مساعدة يا جماعة لانني محتار !!!!!

**M.ABDEEN** · 27-03-2011 08:40 AM

السلام عليكم ورحمة الله وبركاته

انا قررت اركب جنوط للسيراتو بعد حيرة ولسه مرسيتش على شكل معين وروحت لكزا واحد بس لسه مااستقريتش فهل تنصحوني اروح لمين يكون عنده تشكيلة كويسة واسعاره حنينة ومحديش يقوللي روح لفلان اللي في المطرية لاني روحت ومعجبنيش جنوطهم ولا طريقتهم في الكلام ......هل فعلا شارع احمد سعيد فيه حاجات حلوة ولا الحرفيين طيب ايه النظام واعمل ايه لاني حيران ومحتاج مساعدتكم معاي وربنا يخليكوا

**M.ABDEEN** · 28-03-2011 10:13 AM

ايه يا شباب مفيش ردود هو للدرجة دي الموضوع صعب ولا ايه ؟؟؟

**moha4tec** · 28-03-2011 10:50 AM

السلام عليكم
لازم تجيب جنط مقاساته مظبوطه و مقاسات المسامير كمان
لانها لو جبت مقاسات المسامير و الخلوص غلط الركسيون هيرجرج منك بعد ال 100 كم\ساعه و مش هتلاقى ثبات و الكاوتش هيتاكل بسرعه و مشاكل كمان فى العفشه و بهدله على الفاضى
الاختيار
يا اما تجيب الاصلى سواء بتاع الكوبيه او السيدان من التوكيل او اى حته تانيه و تتاكد انه اصلى كمان
ياما تشوف مقاس جنطك صح الخلوص و المسامير و الابعاد و تروح تشترى جديد و ابعد عن المستعمل
و ربنا معاك و الله اعلم
و السلام ختام
كان فى اخ معانا بس فى لاقسم هيونداى كان معاه النترا و اشترى جنط و كاوتش جديد و لبسهم لانه مركزش فى ابعاد المسامير و الخلوص و خلافه و على فكره الجنط ركب و اتربط عادى جدا و مشى بيها عادى
بس بعد ال 100 لقى الدركسيون بيرجرج جامد و عدم ثبات و حوارات كده و رجع للطاسات وتانى لبس تمن الحجات اللى اشتراها
و نصحنا فى الاخر اننا لما نيجى نشتر جنط نشتريه جديد و يكون بتاع العربيه الاصلى