الموضوع: اتجاه لتأجيل «الرئاسة» إلى يونيو 2012.. ولجنة ثالثة لحل خلافات «الإعلان الدستوري»

المشاركة الأصلية كتبت بواسطة itsonlyme

هو فعلاً سيناريو حضرتك قريب قوي من تصور الأمور بعد سماع "الخبر" المذكور.
مع اختلاف بسيط وهو العمل بالاعلان الدستوري وليس دستور 71.
بس هو حضرتك ايه اللي خلا تأجيل الانتخابات ييجي في بالك من الأول؟.

الفكرة من الموضوع لو حضرتك قريته اني حاولت من المعطيات وقتها اتخيل افضل الحلول المطروحة لو قلنا نعم وكمان افضل الحلول المطروحة لو قلنا لا وشكل البلد في المرحلة الانتقالية و ده الاهم لاني كنت متأكد ان الهدف واحد في السيناريوهين لكن الفكرة هي طريقة التنفيذ
ممكن خطوات التنفيذ توصل بينا لبر الامان أو ترجعنا لنقطة الصفر او ما هو اسوأ من الصفر
وبما ان اكبر التخوفات من التعديلات كانت بتدور حوالين اعادة الشرعية لدستور 71 فكان تصوري للأمور ان تأجيل انتخابات الرئاسة لما بعد وضع دستور هيجنبنا المخاوف من سلطات الرئيس القادم وقدرته على التأثير في الدستور الجديد و بالتالي:
يكون وضع الدستور الجديد من خلال برلمان منتخب "ممثل للشرعية الثورية" و في ظل ادارة عسكرية للبلاد في مرحلة محتاجة للحسم والقدرة على اتخاذ القرار وان كان بطئ وتحمل مسؤلياته و وجود حكومة "ثورية" ان جاز التعبير لتسيير الاعمال و في أقصر فترة زمنية ممكنة
عشان كده شايف ان كلنا لازم ندعم التصور ده و خاصة اللي قالوا لا لان ده هيجنبهم اسوأ مخاوفهم من التعديلات

المشاركة الأصلية كتبت بواسطة د.أحمد السعيد

انا حاسس ان نعم او لا ماهى الا خطوة من خطوات تفريق الشعب و كسب وقت لصالح شىء ما ايه هو ..... الله وحده اللى يعلم

و السيناريو اللى بيحصل مع نعم كان المفروض هيحصل مع لا
يعنى مثلا هل الجيش هيأخر الانتخابات علشان يرضى ال 23 % ... امال ديموقراطية ايه
و لما هى الحكاية كده اتعجلتوا لية و معملتوش تعديلات صريحة للدستور

انا شامم ريحة علمانية فايحة فى الموضوع

عفوا ... يوجد قطيع فئران بيلعب فى عبى

+1111111111111111111111111111111111111

انا مش عارف احدد الريحه بالظبط بس ماظنش علمانيه مصر ملهاش فيها اصلا

http://www.nilemotors.net/Nile/209265-a-2.html
ردي واضح في الموضوع ما فهمتش تعليقك؟ياريت توضح

اقتباس
المشاركة الأصلية كتبت بواسطة otefa




لو الخبر صحيح أكيد فيها علمانية


يعني لما قلت تقريباً نفس المعنى في الموضوع دة

فيلم نظرية المؤامرة ........ الجزء الثاني : بابا عايز أتصور جمب الدبابة
http://www.nilemotors.net/Nile/209265-a.html



رفضتو بشدة رايي ..... بس علشان كنت شامم رحت التيار الإسلامي في الموضوع


دلوقتي بتقولو نفس الرأي و بتنتقدو الجيش و الموضوع بقى فيه علمانية ...... بس عشان حسيتو إنو الموضوع ممكن ميمشيش في نفس السكة إلي انتو عايزينها


أنا أسف بس انتو بتعمل بالظبط ذي أي حد انتو بتنتقدوه ...... أنتم متناقضون
-------------
ده قصدي من ردي بخصوص العلمانية أن فيه ضغوط على المجلس العسكري لتوجيه الأصلاحات
وليس تشكيك بالمرة في المجلس العسكري

عارفين ايه المشكلة ان أراء وتوجهات وثقافات ومتطلبات الأغلبية التي يريد المجلس الأعلي للقوات المسلحة ارضاءها (من القوي السياسية وممثليها ) تقريبا معظم ما تقول به هو عكس ما يريده أغلبية الشعب المصري اللي صوت علي التعديلات الدستورية !!!!!!!!!!
وهو ده السبب اللي مخليهم حتي الأن مش عارفين يخرجو الأعلان الدستوري و المتضمن بداخله التعديلات والتي قد وافق عليها الأغلبية والمعارض لرأي هؤلاء !!!!!!!!!!!!
حد فاهم حاجه ؟
+1
ومنتظر توضيحك وأعتذار منك أو مني في حال صحت أو عدم صحت أتهامك لي أني متناقض في كلامي

أنا شايف إن وجودهم فى الفترة الحالية مهم جدا .. لحماية الدستور من الناس إللى ممكن يفصلوه على مزاجهم ..
و حماية السلطة من كل من يحاول الإستيلاء و النهش عليها و تحويلها لدكتاتورية ..

إيه المانع إنه يفضل هو المتحكم حتة يسلم السلطة لمدنية ..

ولا إنتم عايزين يسلمها لأى حد و يحولها دكتاتورية و يمكن تكون ألعن من مبارك ؟؟؟؟