والله كنت عايز ارد بس مش عارف اقول ايه

بس حضرتك الرد ده في الجووون

هو الماس الكهربائي مبياخدش أجازة يوم السبت زي بقية الوظفين؟؟؟

السلام عليكم و رحمة الله و بركاته

أنا من رأيى, أنه الحرايق فى المنشآت الحكومية دلوقتى بتحصل بمعدل حريق كل أسبوع و الحريق بيقى بالنهار, مش بالليل و بالتالى, الأفضل أنهم يقطعوا الكهرباء عن الجمهورية لمدة أسبوعين و لا تلاتة و لا حتى شهر -زى ما ولاد الTEEEEEEEEET قطعوا النت قبل كده- و يشوفوا, الحرايق هتقف و لا هتحصل, لو وقفت, يبقى فعلا, كان ماس كهربائى و لو فعلا حصلت, يبقى ماكانشى ماس كهربائى و الحكومة ساعتها تفضل قاطعة الكهربا برضه و ماترجعهاش الا بالليل و خلاص -على أساس أن الحرايق بتبقى بالنهار بس- و كده نبقى حلينا المشكلة و نشوف ايه اللى ورانا بأه بدل وقف الحال اللى احنا فيه ده !!!!!!.

بس حلو نظرية المفتش كرومبو :pirate14: اياها بتاع اللى ورا حريق البنوك .

لا مش معقول ماس كهربائي
انا سمعت من مصادر موثق منها
ان اتنين اخوة ملتحين كانوا بيسلموا علي بعض و اخدوا بعض بالحضن ، قوم حدثت شرارة نتيجة احتكاك اللحيتين ، و الشرارة نطت علي البنك المركزي و كانت هي سبب الحريق ......
امزح معكم ...

مسئولية كل شريف في البلد النهاردة ان يبلغ عن اي فساد في عمله و عن اي محاولة لطمس الحقائق بالحرق و اتلاف الادلة المتعمد
لان لو كل واحد قام بدوره بما يرضي الله و في دائرته الصغيرة في البيت و الشارع و العمل فده كافي جدا ان البلد يتصلح حالها في اسرع وقت و علي احسن حال باذن الله

بلال فضل كان بيتكلم عن مؤامره وطلع اعضاء في المنتدى بيقولوا كلام فاضي وبلال فضل بيحاول يقنعنا بالهراءات وخيال وكلام من ده

حاولوا بقى تشغلوا مخكم أحسن من كده

طيب بذمتكم موضوع الماس الكهربي ده مش بيفكركم بالفار الشقي اللي كان بيولع فى المخازن قبل الجرد السنوى زماااااان ف التسعينيات .. وعجبى

اقتباس:

---

المشاركة الأصلية كتبت بواسطة wnshz

طيب بذمتكم موضوع الماس الكهربي ده مش بيفكركم بالفار الشقي اللي كان بيولع فى المخازن قبل الجرد السنوى زماااااان ف التسعينيات .. وعجبى

---

ياه ده إنت قلبك اسود قوي
إنت لسة فاكر


ياجماعة تقرير المعمل الجنائي والطب الشرعي
1- ماس كهربي
2-مختل عقليا
3-لفافة بانجو

يا جماعه خايفه مخى يجيله ماس كهربائى هو كمان من كتر الكهربا اللى مليا البلد

.................................................. .................................................. .................................................. ..

استخدام الأحرف اللاتينية (الانجليزية) في كتابة اللغة العربية مخالف للقاعدة رقم 6 بند "ب".

يرجى مراجعة قواعد المنتدى
مشرف18ب
26-3-2011
8:40pm

يا جماعه موضوع انو سبب الحرايق هو بيكون سببها ماس كهربائى مش بنسبة 100% يعنى مش كل حريقه نقول ماس كهربائى
ممكن تكون بنسبة 25% السبب ماس كهربائى
ده كلام فارغ و الله العظيم كلام فارغ عارفين لليه
هقولكم و اشرحلكم
هنتكلم عن مثال البنك المركزى او اى جهه حكوميه
اولا كابل التغذيه العموامى الخاص بشركة الكهربا
داخل من فرع على البنك مش بيدخلكده زى البيوت و بيدخل على كوفريه و بيتوزع على الشقق لالالالالالالالالالالالا
كابل الكهربا العمومى
بيدخل على محطة الكهربا الخاصه بالمنشاءه
قبل ما يدخل المحطه بيتم فحص الكهربا قلى داخله المحطه
فحصها من ايه
ميكونش فى فولت عالى او منخفض وده بيقاس بالاافوميتر و فى الحاله ده لو فى انخفاض او رفع فى الجهد بيفصل التيار اتوماتيك ميكونش و لو الكهربا مقلوبه يعنى الفازات مقلوبه بيبقى فى جهاز اسمه فيز كروكجين ده بيعدل الكهربا او فى جهاز اسمه فيز سيكونس فى الحاله دى بيفصل التيار لانو فى مواتير كهربا زى التكييف او الاسانسير ليه قطبية التيار
احنا لسه كل ده مدخلناش
بعد المحطه لواح التوزيع بتاعة المحطه الكهربا او غرفة الكهربا
بيتم التوزيع و كل خرج او فرع خارج بيبقى عليه مفتاح سيركت بريكر يعنى مفتاح قاطع كهربى ده و ظيفته لو فى شورت كهربا او سحب الفولت على بيفصل الكهربا اتو ماتيكيا وبعدين بيتوزع على الادوار و بيركب مفاتيح سيركت بريكر و كل فرع خارج بيركب عليه سيركت بريكر
مثال بسيط زى الشقه عن حضرتك كل خط كهربا خارج من سيركت بريكر فى المنشات الكبيره اول ما السيركت بريكر يفصل قلى بعده بيفصل و دى بتتحسب باحمال كل خط على حسب الامبير مش اى مفتاح يركب و خلاص واهكذا علشان التامين

طيب لو السلك ساح او انيهار العازل الكهربائى
دى استحاله علشان مفاتيح القاطع التيار الكهربى
طيب لو فرضنا انو ساح هيبقى داخل الحوائط و الضكاتات بتاعته قلى هى علب المسارات الكابلات طيب او الوحه ولعت ده بيبقى ليها باب محكم الغلق و لو ضربت المفاتيح قلى قبليها بتفصل
يا جماعه دى عمليه معقده جدااااااااا صعب انو مبنى يولع بسبب كهربا
و فين نظام الحريق و الحساسات و فى بعض الاماكن موجود فيها نظام حرايق مربوط بنظام الكهربا اى دخان بيفصل الكهربا على


هقول ليه تشخيص الحريق بيلزقزها فى الكهربا
حضرتك لو المبنى حصل فى حريقه بفعل فاعل يعنى جاب بنزين او اى ماده و خلاص حصلت الحريقه محتويات اللوحه من البلاستك و هى قابله للاشتعال فا بتتحرق يجى يقولك ايه اه اللوحه حصلفيها قفله و لو مثقف يوقولك حصل شورت

الغربيه بقى انا وزارة الدفاع المدنى مقرره فى القرارت الخاصه بيها
انو اى جهه حكوميه لازم يكون فيها نظام حريق و فيها مجموعة الدفاع المدنى و دول متوجدين فى فترة 24 ساعه ونوبتجيات و بيبقى فى تفتيش من الوزارة
كل فتره و مشددين فى الموضوع
و تقولى حريقه
يارب اكون وافقة فى الشرح و الايضاح
م / احمد سيد

اقتباس:

---

المشاركة الأصلية كتبت بواسطة yoyos

اكيد فى ناس بتقول البنوك حرام وهى اللى عملت كدة انا حاسة ان كل يوم هيحصل حاجة شكل :s

---

وبناء على ايه حضرتك كاتبة كلمت اكيد

hاجمل حاجه ان هناك مليون اتهام و مافيش حد قال الحقيقه ان البنك مسلم بالكامل لشركة المقاولون العرب نظرا لوجود اعمال ترميم فيه من اكثر من 3 شهور و لا يوجد فيه اى وثائق و لا فلوس و لا اى حاجه