الموضوع: صور فرح المهاتما(السندباد الطائر)

المشاركة الأصلية كتبت بواسطة معاذ الشرباصى

هو فعلا اسلام معندوش حق خالص, و زودها جامد فى الاكل, بس انهى اسلام فيهم :D

بسم الله الرحمن الرحيم
أكيد مش أنا :D أنت معانا و لا معاهم :D أنا كنت حاسس أنك قاعد قلقان معانا على الترابيزه و واخدلك جنب , قولت فى عقل بالك دولت وحوش و شوية شوية هيقوموا ياكلونى :D :D

المشاركة الأصلية كتبت بواسطة karim_monir

اسلام يا مصري
الصور عندي طبقي وطبقك
نيييييييههههههههههههه
طبقك قبل المدبحة :pوبعد;)

اه يا عم مش عربيتي اللي كانت قاطعة غيار
انا كنت ماشي 100 عشان ماشي على الغيار التالت بس
الرابع كان بعيد مش قادر اروحلة:o
وكنت خايف العربية تسخن عشان في حاجة طابقة على مراوحي:(
وكنت مستعمل مروحة العربية تهوي معايا
الا ما تعرفش احنا وقفنا في وسط السكة نضرب رايب ليه;););)

لوسمحت خلى الطبق مستور :D أنت أخويا و حبيبى :)
ألف سلامة عليها :)

المشاركة الأصلية كتبت بواسطة mido777

لو كان عندى وقت كنت قعدت ضربت سندوتشات من عند جيمى لغاية الصبح ....
المسألة بئت خلاص تعود....

المرة الجاية لما تيجوا حوديكو عند واحد اسمه عبده المعفن - بس عايز ناس يكون قلبها جامد :D

طيب و جيمى ده بيعمل أكل أيه؟!؟ حرام عليك عبده المعفن ليه بس كده يا محمد ده أحنا حبايب من أيام الأسكندرية :) أنا قلبى جامد , ده بيبع أيه بقى؟!؟ طبعا المحل نظيف جدا , فى أى تطعيمات ناخدها قبل مانروح ناكل عنده :D و لا أكتب وصيتى و خلاص :)

إلف مبروك يا هانى وعقبال الذرية الصالحة

الف الف مبروك

الله اكبر الله اكبر الله اكبر
الله اكبر و لله الحمد

انا مش عارف اوصف مشاعري
لا عارف اكلم ولا عارف اكتب

لكن اللي فعلا بجد نفسي اقولوا
ربنا يخليكم ليه

بجد المنتدي هوه الاهل و اكيد الاحباب اللي حضروا فرحي اكتشفوا ده

مش عارف احكي عن اليوم ده لكن اللي اتمنيتوا تحقق
اتمنيت اني ارجع من الحلاق و ما حدش يقولي كنت بتعمل ايه الاقي كريم هوه اللي بيفتح لي الباب و بيلبسني و بينزل معايا من بيتي ايد في ايد
و اتمنيت اني الاقي احبابي و اخواني بيضموني بحبهم و الحمد لله لقيت احبابي حواليه

مش حقول شكرا و مش حقول نردهالكم في الافراح
حقول يارب يجبر بخاطركم و يفرحكم زي ما فرحتوني

مش عايز اقول انا كان احساسي ايه لما شفتكم

احمد جنيدي ° ربنا يبارك فيك يا احمد انا مش عايز اقول لك لما قابلتك صدفه علي البحر كنت حطير من الفرحه و لما كلمتك و جريت علي علشان تنورني انا كنت فرحان قد ايه
اسلام المصري ° اخويا البرنس ابن الناس الكويسين جميل الحفل اللي جه جري علي الصحراوي و سمعت ان كان فيه غرز و حركات جامده
اسلام شاهين ° كان لازم اشوفك يا كبير في الليله دي من غيرك ما كانت فرحتي حتكمل
احمد سومو ° مش حكلم و مش حقول رقص سومو فرحني علي طول
معاز الشرباصي ° دكتور معاز انت عارف غلاوتك عندي و مش حقولك لما شفتك فرحت قد ايه ربنا يبارك فيك يا احلي اخ و ينولك كل اللي تتمناه
محمد الطويل ° ابن المنطقه العتره طبعا مش عايز اقولك انت اخوا العريس و الليله كانت ليلتك يا حبيب
حسن خليل ° انت بقه كنت مفاجاه الحفل مش عايز اقول لك لما شفتك حصل لي ايه عارف لما يكون ربنا راضي عنك و يبعت لك اماره علي كده انت كنت الاماره يا ابو علي
احبائي اعضاء المنتدي ° ربنا يديم المعروف و يكرمكم زي ما كرمتوني بكلماتكم الجميله و مشاعركم النبيله

مش عارف اقول لكم اخواني و احبائي عملوا معايا أيه اليوم ده بس كفايه اقول لكم ان اخواني و احبائي ما سابوني الا عند باب بيتي و كانوا همه الفرح و الفرحه و الاهل و اللمه و الصحبه الحلوه

كريم منير بقه يا جماعه مش حقول غير كلمه واحده ابن امي يا شقيق و هوه عارف هوه عمل ايه اليوم ده و هوه عارف هوه ايه ليه و لعائلتي و بس علشان حبتدي اعيط و انا لسه في الشغل

جزاكم الله كل الخير و جبر بخاطركم زي ما فرحتوني و جبرتوا بخاطري و نتعب لكم في جوازكم و في افراح اولادكم و في حجكم و عمرتكم و في أي حاجه فيها فرح و سعاده