الموضوع: أنا ضد المظاهرة المليونية ومش عارفة أعمل ايه

مش عارفة اعمل ايه .. أنا ضد المظاهرة المليونية الجمعة الجاية دى ومش عارفة اعمل ايه ،،، عايزة اعبر عن رأى زى اللى حينزلوا يوم الجمعة الجاية دى ومش عارفة اعمل ايه ...
انا بدأت اشك انى باحب البلد دى يمكن انتم شايفين حاجة انا مش شايفاها مصريين وانا كمان مصرية فرحتم برحيل حسنى مبارك وانا والله كمان جدا ونزلت كمان فى الشارع يوم التنحى ،،طب اعبر عن رأى ازاى باثق فى القوات المسلحة جدا وباثق فى عصام شرف جدا جدا وشايفة ان كل خطوة من هنا ورايح لازم تكون لأدام لازم نبدأ مرحلة الثقة فى اللى حوالينا واذا لقينا أى تقصير ملموس فى سلوك أى مسئول لازم تكون من هنا ورايح وسيلة مشروعة عشان نحاسبه بيها لكن نظام - انا الفار ابتدى يلعب - هما الجيش ليه فى تباطؤ ليه فى تنييم للموضوع ليه مفيش حد لغاية دلوقتى اتحكم عليه بالاعدام مع - دائما والكلام ده بيتقال -احنا بنثق فى رجال القضاء وبنثق فى الجيش وبنثق فى عصام شرف - طب متثقوا بجد بقى وخلينا نشوف حيحصل ايه.. ليه عايزين تثبتوا لكل اللى اتكلموا عن ان المصريين ميعرفوش يعنى ايه ديمقراطية انهم على حق ... انا قلت نعم فى الاستفتاء مش علشان الدين ولا الاستقرار بس قلت نعم بعد ما دماغى ورمت وانا باتفرج على جميع القنوات والمستشاريين والمحللين والمثقفين ده كان رأى وكنت مبسوطة وانا باقول رأى واحساس حلو لما عرفت ان رأى فى ناس كتير بتأيده واحترمت كل الناس اللى من الطرفين قالت احنا حنحترم النتيجة بس -وقول اللى عايز تقوله - النتيجة لم يتم احترامها
جربت قبل كده تكون سايق العربية وحد جمبك عمال يقولك اضغط فرامل شوية - خف من البنزين - خد بالك من اللى جاى يمين ده حاسب الميكروباص ده بتيقى فى الآخر بتقوله ايه ابوس ايدك سيبنى اسوق انا باعرف هو انت مش واثق فيا ولا ايه
جربت قبل كدة تكون فى الشغل ومديرك يديك حاجة تخلصها وبعد كدةة يجيلك يقولك ها خلصت وكل شوية لازم تنجز بقى احنا ورانا شغل تانى هو شايف ان الموضوع على الورق سهل جدا وانت واخد فيه كل الوقت ده ليه وانت عارف ان التنفيذ الفعلى على ارض الواقع غير الكلام
انا حاسة بعد الثورة وبعد حكومة عصام شرف ماتولت ان احنا خلاص هنطلع السلم وكل شوية حد يوقفنا يقولنا لأ انتم رايحين على فين استنوا شوية لسة انا عايزة اطلع وشايفة ان الاساس بيتحط وواثقة فى اللى بيحطوه
لو شايف ان الجيش لازم ينزل بصراحة عن القيادةفى الفترة دى وميستناش لحد ما يسلمنا لحكومة مدنية - زى ما اتقال فعلا -وان كدة خلاص فده رأيك مش رأ ى متفرضش وصايا على الآراء الاخرى
سؤال اخير لكل من يوافق على النزول يوم الجمعة انت قلت لأ ولا نعم فى الاستفتاء وايه رأيك فى البرادعى ؟!!!

المشاركة الأصلية كتبت بواسطة qmax

مطالب مشروعه

المطالب مشروعة ماشى طبعا مشروعة\
هما 3 اسألة حضرتك هتنزل فيها لو توفرك وقت
ثانيا قلت نعم ولا لأ فى الاستفتاء
ثالثا ايه رأيك فى الدكتورا لبرادعى