مشاكلى مع الافيو بعد انتهاء الضمان - انجدوووونى

**Ahmed Mekawy** · 26-03-2011 02:19 PM

السادة اعضاء المنتدى المحترمين
السلام عليكم ورحمة الله وبركاته
رجاء مساعدتى فى حل المشاكل اللة عماله تطلعلى فى عربيتى ( افيو مصرى 2008) بعد الضمان ما انتهى فى يناير اللى فات
انا كنت مواظب على عمل الصيانات فى مركز المنصور فى التجمع الخامس و النهاردة رحت اعمل صيانة الـ 60 000. وقلت تبقى اخر مرة و اترحم من المصاريف فى التوكيل.
للاسف اكتشفت الاسبوع اللى فات ان التكييف تقريبا مش شغال على الرغم انى مغير فلتر التكييف من حوالى 6 شهور و نضفته من حوالى 3 شهور فى التوكيل, النهاردة قاللولى فى خرطوم عايز يتغير (300 جنية)و يتم شحن الفريون ( كمان حوالى 200 جنية) .
و عشان الموضوع يكمل لاقيت ترشيح زيت على عمة الموتور من الناحية الشمال و قاللولى لازم تروح فرع الهرم و العربية ها تحتاج تغيير Oil Seal و ها تبات يوم.
ياريت حد يدلنى على ميكانيكى ابن حلال و شاطر وبالمرة نصيحة اعمل اية فى التكييف, علما بانى من سكان المقطم و شغلى فى شيراتون يعنى اى حد فى الحتتين دول او مدينة نصر يبقى زى الفل.
ارجو سرعة الرد و حد يطمنى على ىمشكلة ترشيح الزيت دى.

**aymanmaly** · 26-03-2011 08:27 PM

الاول اهلا بيك في القسم
ثانى حاجة مش هاقدر اقول لحضرتك على حد كويس لان اغلبهم غير مضمونين
نيجى لمشكلة التكيف
انا ارى ان حضرتك تشترى الخرطوم حتى ولو كان كورى مش اصلى متهيئلى هايكون بنص السعر و طبعا هاتلاقية فى شارع دمشق
اما موضوع الجوان دة عادى جدا ما تقلقش
بس حاول تغيرة بسرعة و انصحك تجيبة من التوكيل ما تجبش من برة التوكيل لان اغلب الى فى السوق مضروب
و ما تمشيش بيها كثير و الجوان كدة
بالتوفيق فى القرار السليم