حد عنده معلومات عن الحى السويسرى مدينة نصر

عايز اعرف معلومات عن الحى السويسرى وايه الفرق بين أ و ب وهل هو شعبى وايه عيوب المنطقة واسعار الشقق هناك فى حدود قد ايه

بصراحه
حي شعبي نص نص
مش اوي يعني
مش زي منطقه الورش اللي وراه مثلا
السويسري أ ارقي من ب بشويه
المشكله ان المساكن دي اغلبها بقي سودانيين ونيجيريين
وللاسف فيه كثير منهم لاجئين يعني مش بيتعلموا في الازهر ولا جايين في بعثات ولا نيله
عالم صايعه بياخدوا فلوس المعونه من امريكا ومرميين لا شغله ولا مشغله طول النهار
وبيبقوا سكرانين
وحصلت حوادث سرقه كتييييييييييييير بسببهم هناك
وقتل كمان
وحماتي وخطيبتي كانوا حيروحوا ضحيه عمليه سرقه لجارتهم السنه اللي فاتت
ده غير السرقات العاديه

المنطقه دي مليانه
وانا بقالي 3 سنين خاطب وخطيبتي هناك وبروح هناك كتير
بصراحه ممكن تكون زمان كانت حلوه
بس دلوقتي لا
الحي العاشر كله بقي لا يطاق
ده غير ان حواليك سوق السيارات
لا بتتهني لا جمعه ولا حد
تلاقي التجار جابت عربياتها يوم الخميس بالليل
وركنوا قدام البيت
تنزل الجمعه الصبج متلاقيش مكان لان كلهم بيبقوا راكنين عربياتهم الخاصه جوه وداخلين بعربياتهم السوق
وطبعا ده بيكون طول النهار لحد الساعه 6 علي ما المنطقه تروق

الميزه الوحيده اللي شايفها ان حواليك كل حاجه
اسواق وسوبر ماركت ومكتبات
بس الاطفال حيتربوا في بيئه غير مناسبه علي الاطلاق

ده رأيي الشخصي لو فيه مكان افضل يبقي زهراءمدينه نصر
ولو اني والله ابتديت اخاف من هناك
لاني واخد شقه هناك وملاحظ ان المستوي هناك ابتدي يبقي اقل من العادي

الاسعار والله اعلم
جه لحماتي 400 الف في الشقه عشان دور ارضي وممكن يتقلب محلات وقهوه انما الادوار العليا اعتقد اقل من كده في السعر

لوحضرتك بتشترى انصحك بالرحاب ولوغاليه خليك فى التجمع ولو مروحتش ياريت تروح هتغير رأيك تماماً

احنا عندنا شقه هناك ف عمارات ال 19 عماره اللى بتروحها من عند جامع السلام يمين تمشى على طول هيه على شمالك ورا شركه الكهرباء

المنطقه هناك بالنسبه للسويسرى أ أو ب فيها ميزه وعيوب ..

ميزتها ..

انا شايف انها تعتبر ف قلب مدينه نصر .. او مش قلبها بالظبط .. على حروف مدينه نصر من الناحيه الفاضيه .. تقدر تروح اخر عباس واخر مكرم ومصطفى النحاس بسهوله جدا من الناحيه الخلفيه للوفاء والامل .. وحته عمرها ما بتتزحم ..

الشقق هناك رخيصه جدا بالنسبه لاى حته تانيه

انا بتكلم على جوه شويه طبعا مش ناحيه سوق السيارات . ناحيه سوق السيارات برضه حلو معادا الجمعه والاحد .

عيوبها كما ذكر الاخ قبلى ..

وانا شايف انك ممكن تبدأ حياتك بشقه هناك وانا نفسى بفكر اعمل كده غايت ما ربنا يكرمك ل حاجه اكبر ...

طيب الإيجار فيها بيكون بكام؟

شكرا لردودكم بس عايز اعرف نوعية المساحات المتوفرة فى الحى السويسرى يعنى الشقق هناك اكبر مساحة كام متر واقل مساحة كام متر لان الواحد تاه من الأعلانات ورايكم مين الأحسن شقق ظباط زهراء مدينة نصر ولا الحى السويسرى

شقق ظباط زهراء مدينه نصر ( لو بعيد عن العشوائيات ) لان الحته دى وراها عزبه الهجانه او ما تعرف بال 4 ونص

بالنسبه للايجارات مش متابع.. والمساحات انا مش فاكر بس اعتقد هتلاقى 80 - 100 - 120 متر .المسااحات متنوعه يعنى

طيب اسعارها دلوقتى فى حدود كام ومعلهش على اسئلتى الكتيرة

ياريت اسعار الشقق للى يعرف