الموضوع: نداء عاجل للمهندس سبعاوي

تم بحمد الله امس
جيبت الواد الميكانيكي و قعدنا نفعص في العربيه لحد ماوجدنا الاتي :

1- لما بقفل علبة الدريكسيون علي الاخر بيحصل في تصفيره خفيفه (اجيب الدركسيون علي اخره)

2- نتيجه للتصفيره دي العلبه زي مايكون بتفوة

3- دلقنا شويه ميه علي السير التصفيره خفت شويه

4- السير شكله مشدود كويس لكن موضوعيا مش مشدود علي الاخر و دا اللي بيعمل التصفيره و الترس بتاع علبة الدريكسيون عند القفل عليها للاخر بتحس انها سرعتها بتقل و هاتقف و التصفيره بتطلع

و نتيجه لكل دا تم شد السير حبه حلوين كمان للتأكيد الاخير علي ان العيب من العلبه او الطرمبه ضعيفه

الغريب ان العربيه ظبطت و الدركسيون رجع طبيعي تاني حتي مع سخونه المكنه و دا اللي كنت بشتكي منه

للاسف كنت ظبط اني هانزل وسط البلد في شارع شمبليون علشان اكشف علي الباور كله و علبة الدركسيون عند ناس متخصصه علي قول المكيانيكي بتاعي الكبير (الميكانيكي بتاعي اتنين واحد صغير في السن و التاني كبير في السن)و طبعا بعد النتيجه دي ماروحناش ولا جينا مع ان كان نفسي اروح اشوف هايكشفوا ازاي عليها لكن الحمد لله علي كده

شكرا للمهندس سبعاوي و كل من تفاعل في الموضوع ده
بالنسبه لشد السير بقي
في مسمارين في الميزان بتاع الديناموا واحد علي الخوصه بتاعة الشداده وواحد اللي بربط منه علشان السير يتشد دلوقتي بقي انا افضل اربط في المسمار دا لحد مالسير يتشد علي الاخر بحيث اني لما احط ايدي علي السير اللاقيه مش بينزل من الحته الفاضيه ولا اظبطه ازاي علشان يبقي هو كده مشدود كويس و مايبقاش في اي تأئير علي طرمبة الميه او اي بلية طمبوره علي السير