تجربة الشد مع الميني كوبر بالسيراتو

**M.Akef** · 27-03-2011 04:02 AM

المشاركة الأصلية كتبت بواسطة Ranger

حتى لو غرز يا صديقي ميقدرش يطلع منه
كل قوي فيه اللي اقوى منه
اتذكر اني في مرة كنت راجع من البلد وماشي طريق بنها الزراعي مش بجري ماشي 120/130 وكان لاحم في ضهري فيورا 127
في الحقيقة كنت مبسوط جدا انها بتجري كدة محاولتش اشد ولكن فاجئني سواق ميكروباص طالع الطريق مفاجيء فطبعا اضطريت انزل ل 70 من 130 مفاجيء
والفيورا لازق فيا بس قلت هو يديني بوسة احسن انا مابوس الميكروباص

المهم لقيت بتاع الفيورا فرمل ونزل عادي جدا والحياة بيس معاه ولما شديت قام طالع تاني ورايا
المفاجأة مكانتش في انها فيورا
المفاجأة في ان اللي سايق كانت بنت وكانت لوحدها كمان
رفعتلها القبعة فعلا

لا يا معلم العربيه بردو محتاجه حد فهمها و حفظها كويس يعني لو محترف بمرسيدس معدله ممكن يبهدل واحد بكوبر و يخش في غرز الكوبر يخاف منها الي ابصم لك ان مفيش حد يطلع منه و هو معاه كوبر صفره هنا في المنصوره الراجل دا من ايام عمر مجيفر و رامي سري اول ما طلعو هو بيمشي هادي و مش بينزل بيها الا بليل بس بحس في مشيته انه بيقول الاسد يتكلم و انا بعمل فيها هندي و بحترم نفسي احسن

انا الحقيقه كل تجاربي مع البنات ولا واحده دخلت دماغي الا واحد بتلعب بهدوء بلانسر كان عجبني فيها فنها لكن بردو مخددشي في ايدي غلوه اغلبهم بيجرو بدون مسؤاليه بيجرو لانهم عوزين يجبو و خلاص

لكن علي وصفك فواضح انها فنانه فعلا لكن انا مش بحترم الي يركب خطاف علي حد عشان يفتحله الغرز الحقيقه

**Kareem.ElAraby** · 27-03-2011 04:07 AM

المشاركة الأصلية كتبت بواسطة kareemz

حاسس مثلا ان ال s ازاز كهربا و العادية أكر :-)

looooooooooooooooooooooooooooooooooooooooooooooooo oooooooooooooooooool

**MOUSTAFA_SAAD** · 27-03-2011 05:06 AM

المشاركة الأصلية كتبت بواسطة mzeid

لا علشان ال s محركها 160 حصان تيربو و العادية 120 زي السيراتو

أنا بسأل علشان كدة

حتى لو 120 زيها شوف فرق الحجم والوزن والثبات حيدى ميزه للكوبر

**ahmedhossam86** · 27-03-2011 10:33 AM

الف شكر علي الردود يا شباب... انا اللي شدني للكوبر اكتر ثباتها.. اللي كان سايق كان داخل علي عربيتين و ياخد غرزة بينهم كنت حاسس وقتها انه يا حايخيش يا حايقلب.. ما شاء الله دخل وسطيهم و طلع منهم و لا كأن فيه حاجة..

طبيعي ما هي ماشاء الله معدية الـ 350 ألف.. اعتقد انها الكوبر ابو موتور تربو.. لان طلعته من جمبي كانت طلعة طيارة..

**ahmed_201091** · 27-03-2011 06:42 PM

ولا تزعل نفسك يباشا دى ب 350 الف يعنى 3 سيراتو
و زى ما بيقولو اهى علقة تفوت ولا حد يموت و تتعوض المرة الجاية انشاء الله بس بلاش المينى دى :))

**Mzeid** · 29-03-2011 04:11 AM

ok you are right its 172 hp
i just confused in mini and scirocco engines power
and i didn't mean the 120 same like cerato in construction i just said same and close in power

**frontera09** · 29-03-2011 07:06 AM

بقى الكوبر تعلم عليك دة اكيد عيب سواق

medoakef بهزر طبعا اوعى تزعل

**hpxp** · 30-03-2011 06:29 PM

يا عم الحج frontera09 هو اتعلم عليه من كوبور امال انا عمل ايه انا اتعلم عليا من 124 وعربيتي اوبترا وكانت صدمه بلاش احكي ولا احكي

**NoRmAl** · 30-03-2011 07:17 PM

أيوه أنا حاصلى كدا بردو بالظبط
بس أنا كنت عارف انه هيعلم عليه وفاهم بكده فمكنتش مفكر أنى أشد معاه
الى حصل أنى كنت بجرى وقربت منه أوى فهو أفتكر انى بشد معاه
فقام كابس مشفتوش أنا طبعا
قلت بس :)
يا عم وهو أنا هشد معاك!!