الحمد لله بقيت تيداوي

**Elsayed** · 30-03-2011 08:55 AM

الف الف مبروك و ربنا يباركلك فيها و يديك خيرها و يكفيك شرها يا رب
وان شاء الله الحاجات الصغيره دى بعد ماتتعود شويه على العربيه هاتلاقيها تهيئات
لكن لو فيه هزه فى الزجاج خلى التوكيل يشوفها

**ahmedezar** · 30-03-2011 04:52 PM

المشاركة الأصلية كتبت بواسطة elsayed

الف الف مبروك و ربنا يباركلك فيها و يديك خيرها و يكفيك شرها يا رب
وان شاء الله الحاجات الصغيره دى بعد ماتتعود شويه على العربيه هاتلاقيها تهيئات
لكن لو فيه هزه فى الزجاج خلى التوكيل يشوفها

الله يبارك فيك ويحفظك

بإذن الله أقولهم علي اللي في نفسي في الصيانه وريبنا يسهل
شكرا ليك

**ahmedezar** · 31-03-2011 09:10 PM

معلش يا جماعة سؤالين كده وبتقل عليكوا
لما ببقي ماشي بطئ في الزحمة واقف وانا علي ال d وانسي ارجع لل N أو ال P
الفرامل وانا دايس عليها بتنزل لتحت شويه ولو نقلت لل N بتنزل سنه كمان ده طبيعي ولا في حاجه كده في الفرامل

السؤال التاني أعمل صيانة الالف في السبع أن شاء الله أفضل مش كده ولا أيه؟؟؟

**AbuHusam** · 01-04-2011 12:05 AM

المشاركة الأصلية كتبت بواسطة ahmedezar

لما ببقي ماشي بطئ في الزحمة واقف وانا علي ال d وانسي ارجع لل n أو ال p
الفرامل وانا دايس عليها بتنزل لتحت شويه ولو نقلت لل n بتنزل سنه كمان ده طبيعي ولا في حاجه كده في الفرامل

[mark=#ffffdb]بخصوص الفرامل متهيألي المسألة شوية وسوسة زيادة منك مش أكتر.. كل الحكاية إنك لما بتدوس فرامل وانت سايق على الـ d بيبقى التيل قافش على الطنابير علشان يقاوم حركة الموتور ويمنع العجل من الدوران.. ولما بتنقل إلى الـ n عزم الموتور بيخف من على العجل وبالتالي بتقل قوة الدفع دي فبيحصل (ترييح) بسيط بين التيل والطنابير وده اللي بيحسسك إن الفرامل بتنزل منك لتحت شوية..
باقولك إيه.. مهم فعلاً إنك تبقى حساس للعربية وتاخد بالك من أي حاجة غريبة.. بس الأهم انك تتمتع بالعربية.. يعني عيش مع العربية بس ما تخليهاش هي تعيش معاك وتشغل بالك قوي كدة[/mark]

المشاركة الأصلية كتبت بواسطة ahmedezar

السؤال التاني أعمل صيانة الالف في السبع أن شاء الله أفضل مش كده ولا أيه؟؟؟

[mark=#ffffdb] ناس كتير بتشكر في السبع خصوصاً في طريقة المعاملة والاهتمام بالعميل وشكاويه وطلباته.. أنا ما جربتش مودرن علشان أحكم على الفرق اللي جربوها يفيدوك إن شاء الله[/mark]

**ahmedezar** · 04-04-2011 10:13 AM

المشاركة الأصلية كتبت بواسطة abuhusam

[mark=#ffffdb]بخصوص الفرامل متهيألي المسألة شوية وسوسة زيادة منك مش أكتر.. كل الحكاية إنك لما بتدوس فرامل وانت سايق على الـ d بيبقى التيل قافش على الطنابير علشان يقاوم حركة الموتور ويمنع العجل من الدوران.. ولما بتنقل إلى الـ n عزم الموتور بيخف من على العجل وبالتالي بتقل قوة الدفع دي فبيحصل (ترييح) بسيط بين التيل والطنابير وده اللي بيحسسك إن الفرامل بتنزل منك لتحت شوية..
باقولك إيه.. مهم فعلاً إنك تبقى حساس للعربية وتاخد بالك من أي حاجة غريبة.. بس الأهم انك تتمتع بالعربية.. يعني عيش مع العربية بس ما تخليهاش هي تعيش معاك وتشغل بالك قوي كدة[/mark]

شكرا يا باشا علي ردك ومعلش للـتأخير
الحقيقية الموضوع مش وسوسة لأنه كان بيحصل في عربية أختي البيكانتو وكذا عضو في كيا كان بيكلم في النقطة دي وفي ناس غيرت الماستر.

[mark=#ffffdb] ناس كتير بتشكر في السبع خصوصاً في طريقة المعاملة والاهتمام بالعميل وشكاويه وطلباته.. أنا ما جربتش مودرن علشان أحكم على الفرق اللي جربوها يفيدوك إن شاء الله[/mark]

أنا الحمد لله حجزت مع السبع وإن شاء الله اروح وأقولهم علي اللي نفسي فيه وكل شئ يبقي تمام وشكرا ليك يا باشا مره تانية.