ما هى افضل انواع البوجيهات للسيارة اللانوس واسعارها ، وما هو الفرق بين البوجيهات واحد ، واتنين ، وثلاثة شمعة وايهما المناسب للسيارة ؟
عرض للطباعة
ما هى افضل انواع البوجيهات للسيارة اللانوس واسعارها ، وما هو الفرق بين البوجيهات واحد ، واتنين ، وثلاثة شمعة وايهما المناسب للسيارة ؟
افضل بوجيهات هى الNGK
الفرق بين واحد و اتنين و تلاتة و اربعة شمعة هو العمر الافتراضى
MMamdouh
انا جربت njk bpr6es واحد شمعه علي نصيحه الاعضاء هنا تمام
Ngk بلاتينيوم برقم bkr5e او 6e هيشتغلو معاك تمام بس خد بالك انة كل ما الرقم ماقل كل مازادت سخونية البوجية
ادخل موقع ngk وشوف الحاجات اللي بتعلي في الأداء و فيها ارقام البوجيهات المخصصة للنوبيرا واللانوس نفسها علي فكرة
مع احترامي لكلام المهندس ممدوح ووضع في الأعتبار ان البوجيهات متعددة الشمعات افضل من العادية ولكني لا احبذها لأنها بتسسب بتخريب الموبينة
وانا افضل عنها البوجيهات البلاتينيوم او الاريديوم لأنها اعلي كفائة و حملها اقل علي الموبينة من 2 او 3 او 4 شمعة
و لا يهمك انا برضة خبرتي محدودة و بستفيد من المنتدي هنا كتير و عاوز ارد شوية من جمايلة عليا
بص يا سيدي البلاتينيوم بيبقي سنها زي الأبرة وبتدي شرارة قوية مستمرة فيكون حرقها كويس و لكن النوع دة بيكون غالي 100 جنية تقريبا
ال2 او 3 او 4 شمعة بتكون نفس تكنولوجا البوجيهات ال 1 شمعة العادية ولكن بيكون لل سن 2 ارضي او 3 ارضي او ا4 ارضي بحيث يقلل الفاقد المشكلة ان الشرارة هتبقي كدة ضعيفة بسبب الأنتشار وغير مركزة فبتخلي الجهد اعلي علي الموبينة مما يعجل بتلفها
الأنواع دي ارخص من البلاتينيوم ولكنها اغلي من العادية اللي هيا شمعة واحدة
اتمني اني اكون وصلتلك الصورة
طبعا بيفرق و عن تجربتي الشخصية فرق جامد الصراحة البنزين كان بيعمل معايا 160 في الصفيحة بقي بيعمل 180 او 200 في احوال كتير مع العلم ان عربيتي نوبيرا اوتو يعني غول في البنزبن وكنت اخري في السرعة 140 قدرت بيهم اوصل 190 في مرة كدة و185 سرعة ثابتة علي ارض مستوية
انا عن نفسي بطلت جري من زمان و منصحكش بالجري "انا كنت بحكي تجربتي فقط"
تقبل مروري