سب دين ده ولا انا بيتهيألى

**mailo** · 27-03-2011 11:23 AM

انا بقى مش عارف إيه ساويرس ده كمان
ومش شايف أصلا إنه يستاهل إن الناس تتكلم عنه مش تتخانق عليه

**SaberMan** · 27-03-2011 12:44 PM

لمعرفة جزء من الحقيقه

YouTube - ‫ط.ظ‚ظٹظ‚ط© ظ†ط¬ظٹط¨ ط³ط§ظˆظٹط±ط³‬&lrm;

**ahmedhossam86** · 27-03-2011 02:18 PM

المشاركة الأصلية كتبت بواسطة saberman

لمعرفة جزء من الحقيقه

youtube - ‫ط.ظ‚ظٹظ‚ط© ظ†ط¬ظٹط¨ ط³ط§ظˆظٹط±ط³‬&lrm;

مالوش اي لازمة الفيديو ده.. مؤامرة ايه اللي خبيثة من مسيحي مصر! انا مسلم و بقولك من حق اي مسيحي يترشح و يبقي رئيس.. هو مش مصري.. و لازم يتعين دكتور في الجامعة و رئيس و رئيس وزراء.. شوف الدكتور مجدي يعقوب و نماذج كتير ناجحة و شرفت مصر... بلاش سكب البنزين علي النار.. الراجل ده 99% من اللي بيعملوا في شركته مسلمين.. و مساعديه مسلمين.. و المهندسين المصريين اللي اختطفوا في العراق و دفعلهم فدية و بكي علي الهواء في التليفزيون علشانهم كانوا مسلمين..

**نور القمر** · 27-03-2011 02:31 PM

سواء سب الدين اومسبش هو مرفوض كرئيس لمصر على الاقل من ناحيتي انا
كفاية خطبته قدام التليفزيون

**otefa** · 27-03-2011 02:35 PM

طبعا غلطة أو زلة لسان.........النهاية أن أخلاقه وتوجهاته عليها علامات أستفهام؟؟
رئيس دولة أغلبيتها مسلمين لايصح مطلقا أن يكون غير مسلم بل يجب التأكيد عليها في الدستور بمادة صريحة بالأضافة للمادة الثانية

**sharpvision** · 27-03-2011 02:38 PM

اعتقد مفيش رجل اعمال عاقل يجى على التلفزيون المصرى والقناه الاولى اللى بيشوفها كل المصريين ( يعنى مش فضائيه متداريه ولا حاجه) ويقول الكلام ده ممكن يكون قصد حد تانى وحضرتك تبقى عملت فينا جميله لو جبتلنا الحلقه كامله علشان نعرف هو بيقول كده على مين من الناس اللى اتذكرت فى الحلقه ؟ ولكن مقطع مكون من55 ثانيه انا مش بعترف بيه بصراحه وكمان عارف سبب نزوله فى الوقت ده , مش نخلص من اللى قطعوله ودنه ندخل فى سب الدين --- مجرد رأى

**dr-mohamed** · 27-03-2011 02:41 PM

المشاركة الأصلية كتبت بواسطة ahmedhossam86

انا مش شايف انه قال حاجة غلط.. طبيعي اي حد فينا لو حس باضطهاد ديني حايطلع ... اللي بيضطهده... بطلوا بقي تدوير في الملفات القديمة و فيديوهات اللي عاملينها متخلفين .. بيخفوا بيها وش المذيعة...

يعني حضرتك مش شايف سب دين الاغلبية مشكلة
والمشكلة في اللى بيخبوا شكل المذيعة وانهم هما المتخلفين ؟؟؟؟؟؟؟؟؟؟

المشاركة الأصلية كتبت بواسطة ahmedhossam86

انا مسلم و بقولك من حق اي مسيحي يترشح و يبقي رئيس
وانا مصري وبقولك لو هانتكلم بمنطلق الاغلبية يبقي مش من حق اي مسيحي يترشح ويبقي رئيس والا كان يبقي من حق مسلم يترشح لرئاسة امريكا او اسبانيا او السويد او غيرهم من الدول و عندهم ده ممنوع بنص الدستور
الراجل ده 99% من اللي بيعملوا في شركته مسلمين.. و مساعديه مسلمين.. و المهندسين المصريين اللي اختطفوا في العراق و دفعلهم فدية و بكي علي الهواء في التليفزيون علشانهم كانوا مسلمين..

جميلة جدا الاحصائية اللى حضرتك عملتها وتوصلت منها ان 99% من اللى بيعملوا في شركاته مسلمين
والمهندسين دول هو اللي بعتهم بعد غزو العراق مباشرة علشان شبكة المحمول اللى عملها هناك يعني يدفع لهم فدية او لا شئ يخصه
ملحوظة على الهامش مسئول الامن عنده في العراق وقتها كان محسن السكري وهو اللى كان مدبر خطفهم وهو اللى اخد الفدية

**SeiffoZ** · 27-03-2011 03:11 PM

انا شايفها كلمة شتيمة عادية مش مقصود بيها حاجة .... اكيد مش غبى عشان يشتم دين معين ...

الكلمة دي منتشرة فى 90% من الشعب المصري

**الطنطاوي** · 27-03-2011 03:13 PM

ممكن تكون زلة لسان منه وممكن تكون غير كده ... ما يهمنيش

بس هل هنعامله زي ما عاملنا الشيخ يعقوب عن كلمة أقل من دي بكتير والراجل قال إنه كان بيمزح مع تلاميذه مش على شاشة التلفزيون الرسمي

يا ترى لو شيخ سلفي قال كلمة زي دي كان صحيفة اليوم الساقع و غيرها هايعملوا ايه في الموقف ده

أما لو ساويورس قال الكلام ده فحرام على المسلمين يزيعوا الكلام ده أو يعلقوا عليه علشان الوحدة الوطنية والفتنة و و و و