العربيه بتسفق في الطوالي والسحب وحش

**shaddadfalcon1** · 27-03-2011 09:41 AM

العربيه معايا ياجماعه بتعمل صوت تسفيق وانا ماشي في الطوالي والغيارات مظبوطه يعني مش ببقي ماشي 30 علي الرابع مثلا لا دي بتعمل كده وانا ماشي 70 مثلا علي الرابع وبتبقان لما اقرص وساعات تبان وساعات لا والسحب بقي وحش بصراحه

موضوع السحب ده حسيته انه قل من يوم ماركبت حساس شكمان و tps وغيرت سلوك بوجيهات وبوجيهات ngk يعني المفروض انها تتظبط - الحاجه الوحيده اللي اتظبطت هي استهلاك البنزين

كلمت الميكانيكي البارح علي موضوع التسفيق قالي ان البنزين طايله مياه وحاول تغير البنزينه اللي بتمون منها - هل ده صحيح؟

**MMamdouh** · 27-03-2011 12:32 PM

هل المشكلة دى ظهرت بعد ما مونت بنزين؟

MMamdouh

**shaddadfalcon1** · 27-03-2011 01:46 PM

بصراحه يابشمهندس مش متاكد قوي بس موضوع السحب ده من بعد ماغيرت الحساسات وسلوك البوجيهات

موضوع التسقيف ده حصل برده بعد مابتديت اغير البنزينه اللي بمون منها لان اللي كنت بمون منها علي مدار 3 سنين واحد قالي انها بتحط مياه برده وبحط من بنزينة موبيل للي في سموحه يعني المفروض انها تبقي محترمه

**tarek_2005** · 27-03-2011 03:49 PM

عيب محطة البنزين انا مونت من محطة مرة وظهر العيب ده
ورجعت للمحطة المعتاد التموين منها راح العيب قولت اجرب وامون تاني من المحطة الاولي وانا خارج من المحطة بعد التموين العربية سقفت

طبعاً عرفت ان العيب من البنزين واستحملت لغاية ما خلصت التفويلة دي للاخر وبعدين مونت من المحطة الي انا معتاد عليها العربية اتظبطت