الموضوع: تقرير مبدئي عن استلام نيسان صني اوتوماتيك مع abs

الف مبروك على العربية
وربنا يديك خيرها ويكفيك شرها

ربنا يبارك في حضراتكم جميعا .....

شكرا على الروح الحلوة دي و الله ....

أ احمد .... ياااااا أ احمد

انا عارف انك زعلان والله ..... لكن و الله كان نفسي بجد اجي و اتعرف على الناس الرائعة بتوع النيسان ( الماركات التانية ما تزعلش - كلكم حبايبي)

لكن و الله ظروف خارجة عن ارادتي ... و الحمد لله على كل حال ..... صدقني ان شاء الله باذن الله قريب جدا نتقابل انا وانت و الاحباب كلهم ...

و مفيش اعذار

3- من الداخل .

ماشاء الله التقفيل محترم ... و الخامات جميلة جدا ...

و الكراسي الامامية مريحة جدا و قابلة للتعديل على اي وضع ...

و الكراسي الخلفية ( بالنسبة لي ) واسعة جدا جدا .. لاني مش من النوع اللي يحب يرجع بالكرسي الامامي للاخر ... يعني في المعقول ... قاعد مرتاح و بس ...

الشنطة ما شاء الله ..... واسعة و تشيل جمل

العزل في المقصورة .... جميل جدا .... لما تقفل الشباك طبعا .....

لكن و انت فاتح بيبقى الصوت شلال من الهوا

الراديو ... جميل جدا و اشارته رائعة في الموجه mw جاب معظم المحطات

على الاف ام ... عندنا اساسا ضعيفة حبتين ما جابش 3 محطات على بعض

4- العزم و التسارع :

باختصار و علشان ما افتيش ...

اي نعم تقيلة حبة صغييييرة في التسارع بتاعها ...

بس دا ما يسببش اي مشكلة في القيادة اللي زي حالاتي ...

( يعني لما جبت النهاردة 120 كم/الساعة قلت انا كده بانتحر )

5- ابعاد السيارة :

اي سيارة محتاجة تعود على ابعادها ... و بالنسبة للصني لازم ناخد بالنا انها اعرض شوية و اطول شويتين من العربيات التانية . لكن دا مدي مساحة كبيرة جوا العربية

هيا لونها فضي

و عندي سؤال ....

انا اتصلت بمركز مودرن الهايكستب علشان احجز يوم السبت لصيانة 1000 كم

قالو ان يوم السبت مفيش حجز .... كله محجوز ... لكن قالو لي ممكن تيجي على الساعة 9 تاخد رقم و دورك عادي ...

ايه مدى صحة الكلام ده .... و تنصحوني بايه ... لاني خلاص عامل 933 كم ... و مش هافضى الا يوم السبت ان شاء الله

المشاركة الأصلية كتبت بواسطة mohamednagib

1- استهلاك البنزين :

عند الاستلام 47 كم ... تم التفويل بنزين 92 ... 44 لتر ....

تم التفويل مرة اخرى و العداد ( 427 كم )

هذا يعني :

المسافة المقطوعة = 427 - 47 = 380 كم
تم التفويل 28.6 لتر ...

هذا يعني ان الاستهلاك :

380/28.6*20= 265 لتر/الصفيحة

ملاحظات ( قيادة هادئة حد اقصى 90 كم/الساعة - كلها طرق مفتوحة الاسماعيلية الصحراوي و طريق التل الكبير )

* التفويلة الثانية :

عداد الكيلومترات ( 657 )

المسافة المقطوعة = 657-427=230
تم التفويل 18.39 لتر

هذا يعني ان الاستهلاك 230/18.39*20=250 كم/الصفيحة
ملاحظات ( قيادة عادية - سرعة من 85 الى 100 او 110 )

* التفويلة الثالثة :

عداد الكيلو مترات ( 923 )

المسافة المقطوعة = 923-657=266 كم
تم التفويل 21.31 لتر

هذا يعني ان الاستهلاك 21.31/266*20=249.65 كم/الصفيحة
ملاحظات ( قيادة عادية من 90 الى 110 او 115 و التكييف اشتغل حوالي 30 كم )

المشاركة الأصلية كتبت بواسطة harizy

ياباشا ربنا يبارك فيها حاجة هايلة جداً، وإن شاء الله استهلاك البنزين يتحسن عن كده بزيادة الاستعمال؛ أنا معايا سوبر صالون 2010 واستهلاك البنزين تقريباً 13 كيلو للتر داخل المدينة وحوالى 15.5 كيلو على طريق السفر، ففعلاً استهلاك البنزين مش وحش بالنسبة لسيارة 1600 cc، ومرة أخرى مبروك

ربنا يبارك لك في عربيتك و يبارك لي في عربيتي و يبارك للنيسانوية كلهم في عربياتهم ..... يارب