| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 7 من 7

  1. #1

    الصورة الرمزية تامر.محمد

    رقم العضوية : 5118

    تاريخ التسجيل : 01Feb2008

    المشاركات : 11,185

    النوع : ذكر

    الاقامة : Cairo

    السيارة: Megane II 2010

    السيارة[2]: كانت دايو لانوس1 99 - وزة :)

    دراجة بخارية: none

    الحالة : تامر.محمد غير متواجد حالياً

    Thumbs up عن التوقيعات و الفساد و المجلس العسكري - Facebook Twitter whatsapp انشر الموضوع فى :

    hasad">

    شباب العدالة والحرية في اسكندرية بيجمعوا التوقيعات على محاكمة الثلاثي المرح والاشراف القضائي على الامن الوطني
    (شباب العدالة والحرية دول مش اخوان، دول غير حزب العدالة والحرية بتاع الاخوان، هم يساريين)
    وامبارح فيه منهم شباب اتعرضوا لمحاولات اعتداء بس الحمد لله عدت على خير
    وعملوا فيديو جميل
    بس نقوا تسجيل للاغنية ياسمين الخيام كانت ناسية كلمات الاغنية :))

    انا حطيت كل حاجة على جنب المدونة هنا اهو
    <<<<<<<<<<<<<<<<<
    عايزين نخلص بسرعة عشان نتفرغ للبلاغ ضد مبارك واسرته بقى مدام كل حاجة لازم نعملها بإيدنا
    الخبر ده من "مصادر مطلعة" وانا مش عارفة بقى مدى صحته
    وعايزة اعرف ايه سر الغموض ده؟ يعني حتى الصحفيين ما بقوش عارفين يجيبوا اخبار
    وده خبر برضه من مصادر مطلعة بس انا ظني انه جس نبض، لأني عارفة ان المثقفين والسياسيين والنخبة لهم مصلحة في ان الجيش يقعد، وامريكا كمان لها مصلحة في ان الجيش يقعد لحد ما تحضر البديل، وعشان تلحق كمان تخترق بقى كل الاحزاب اللي حتتعمل جديد، ما احنا اخدناها على خوانة
    وانا شخصيا صوت بنعم على الجدول الزمني اللي حطه الجيش، وباطالب الجيش انه يلتزم بالجدول الزمني اللي احنا صوتنا عليه، مش ممكن نصوت بنعم يقوم يتعامل معانا على اننا صوتنا بلا ويقعد برضه

    اصلا مافيش فرق كبير بين لا ونعم ولولا اننا مش فاضيين كنت طلبت تحقيق في مين اللي ورا هلولة نعم ولا، وليه اللي قالوا للناس نعم فهموهم ان لا كارثة وليه اللي قالوا للناس قولوا لا فهموهم ان نعم كارثة.. ليه الكدب والتدليس ده؟
    الاتنين اعلان دستوري، واحد بمواد كنا عارفينها، والتاني بمواد ما نعرفهاش وغالبا كانت حتبقى هي المواد اللي اتعدلت برضه، لأن ما عندهمش وقت يكتبوا اعلان دستوري جديد
    في الحالتين ما يقدروش يرجعوا لدستور 71
    في الحالتين ما يقدروش يكتبوا الدستور الجديد لوحدهم


    وانا اخترت نعم عشان لو اعلان دستوري يبقى اصوت على المواد اللي اعرفها بدل ما يفرضوا عليا مواد ما اعرفهاش، والاهم عشان الجيش كان حاطط جدول زمني، لأن ما كانش حيحصل ابدا ان حد حيعمل جمعية تأسيسية ومجلس رئاسي وكل الخيالات اللي اتصورت في حالة ما صوتنا بلا، كنا برضه حنستنى البرلمان والرئيس عشان يعملوا لنا الدستور الجديد بس المفروض كنا حنقعد مدة اطول


    يبقى ليه بقى يستفتونا في حاجة وبعدين يرجعوا يسمعوا كلام عمرو حمزاوي وضياء رشوان برضه اللي عمالين يقولوا لهم اقعدوا سنتين تلاتة؟ هم بيسألونا احنا ولا بيسألوا عمرو حمزاوي وضياء رشوان؟ وبعدين يحيى الجمل هو اللي معطل الاعلان الدستوري دلوقت، طب يحيى الجمل ايه اللي حشره في حياتنا اساسا؟ اذا كان هو اللي عامل دستور 71 اللي احنا محتاسين فيه ده، واشتغل مع السادات، واشتغل مع مبارك، واشتغل مع شفيق، وكمان مفروض علينا دلوقت في حكومة شرف؟ ويعني ايه نائب رئيس الوزرا؟ ايه اهميته يعني بيعمل ايه غير انه طالع لوحده كده يقول مش عايزين نحاكم مبارك، وعفا الله عما سلف، وعمال يعطل في الدستور ويقول نشيل الالف واللام، هو ايه صفته اساسا؟ ايه شغلته من الاصل؟ بيعمل ايه في حياتنا يعني غير ان زكريا عزمي هو اللي فارضه؟


    اعتقد ان المجلس العسكري محتاج يعرف رأينا عشان كده نزل الخبر ده، وانا شخصيا باقول اني مش موافقة على الكلام ده، انا ما صوتش على نعم عشان برضه الجيش يقعد، والا الاستفتاء ما كانش له لازمة من اساسه، مصروف على الفاضي


    واحنا عايزين من المجلس العسكري انه يوجد الية يعرف بيها راي الشارع المصري بدل ما يقعد يجتمع بالنخب.. النخب دي مش كويسة، ولهم مصالح شخصية ومتعودين على الصفقات، وحملاتهم كلها في الاستفتاء كانت مبنية على المصالح الشخصية، وعشان مصالح شخصية قعدوا يخوفونا من الخيارات اللي تخالف مصالحهم زي سيف الاسلام القذافي ما قعد يخوف الليبيين، اللي حياخد مقاعد في البرلمان قال لو صوتوا بلا حتموتوا بالحصبة، واللي مرشح للرئاسة قعد يقول لو صوتوا بنعم رغيف العيش حيبقى بألف جنيه، كل ده عشان كل واحد فيهم مستعجل على السلطة

    طب احنا كشعب يعني.. الشعب ده اللي لا حيبقى عنده مقعد في البرلمان ولا هو مرشح للرئاسة وهو اللي عمل الثورة، ماحدش بيحاول يسأله ليه؟ حتى الاستفتاء اللي اتسألنا فيه طلعت النتيجتين زي بعض كانوا بيخلونا نلعب ديمقراطية عشان ننبسط

    على الاقل عشان تبقى النصيحة مخلصة يسألوا ناس مالهاش مصالح، ومافيش حد مالوش مصالح غير الشعب.. طب على الاقل اسألوا اللي شارك في الثورة يعني مش اللي كان قاعد طول الثورة بيقترح اقتراحات زي الطين عشان "يحل الازمة" وفضلوا يقولوا على الثورة "الازمة" طول التمنتاشر يوم

    على اي حال المصري اليوم عاملة استطلاع رأي هنا يمكن يكونوا عاملينه عشان يساعدوا المجلس العسكري في استبيان الرأي العام على الاقل على النت

    انا مش حاقول لكم اخترت ايه، عشان هم كتر خيرهم منزلين دستور 54 والدستور الالماني عشان تحملوه وتقروه، كده احسن.. عشان نقرا احنا ونفهم بدل ما الناس لعبت بينا الكورة في الاستفتاء اللي فات وكل واحد فيهم قعد يهوبص وفي الاخر طلع الفريقين اللي كانوا بيروحوا لنعم وللا بيضحكوا علينا والنتيجة هي هي


    --------
    بالنسبة بقى للإعلان الدستوري، هو فين؟ النظر في قضية مبارك حتبقى يوم الثلاثاء الجاي يعني بعد بكرة، ايه؟ مش نخلص بقى؟

    انا حارجع اوضح المطالب اللي الناس عايزاها من الجيش عشان واضح انه اجتمع بناس كتير والدنيا اتكركبت فوق راسه


    1- محاكمة مبارك واسرته
    تجميد ارصدتهم، ومحاكمة مبارك بتهمة الخيانة العظمى لأنه امر الجيش بقتل الشعب، ومحاكمة جمال مبارك بنفس التهمة لأنه امر الحبيب العادلي بقتل الشعب، ومحاكمة سوزان وعلاء بالفساد وتخريب الاقتصاد واهدار المال العام، وسوزان كمان لطشت اثار

    2- محاكمة شلل الاطفال والثلاثي
    عمر سليمان اللي قاعد في بيته يحرك ناس، وبيحرك مثقفين كمان، وهو اللي بيبخ في ودانهم الكلام اللي بيقولوه للمجلس عشان هو موالي لامريكا واسرائيل وعايزين يستعدوا كلهم للقفز على الثورة واختراق المجموعات اللي نشأت عن الثورة، الراجل ده ارتكب جرائم ضد الانسانية، ومتورط في تعذيب ضحايا كانت امريكا بتجيبهم. وهو ده شلل الاطفال.. كفاية انه بيقول: باط هوين.. براذار موسليمهود

    ومحاكمة الثلاثي الشريف وعزمي وسرور، والاسراع بالتحفظ عليهم دلوقت حالا قبل الثانية الجاية لحين محاكمتهم على بلاويهم التي لا تعد ولا تحصى.. ومافيش حاجة اسمها زكريا عزمي بيشتغل في الرئاسة، يترفد ده.. واول ما يترفد مش حنشوف وش يحيى الجمل تاني، واول ما صفوت الشريف يتقبض عليه مش حنشوف المناوي تاني، واول ما فتحي سرور يتقبض عليه مش حنشوف بلطجية تاني
    الرحمة بقى شوية، ده احنا لو جبل كان اتهد


    3- الاشراف القضائي والحقوقي على جهاز الامن الوطني والتحفظ على الضباط المتورطين في قضايا تعذيب وقتل على ذمة التحقيق، ما يبقوش مطلوقين علينا كده يضربوا نار على عربيات الناس.. ولولا انهم محلفيني كنت قلت بيضربوا نار على مين

    4- اصدار الاعلان الدستوري فورا واعلان سقوط دستور 71 ووضع خطة زمنية لاجراء الانتخابات البرلمانية ثم الرئاسية لا تتعدى 6 شهور

    5- تجميد الحزب الوطني - فيه ناس عايزة تحله بس ما يهمنيش يتحل، يهمني ان اعضاء الحزب الوطني ما ينزلوش اول انتخابات برلمانية على الاقل


    6- وترجعوا بالسلامة تحموا لنا البلد زي ما حميتوها طول السنين اللي فاتت وقمتوا بواجبكم على اكمل وجه وعمرنا في حياتنا مهما حصل ما حننسى انكم حافظتم على مصر وعلى شرفكم العسكري وعلى عقيدة الجيش وتصديتوا لضغوط مبارك وعمر سليمان وامريكا واسرائيل بحزم، بس زي ما انتوا كان لكم معارككم طول التلاتين سنة مع النظام، احنا كان لنا معاركنا، انتوا انتصرتوا في معركتكتم، واحنا لسه



    اي حد يقولكم اصلي مش مستعد، اقعدوا معايا ذاكروا لي عشان اخش الامتحان ده صاحب مصلحة... اللي عايز يذاكر يذاكر لوحده، والخايب والله لو جبت له كل الدروس الخصوصية اللي في الكون حيفضل خايب

    عيب قوي لما ناس بقالهم سنين بيشتغلوا بشكل قانوني، وناس تانية عملوا ثورة وعندهم قبول لدى الناس يقولوا انهم خايفين من منافسة جماعة فضلت محظورة 30 سنة وقياداتها - مش حتى عيالها، القيادات نفسهم - بيتقدموا لمحاكمات عسكرية، واتعمل لهم مسلسل طويل عريض عشان يشوه سمعتهم

    اللي يقول لك كده اعرف انه فاشل وخايب ومستني توازنات عالمية تسنده، من الاخر كده، مستني يربط مع امريكا عشان تسانده

    هي كيميا؟
    - اخطار باعلان حزب
    - تحضير قوائم.. ويقدروا يتصلوا بشخصيات عامة من اللي عندهم اخوانوفوبيا وعندهم استعداد انهم يترشحوا عشان الاخوان ما يسيطروش على البرلمان لوحدهم
    - مؤتمرات في المحافظات تتعمل بتلاتة نكلة: صوان، وميكروفون، وكراسي
    الناس عندها استعداد انها تسمع، ومش عايزة حد من اللي كان بيوزع عليها وجبات دلوقت



    ----------
    ملحوظة:
    اه الناس واخدة على خاطرها من المجلس العسكري عشان حاجات كتير
    عشان التباطؤ اللي بقى مزعج فعلا
    وعشان التعامل القاسي مع المتظاهرين والمعتصمين
    وعشان احداث التعذيب في المتحف
    وعشان التكتم وعدم الشفافية

    وابتدا ناس يشككوا، وابتدا ناس صوتهم يعلا، وفيه ناس ابتدت تشتم، وناس بقى عمالة تقول في تحليلات، ههههههه بصراحة بتضحكني

    وبقيت انا الوحيدة اللي لسه باقول ان المجلس العسكري حسن النية ولسه مساند للثورة

    بس لو استمر الوضع على كده حابطل اقول الكلام ده... اكيد عمري ما حاغلط في الجيش، بس مش حاقدر بقى ادافع بلا ادلة

    بس انا باتكلم.. وغيري بيتكلم وبيقول كلام كتير يصل الى حد الشتيمة والتخوين

    والناس بتسمع من ده وبتسمع من ده، لكن مخها هو اللي بيحكم، ومخها بيحكم بالافعال مش بالكلام
    والافعال دي في ايد المجلس العسكري

    هو اللي في ايده، بافعاله، انه يطلعني كدابة ويطلع اللي بيشككوا فيه صادقين، وفي الحالة دي ماحدش حيزعل مني انا... حيقولوا نوارة هابلة طول عمرها، عادي، انا بنيت السمعة دي على مدى سنين وبذلت فيها الغالي والنفيس

    او في ايده يطلعني انا اللي معايا حق، بأفعاله برضه، ويطلع اللي بيخونوه ويشككوا فيه كدابين

    وفي الحالة دي، وانا متعهدة بده بشكل شخصي، الناس حتمسك كل اللي شككوهم في الجيش والمشير والمجلس العسكري يقطعوه بسنانهم ويخلوه ما يسواش تلاتة نكلة ويعلموا عليه طول عمره، وعمرهم ما حيسامحوه على الايام السودا اللي عيشهم فيها

    لأن الناس مش عايزة تشك في المجلس العسكري، مش عايزين، هم عايزيني انا اللي اطلع صح، امل حياتهم ان كلامي يطلع هو اللي صح ويطلع اللي بيشككوهم هم الغلطانين، وحينتقموا من اللي شككوهم انتقام الجبابرة لأنهم عيشوهم في قلق وتوتر طول المدة دي.. انتوا ما تتخيلوش الناس نفسيتها تعبانة قد ايه، وزعلانين ازاي


    الاعلان الدستوري واسقاط دستور 71 ينفع يتعمل النهاردة دلوقت اهو.. وما تسمعوش كلام يحيى الجمل، مش كويس والله
    محاكمة مبارك وشلل الاطفال والثلاثي ينفع يتعملوا في ظرف اسبوع من النهاردة
    الشفافية ينفع تتعمل دلوقت حالا.. وما تقلقوش من تهديداتهم بأنهم حيحرقوا البلد، احنا واقفين جنبكم والله
    كل الحاجات دي حتنقل الناس نقلة نوعية في علاقتها بالجيش وحيرجعوا يتصوروا على الدبابات تاني ويشيلوا العساكر عيالهم وينزلوا فيهم بوس، لأن الناس نفسها، نفسها، نفسها، تستعيد الثقة
    وعمرهم في حياتهم ما حينسوا ابدا الحاجات دي


    دلوقت حتلاقي ناس بتقول: المحليات.. ادارات الجامعات.. ادارات المصانع.. والمطالب بتزيد بتزيد بتزيد، وبتزداد تفصيلية وكل واحد متضايق من جاره يبقى مطلبه شيل جاري من جنبي، بس ده بسبب التأخر في اجابة المطالب الكبيرة الاساسية

    ولو فيه تطاول ده بسبب التعامل بشدة مع المتظاهرين والمعتصمين، الناس ما عملتش ثورة عشان تقولوا لها ننة نام من الساعة اتناشر، يالا، لعبنا كتير واتظاهرنا كتير... ورانا مذاكرة بقى، طب ما تنجزوا لهم اللي هم عايزينه، هم يعني غاويين مرمطة في الشوارع؟



    الست مطالب اللي فوق لو تم انجازهم بأسرع وقت ممكن، الناس حتتعامل مع الجيش، والمجلس العسكري، والمشير طنطاوي على انهم قادة تاني انتصار لمصر بعد انتصار 73 وحيعلقوا صورهم في البيوت ويسموا كل مواليد السنة دي "حسين" على اسم المشير، وأي حد حيحاول يشككهم، او يسيء للمجلس العسكر او المشير بأي وسيلة كانت حيقطعوه ويخلوه عبرة، لأن ساعتها ماحدش حيبقى له مصلحة في الاساءة للمؤسسة العسكرية وقياداتها غير مبارك وشلل الاطفال والثلاثي والناس مش بتصدقهم، بس التأخر في تلبية المطالب المتزامن مع السرعة في قمع الاحتجاجات والانتهاكات اللي لحد دلوقت مافيش حتى اعتراف بيها ناهيك عن التحقيق فيها حيأكد كلام كل الناس اللي عمالة تشكك...


    والتشكك ده مش حلو، ومش بيصب في مصلحة حد، لا بيصب في مصلحة الثورة، ولا بيصب في مصلحة الشعب، ولا بيصب في مصلحة المؤسسة العسكرية... بيصب بس في مصلحة مبارك وفلوله


    هو ايه اهمية ان مبارك قتل السادات دلوقت اللي التلفزيون المصري ما وراهوش غير الرغي فيها وهو قاتل الف شهيد وفيه 4 الاف مفقود؟
    انا خلصت ضميري، وقلت اللي عندي، وبعد كده مش حاقدر اضغط على الناس اللي روحها بقت في مناخيرها واقولهم امسكوا نفسكم وما تهللوش

    كمان واضح جدا جدا جدا.. ان اللي بيشكك الناس في المجلس العسكري، هو هو اللي بيشكك المجلس العسكري في الناس.. بطلوا تشكوا فينا، احنا شعب، ومش عملاء، ومش بنهدد الامن القومي، وبطلوا تبعتوا ناس تتقصى، ما تتقصوا على مبارك

    هو مبارك اللي خاين مش احنا، والشك المتبادل ده وحش وحش وحش
    انا حاقعد اعمل الواجب اللي عليا في ملاحقة الفاسدين وعلى رأسهم مبارك، ومش حاخش بينكم تاني بقى، اصطفلوا مع بعض


    انا مش حاقدر اقعد ادافع عن ناس بتكهرب البني ادمين
    ولا حاقدر اقعد ادافع عن ناس بتتطاول على المؤسسة العسكرية
    انا حاقعد اعمل الواجب واحل المسائل عشان عندي امتحانات



    نوارة نجم

    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

    [sor2]http://imageshack.us/a/img838/2058/8l0n.jpg[/sor2]


  2. #2

    الصورة الرمزية misoalex

    رقم العضوية : 8697

    تاريخ التسجيل : 10Apr2008

    المشاركات : 9,041

    النوع : ذكر

    الاقامة : alex

    السيارة: فيات الجديده

    السيارة[2]: فيات القديمه

    دراجة بخارية: شبرا فيات

    الحالة : misoalex غير متواجد حالياً

    افتراضي -

    حاسس ان هيصه تعديل الدستور غطت على حاجات كتيييييييير وفرقت الناس بدل متجمعهم

    القطه بتاكل اولادها ........ ياترا الدور على مين ؟
    الحمد لله


  3. #3

    الصورة الرمزية تامر.محمد

    رقم العضوية : 5118

    تاريخ التسجيل : 01Feb2008

    المشاركات : 11,185

    النوع : ذكر

    الاقامة : Cairo

    السيارة: Megane II 2010

    السيارة[2]: كانت دايو لانوس1 99 - وزة :)

    دراجة بخارية: none

    الحالة : تامر.محمد غير متواجد حالياً

    افتراضي -

    اقتباس المشاركة الأصلية كتبت بواسطة misoalex مشاهدة المشاركة
    حاسس ان هيصه تعديل الدستور غطت على حاجات كتيييييييير وفرقت الناس بدل متجمعهم
    انا اصلا رأيي ان الاستفتاء ده هو اقوى ضربة تلقتها الثورة لحد دلوقت

    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

    [sor2]http://imageshack.us/a/img838/2058/8l0n.jpg[/sor2]


  4. #4

    الصورة الرمزية thedeveloper87

    رقم العضوية : 40562

    تاريخ التسجيل : 18May2009

    المشاركات : 1,327

    النوع : ذكر

    الاقامة : Egypt

    السيارة: mazda rx8 2006

    السيارة[2]: mazda

    دراجة بخارية: لا يوجد

    الحالة : thedeveloper87 غير متواجد حالياً

    افتراضي -

    اقتباس المشاركة الأصلية كتبت بواسطة tlrsiap مشاهدة المشاركة
    انا اصلا رأيي ان الاستفتاء ده هو اقوى ضربة تلقتها الثورة لحد دلوقت
    زي حوار تزوير الانتخابات وكنيسة القديسين بالظبط



    محمود ريان


  5. #5

    الصورة الرمزية Ghamrawy

    رقم العضوية : 4385

    تاريخ التسجيل : 17Jan2008

    المشاركات : 4,078

    النوع : ذكر

    الاقامة : Alexandria

    السيارة: grande punto T-jet

    السيارة[2]: خلاص بخ

    دراجة بخارية: nope

    الحالة : Ghamrawy غير متواجد حالياً

    افتراضي -

    اه فعلا كلام صح
    و انتظروا سامى عنان رئيسا للجمهورية
    و كل سنة وانتم طيبين و مافيش حاجة حاتحصل لغاية انتهاء مدة الرئاسة للرئيس المخلوع حسنى مبارك


  6. #6

    الصورة الرمزية تامر.محمد

    رقم العضوية : 5118

    تاريخ التسجيل : 01Feb2008

    المشاركات : 11,185

    النوع : ذكر

    الاقامة : Cairo

    السيارة: Megane II 2010

    السيارة[2]: كانت دايو لانوس1 99 - وزة :)

    دراجة بخارية: none

    الحالة : تامر.محمد غير متواجد حالياً

    افتراضي -

    اقتباس المشاركة الأصلية كتبت بواسطة thedeveloper87 مشاهدة المشاركة
    زي حوار تزوير الانتخابات وكنيسة القديسين بالظبط
    مش فاهم اوي
    أفصح يا رجل
    :s

    اقتباس المشاركة الأصلية كتبت بواسطة ghamrawy مشاهدة المشاركة
    اه فعلا كلام صح
    و انتظروا سامى عنان رئيسا للجمهورية
    و كل سنة وانتم طيبين و مافيش حاجة حاتحصل لغاية انتهاء مدة الرئاسة للرئيس المخلوع حسنى مبارك
    يا ريت تفصل اكتر يا استاذ غمراوي
    هل تقصد ان المجلس العسكري هايقفز على الحكم و مش هايسلمه لمدنيين ؟
    ولا تقصد ان سامي عنان هايرشح نفسه عادي و الناس هاتنتخبه
    ولا ايه ؟

    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

    [sor2]http://imageshack.us/a/img838/2058/8l0n.jpg[/sor2]


  7. #7

    الصورة الرمزية Ghamrawy

    رقم العضوية : 4385

    تاريخ التسجيل : 17Jan2008

    المشاركات : 4,078

    النوع : ذكر

    الاقامة : Alexandria

    السيارة: grande punto T-jet

    السيارة[2]: خلاص بخ

    دراجة بخارية: nope

    الحالة : Ghamrawy غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة tlrsiap مشاهدة المشاركة
    يا ريت تفصل اكتر يا استاذ غمراوي
    هل تقصد ان المجلس العسكري هايقفز على الحكم و مش هايسلمه لمدنيين ؟
    ولا تقصد ان سامي عنان هايرشح نفسه عادي و الناس هاتنتخبه
    ولا ايه ؟
    سامى عنان هايرشح نفسه للرئاسة والناس حاتنتخبه و خصوصا فى ظل الوضع الحالى
    اخوان فى تناقض
    برادعى و شعبية تنهار
    عمرو موسى و شعبية تكاد تكون انهارت بالكامل



 

المواضيع المتشابهه

  1. عفو عام عن المجلس العسكري
    بواسطة yousef1978 في المنتدى المنتــــــدى الاجتمــاعى
    مشاركات: 16
    آخر مشاركة: 13-07-2011, 03:53 AM
  2. المجلس العسكري
    بواسطة ahmed_mido1889 في المنتدى المنتــــــدى الاجتمــاعى
    مشاركات: 4
    آخر مشاركة: 28-03-2011, 01:31 AM
  3. نشطاء يجمعون التوقيعات للقبض على رؤوس الفساد و المراقبة القضائية على الامن الوطني
    بواسطة تامر.محمد في المنتدى المنتــــــدى الاجتمــاعى
    مشاركات: 7
    آخر مشاركة: 26-03-2011, 06:16 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2