زيت المحرك ( بحث هام ومفيد )

**yascro** · 27-03-2011 11:26 PM

المشاركة الأصلية كتبت بواسطة her210

طيب انا حطيت زيت بترومين hd 40 فى المكنه ده خطر ارجوكم هوه مشيت بيه 560 كيلو الحقونى 250 سى بى ار

انا كنت متاكد من الرد بس حبيت اتاكد ارمى الزيت ده من البايك يا مفترى

**m3_dolphen** · 27-03-2011 11:36 PM

مقطعين لتوضيح عملية التزييت وأهميتها

YouTube - ‫ظ…ط¶ط®ط© ط§ظ„ط²ظٹطھ‬&lrm;

YouTube - lubesystem cable

أرجو من المشرف وضعهم مع الموضوع

**alfath8** · 28-03-2011 12:02 AM

بصراحة موضوع جميل جدا بسه ناقصة حاجة بسيطة توضييح انواع الزيوت المناسبة لجو مصر وانواعها افضليتها لكل بايك مثلا 250 او 400 او 900 او 1000 ويا رب الناس تستفاد منك يا محمد باشا

**m3_dolphen** · 28-03-2011 12:23 AM

المشاركة الأصلية كتبت بواسطة alfath8

بصراحة موضوع جميل جدا بسه ناقصة حاجة بسيطة توضييح انواع الزيوت المناسبة لجو مصر وانواعها افضليتها لكل بايك مثلا 250 او 400 او 900 او 1000 ويا رب الناس تستفاد منك يا محمد باشا

حبيب قلبى الاستاذ محمد مصطفى جزاك الله خير.. كلامك تمام بس الموضوع اتكلم عن النقطة دى بطريقة غير مباشرة لكن مفيش مشكلة ..
عموما الجو فى مصر معتدل اغلب السنة والحمد لله . لذلك اى زيت يكون 20/50 يكون كويس وخصوصا فى الصيف أما أيام الشتاء يفضل زيت 10/40 ده بالنسبة لللزوجة .. فى معلومات تانى عن نوع الزيت انشاء الله اجمعها واكتبها .

**KHALED2010** · 28-03-2011 12:35 AM

المشاركة الأصلية كتبت بواسطة m3_dolphen

حبيب قلبى الاستاذ محمد مصطفى جزاك الله خير.. كلامك تمام بس الموضوع اتكلم عن النقطة دى بطريقة غير مباشرة لكن مفيش مشكلة ..
عموما الجو فى مصر معتدل اغلب السنة والحمد لله . لذلك اى زيت يكون 20/50 يكون كويس وخصوصا فى الصيف أما أيام الشتاء يفضل زيت 10/40 ده بالنسبة لللزوجة .. فى معلومات تانى عن نوع الزيت ان شاء الله اجمعها واكتبها .

بجد الله اكبر عليك روعه بجد ربنا يبارك فيك ويجعله فى ميزان حسناتك

**her210** · 28-03-2011 12:38 AM

المشاركة الأصلية كتبت بواسطة alfath8

بصراحة موضوع جميل جدا بسه ناقصة حاجة بسيطة توضييح انواع الزيوت المناسبة لجو مصر وانواعها افضليتها لكل بايك مثلا 250 او 400 او 900 او 1000 ويا رب الناس تستفاد منك يا محمد باشا

يبقا خدمه جا مده جدا وفيضو علينا بالعلم وتعرفونا الدرجات يعنى البايك الى عامل عمره زيت ايه والبايك القديم والبايك الفبريكه بحاله الجديد والجديد وموديل حديث كل حاجه بنوعها والى عايز يصرف والى ممكن يوفر عشان كل واحد يبقا عارف هايعمل ايه وزيت للصيف وفى زيت نوع تانى للشتاء بما ان الصيف هايكون حر جدا والله ولى التوفيق

**yascro** · 28-03-2011 12:42 AM

دا ملخص مناقشه كانت ف الموضوع ده
زيت البايك - أي بايك - ما ينفعش يحتوي على Molybdenum .... و ده عنصر كيميائي و هتلاقي بعض الناس بتدلعه و بتقول عليه Moly

العنصر ده بيستخدم كإضافة للزيوت لتحسين التزييت

بس للاسف بيبوظ الدبرياج بتاع البايك

اتاكدت اكتر اما قريت بعض المقالات .... و اتاكدت مليون المية اما جبت ال Service Manual و لقيت مكتوب فيه في خانة نوع الزيت انه يبقى 10W40 و بدون Molybdenum .....

حاولت اتاكد الزيوت فيها و لا لأ عن طريق الاستيكر عالجركن .... مفيش معلومات خالص عن الاضافات

توصلت للارقام بتاعة الدعم الفني لفيسكو و موبيل و شيل

فيسكو لسه مش متأكدين و مش عارفين

موبيل قالوا لي ان Mobil 1 فيه Molybdenum .... يعني ما ينفعش خالص

و قالوا لي ان Super XHP اللزوجة بتاعته عالبارد (الرقم اللي على شمال ال W) عشرين ..... يعني ما ينفعش لان البايك عايزة 10W40 (الرقم اللي على شمال ال W كل ما يقل يبقى احسن ..... و اللي على يمين ال W كل ما يزيد يبقى احسن)

انتظرت رد شل

و اتصلوا بيا اخيرا ...... و اكدوا لي

Helix Ultra مافيهوش Molybdenum ..... هيييييييييييه :)

و لزوجته 5W40 يعني احسن من اللي هوندا عايزاه كمان عالبارد :)

كده اقدر اقول باطمئنان ان كل واحد خايف على بايكه يحط شل هيلكس الترا (الجالون 4 لتر ب 250 جنيه و يقعد 10 الاف كيلو مستريح)

و كل واحد حاطط موبيل يجري يدلقه فورا و يحط شل ..... طقم ورق الدبرياج مش رخيص يا جدعان و الدبرياج مش بعزقة .....
وده لينك الموضوع للمراجعه
شكرا لاستاذ احمد كمال صاحب الموضوع
http://www.nilemotors.net/Nile/160640-a.html

**alfath8** · 28-03-2011 01:08 AM

بصراحة شل من انضف الانواع لزيوت الموتوسيكلات بس فى تعقيب بسيط هل لو انا عندى بايك بقاله عشرين سنة ينفع احطلو زيت 10w/40وفى الجو الحر بتاعنا ده والسخونية المرتبطة بالاجواء المصرية طبعا صعبة شوية وكمان مشكلة تانية ان الزيت لازم يتغير عند 1000 كيلو مش اكتر لان البايك غير السيارة فى حجم الموتور ومجار التزييت فى الموتور ووجود صندوق التروس بداخل الموتور يعنى لو جبت زيت بيقعد 10000 كيلو ب 240جنيه وانزله بعد 1000 كيلو ده حرام وانا جربت شل الاصفر وهو درجته 15w/ 50 se بجد ممتاز وسعره معقول ب 100 جنيه بس مش وحش

**m3_dolphen** · 28-03-2011 05:12 AM

المشاركة الأصلية كتبت بواسطة khaled2010

بجد الله اكبر عليك روعه بجد ربنا يبارك فيك ويجعله فى ميزان حسناتك

الله يخليك ياخلوووووووود جزاك الله خير ... ربنا يتقبل منا جميعا

**KHALED2010** · 28-03-2011 11:19 AM

المشاركة الأصلية كتبت بواسطة m3_dolphen

الله يخليك ياخلوووووووود جزاك الله خير ... ربنا يتقبل منا جميعا

اللهم امين يارب العالمين

الموضوع: زيت المحرك ( بحث هام ومفيد )

LinkBack

أدوات الموضوع

عرض

-

-

-

-

-

-

-

المواضيع المتشابهه

العلاقة بين سعة المحرك وعدد الإسطوانات والسرعة والعزم وشكل المحرك

لينك لموضوع هام ومفيد عن صناعه الزيوت في مصر

اجزاء المحرك وكيف يعمل واسماء قطع المحرك فيديو

الكلمات الدلالية لهذا الموضوع

المفضلات

المفضلات

ضوابط المشاركة