بمناسبة الحر و التكيفات - انا جربت افتكاسة و نفعت ..!

**ehabnagip** · 27-03-2011 11:38 AM

السلام عليكم يا اهل الاوبل .. انا حبيت اشارك معاكم بافتكاسة عملتها فى التكييف بما ان كل الضغط دلوقتى على مواضيع صيانة التكييفات . الموضوع ببساطة ان كان عندى مشكلة فى سرعات البلاور ( المروحة الداخلى ) و هى انها بتشتغل بس على اخر سرعة (4) و طبعا كان رد جميع الصنايعية ان مقاومة المروحة باظت و لازم تتغير علشان مبتتصلحش و الاسعار من 150 ل 300 جنية و اذا لقيتها اساسا - العربية فيكترا A - المهم كان حل احد الخبراء انى اجيب واحدة بتاعت 97 و اشغلها بس مش هتبقى راكبة في نفس المكان مظبوط , و دا اكبر غلط لانها لازم تركب فى مكانها مظبوط علشان ليها تهوية .. المهم علشان مطولش عليكم فكيت المقاومة دى و قلت اشوفها مالها و اية تركيبها اصلا و هى موجودة تحت فبر المساحات جنب البلاور علطول و هتلاقو راكب فيها الفيشة بتاعت السرعات و فردتين البلاور , يتفكو براحة و بعدين في مسمار واحد فى الجنب و الناحية التانية لسان بلاستك كل المطلوب هو فك المسمار و سحبها بالراحة هتطلع بكل سهولة , المهم المقاومة دة عبارة عن جذء محول كهربى _ و هو الجذء الى لونة اخضر و دة تقريبا نفس اللون في كل الموديلات الي شفتها - و في الجنب في مقاومة صغيرة واحدة و هى دة المشكلة كلها علشان ببساطة لو المحول في حاجة صعب قوى يضرب كلة لانة اربع دوائر من جوة ( اربع سرعات ) و بالتالى احتمال كبير جدا ان المشكلة تبقى في المقاومة المهم قصيت المقاومة دة و رحت جبت واحدة نفس الرقم و المقاس ( مكتوب عليها ) من واحد بتاع حاجات كاسيتات و تلفزيونات ب 2.5 جنية و رحت لاحمها بمكوة اللحام و نقطة قصدير و ركبت كل حاجة تانى و قلت بسم الله الرحمن الرحيم و جربت و لاقيتها اشتغلت الاربع سرعات زي الفل .. الكلام دة من اسبوعين و انا قلت استنى علشان اجربها كويس و بعدين اقولكو و اهو بردو توفير فلوس و منخليش صنايعى يشتغلنا علشان هو كسلان يصلح .. و الي ميعرفش يقص و يلحم ممكن يفكها و يروح لاى حد بتاع تصليح تلفزيونات و يخلية يعملهالو و معتقدش انة هياخد اكتر من 10 جنية علشان الموصوع دة ميخدش دقيقة لو المقاومة موجدودة , و الى ميعرفش حد بيبيع المقاومات دى ممكن يجيب من النخيلى في باب اللوق .. ارجو ان الموضوع يعود على الكل بمنفعة و منجلكوش فى حاجة بايظة

**tamertamer** · 27-03-2011 12:04 PM

المشكلة كلها فى حاجة تنية خالص المقومة قلى سعتك جبتها صينى وبعد مدة قصيرة هتبوظ مع الاسف لان كل المقومات قلى فى السوق صينى وللاسف مبيستحملش انا عملت الحوار دة فى كاستتات كتير وكل شوية تدرب مع الاستخدام
وخلى بالك انت التكيف ممكن تشغلة 2 ساعة مثلا هل المقومة هتستحمل التحميل من وجهت نظرى الضعيفة معتقتش
على العموم انا بحى فيك روح التجربة وعدم الاستسلام انت عامل مثلى فى النقطة دية ابل مغير حاجة بيظة بحاول فيها مرة واثنين وثلاثة وفدتنى كتير اوى
وعلى المقومة هى بسيطة جدا انت بتقطع الرجلين بتعتها وترجع تلحمها بالكوية بس مش اى كوية لازم يكون السن بتعها صغير
تقبل فائق احترامى وتقديرى ليك

**Ahmed_lol2007** · 27-03-2011 12:58 PM

تمام ياباشا والله لو كل واحد حاول ف المشكلة اللى عنده مش هيروح للميكانيكى والكهربائى غير قليل أوى
أحب أحيك جدا على روح التجربة دى

**caboo_1** · 27-03-2011 05:48 PM

المشاركة الأصلية كتبت بواسطة tamertamer

المشكلة كلها فى حاجة تنية خالص المقومة قلى سعتك جبتها صينى وبعد مدة قصيرة هتبوظ مع الاسف لان كل المقومات قلى فى السوق صينى وللاسف مبيستحملش انا عملت الحوار دة فى كاستتات كتير وكل شوية تدرب مع الاستخدام
وخلى بالك انت التكيف ممكن تشغلة 2 ساعة مثلا هل المقومة هتستحمل التحميل من وجهت نظرى الضعيفة معتقتش
على العموم انا بحى فيك روح التجربة وعدم الاستسلام انت عامل مثلى فى النقطة دية ابل مغير حاجة بيظة بحاول فيها مرة واثنين وثلاثة وفدتنى كتير اوى
وعلى المقومة هى بسيطة جدا انت بتقطع الرجلين بتعتها وترجع تلحمها بالكوية بس مش اى كوية لازم يكون السن بتعها صغير
تقبل فائق احترامى وتقديرى ليك

احب اعرضك معلش وقولك ان المقاومات مش هتفرق صينى او امريكى حتى لان الفابريكاشن تاع المقاومات واحدة حى بتضرب بس من حاجة واده اذا زاد الباور عليها يعنى من الاخر اجبها تستحمل باور عالى وخلاص وبعدين المقاومة لو باظت عادى ده ال5 مقاومات بربع جنيه
توكل على الله لو بيظه عندك واعملها

**tamertamer** · 27-03-2011 07:28 PM

المشاركة الأصلية كتبت بواسطة caboo_1

احب اعرضك معلش وقولك ان المقاومات مش هتفرق صينى او امريكى حتى لان الفابريكاشن تاع المقاومات واحدة حى بتضرب بس من حاجة واده اذا زاد الباور عليها يعنى من الاخر اجبها تستحمل باور عالى وخلاص وبعدين المقاومة لو باظت عادى ده ال5 مقاومات بربع جنيه
توكل على الله لو بيظه عندك واعملها

الفابريكاشن تاع المقاومة ؟؟؟؟؟؟؟؟
مش فاهم ياريت توضح لية دائما فى الكاستات الايسيهات بتضرب لو مش اصلى لونها نفس بظبت

**abdoghanm** · 27-03-2011 07:56 PM

الله ينور عليك

**tananybasha** · 28-03-2011 12:41 AM

يااااااااااااه
انت لسه فاكر تحكى عن الموضوع ده يا ايهاب
ده انت عامله من يجى اسبوعين

**ehabnagip** · 31-03-2011 07:49 PM

المشاركة الأصلية كتبت بواسطة tananybasha

يااااااااااااه
انت لسه فاكر تحكى عن الموضوع ده يا ايهاب
ده انت عامله من يجى اسبوعين

منتا عارف يا باشا الواحد لازم يتأكد كام يوم الاول علشان الناس متجربش و الحكاية تبوظ على العموم ملحوقة الصيف لسة فى اولة

بخصوص موضوع انها مقاومة صينى - انا بصراحة مش عارف اذا كان صينى و لا نوعها اية بس هى شغالة كويس جدا و شغلطها على فكرة لمدة اكتر من ساعة و نص و مقالتش لا و على العموم اهى تمشى لحد الصيف ميشد و نشوف هيجرلها اية .. و بصراحة الى كنت خايف منة ان القصدير هوا الى يفك علشان الاصلى ملحومة طبع مش قصدير .. و انا احب اضيف بالمناسبة دى ان اغتراع غسيل التلاجة الى اخترعة طنانى و انا عملتة الصيف الى فات و كررتة تانى من 3 اسابيع بيفرق على الاقل ب 60 % من تبريد التكييف و كمية الهواء الى داخلى العربية و بكل ثقة اقدر اقول للناس الى بتقول ان فتحة التكييف الى في النص ضعيفة انة غلطان هى فعلا اضعف من الجناب بس بعد تنظيف التلاجة بتبقى كمية الهوا زى اى عربية تانية :b4_048: و اتمنى لكم صيف بارد جدا مع تكيفات الاوبل .