محدش لية .. عاوز يرد على ثبات السيتى 1300 بعد ال 120

**hanyathlon** · 13-04-2008 01:03 AM

كل ما بسأل حد على ثبات السيتى بعد سرعة ال 120 كيلو . على طريق سفر محدش يرد.. عاوز اعرف الثبات على طرق السفر بعد ال120 مش فلا البلد اقصد فى السفر :p
عشان طريق السفر بتبان فى الثبات و خصوصا على طريق العين السخنة بمعنى لما بيبقى فى شوية هوا و العربية بتجرى على 120 بتعوم او على 140 او اكتر بيبقى نزام الثبات اية
ياريت لو حد عندو تجربة مع ثبات العربية فى طرق السفر يقولى
مع العلم انى انا كان معايا رينو كليو 1200 و انتو عرفين ثبات الكليو اية
ياريت حد يقولنا عشان مهم حد يفدنا عن الثبات فى السرعات ما بعد ال120 و لا العربية بتبقى خفيفة كمان على ال 120 دى تبقى مصيبة
ياريت من كل ملاك الهوندا سيتى يقولولنا لان العربية طالع عليها سمعة ان الثباات سىء سىء سىء
فى ما بعد ال 110 .. و لو حد عندو تجربة السفر و السرعة و الثبات حد يقولنا
انا هحجز هوندا 2008 انشاء اللة و كلامكم هو اللى هيحدد انشاء اللة
و هل هحس بفرق بينها و بين الكليو اللى كانت معايا .

مستنى ردودكم يا احلى منتدى و احلى ناس فى مصر :] :]

**mshamy** · 17-04-2008 09:24 AM

بص يا سيدي واحد زميل لينا في الشغل العربيه دي قلبت بيه و هو داخل ملف بسرعة 120 في الغردقة و اعتقد من اسم العربية دي "City" انها مصممة للمدن بشكل رئيسي و لو حتسافر بيها يبقى تاخد باللك في مناطق زي منحنيات العين السخنة و ما تجريش اكتر من 80 -90ك/س

**hanyathlon** · 17-04-2008 02:02 PM

لا لا لالا انت بتتكلم بجد ... مفتكرش قمال بيقولولى لية 160 مرتاحين و الكلام دة

**ahmediz2000** · 17-04-2008 02:22 PM

انا الحمد لله استلمت الهوندا بتاعتى (سيتى 1300) من اسبوع تقريب والحمد لله عربية ممتازة
ان شاء الله افتح موضوع جديد فى المنتدى واكتب عن انطباعى عن العربية

انا جربتها وانا مسافراسكندرية وانا راجع قلت اشد بيها اشوف هتجيب كام .. العربية جبت بيها 180 والله العظيم . بالنسبة للثبات العربية لغاية 140 ثباتهاا جيد بعد كده الثبات بيخف كلما زادت السرعة بيبقى لازم تمسك الدريكسيون كويس .. بس ممكن تتعالج بجنوط اكبر (جنوط 15 مثلا) زى مشكلة الفيرنا بيعالجوا مشكلة الثبات فيها بالجنوط.
وانا مختلف تمام مع الاستاذ mshamy فى انها قلبت فى منحنى بسرعة 120 ..ده اكيد كان عيب من اللى سايق لان ثبات العربية على السرعة دى حلو جدا ... وازاى ما يجريش بيها اكثر من 80-90 ,, هو راكب 127 ولا ايه ؟؟؟ :) العربية وزنها فاضية من غير الموتور 1080 زيها زى الانسر البومة 1085

العربية اسمها سيتى علشان هى مصممة انها تبقى مريحة جدا فى السواقة جوه البلد الباور بتاعها ناعم جدا وموفرة جدا فى البنزين ...

**mohameduoser** · 17-04-2008 02:41 PM

المشاركة الأصلية كتبت بواسطة mshamy

بص يا سيدي واحد زميل لينا في الشغل العربيه دي قلبت بيه و هو داخل ملف بسرعة 120 في الغردقة و اعتقد من اسم العربية دي "City" انها مصممة للمدن بشكل رئيسي و لو حتسافر بيها يبقى تاخد باللك في مناطق زي منحنيات العين السخنة و ما تجريش اكتر من 80 -90ك/س

هى فعلا ثباتها مش حلو اوى بعد 120 و 130 حسب الطريق

**mshamy** · 17-04-2008 02:44 PM

طبعا أهل مكة ادرى بشعابها زي ما بيقول المثل
انا لقيت محدش رد على الراجل فقلت انقل له تجربة زميل في العمل زي ما وضحت قبل كده
انا شخصيا عجباني جدا ركوبة السيتي بس تصميمها "الأيرودينامك" مش بيساعد فعلا في المنحينيات على سرعات عالية غير كده هي في الأخر "هوندا" ;)

المشاركة الأصلية كتبت بواسطة ahmediz2000

انا الحمد لله استلمت الهوندا بتاعتى (سيتى 1300) من اسبوع تقريب والحمد لله عربية ممتازة
ان شاء الله افتح موضوع جديد فى المنتدى واكتب عن انطباعى عن العربية

انا جربتها وانا مسافراسكندرية وانا راجع قلت اشد بيها اشوف هتجيب كام .. العربية جبت بيها 180 والله العظيم . بالنسبة للثبات العربية لغاية 140 ثباتهاا جيد بعد كده الثبات بيخف كلما زادت السرعة بيبقى لازم تمسك الدريكسيون كويس .. بس ممكن تتعالج بجنوط اكبر (جنوط 15 مثلا) زى مشكلة الفيرنا بيعالجوا مشكلة الثبات فيها بالجنوط.
وانا مختلف تمام مع الاستاذ mshamy فى انها قلبت فى منحنى بسرعة 120 ..ده اكيد كان عيب من اللى سايق لان ثبات العربية على السرعة دى حلو جدا ... وازاى ما يجريش بيها اكثر من 80-90 ,, هو راكب 127 ولا ايه ؟؟؟ :) العربية وزنها فاضية من غير الموتور 1080 زيها زى الانسر البومة 1085

العربية اسمها سيتى علشان هى مصممة انها تبقى مريحة جدا فى السواقة جوه البلد الباور بتاعها ناعم جدا وموفرة جدا فى البنزين ...

**جندى مجند** · 17-04-2008 04:23 PM

أنا معنديش فكرة عن ثبات السيتى الـ1300 بصراحة عامل ازاى لكن بالنسبة للـ 1500 اللى معايا فثباتها محترم فعلاً سواء على منحنيات بسرعات عالية أو عند الفرملة الشديدة من سرعات عالية (مفيش أى انحراف أو عومان اطلاقاً) و عن عدة تجارب على مدار سنتين هى عمر العربية دى معايا ... فى طريق فى اسكندرية اسمه محور التعمير هو يعتبر شبه high way بدون تقاطعات فى معظم أجزاؤه بس فيه بعض المنحنيات الحادة و ساعات بآخد المنحنيات دى على 150 و بأحس انى ممكن أزود السرعة عن كدة و العربية بتبقى متبتة فى الأرض ...

على كل حال لو حضرتك عايز تبقى مطمئن تماماً يبقى غير الجنوط و الكاوتش العادة اللى فى الـ 1300 لما تستلمها و ركب جنوط 15 و كاوتش زى اللى بييجى فى السيتى الـ 1500 (بريدجستون بوتنزا 180/55R15) و دة كاوتش غالى و مزعج شوية لكن ممتاز فى الثبات.

**mido_smsm** · 18-04-2008 12:55 AM

ع فكره وزن اللانسر البوما السبورت اديشن 1220 فى الكتاالوج انما اللى حضرتك بتقول عليه دا ممكن ال 1300 سى سى .......الله اعلم؟
انما السيتى مع واحد صاحبى والصراحه فرق فظيع فى الثبات بينها وبين اللانسر بتاعاتى وهيا 1500 سى سى انما سحبها رهيييييييييييب ولكن على الملفات بسرعه كبيره اكبر غلط

**Noha.M** · 18-04-2008 12:59 AM

لا لا ثباتها مش حلو خااااااااااااالص عن تجربة بجد بس انا مكنتش بجرى الصراحة

و اخويا حتى معاه اليومين دول السيتي بتاعتى هى عجباه و كل حاجة بس بيحس انه

مقلق و هو سايق رايح الشغل

العربية عالية اوى و خفيفية اوى و دة برضه مأثر على ثباتها

**hanyathlon** · 18-04-2008 01:48 AM

شكرا على ردودكم ... دلوقتى كل و احد وجاى بيقولى مرة انها حلووة و مش حلوة
هى للدرجاتى عاملة زى المرجيحة انا كان معايا رينو كليو وثباتها تحفة لاغيت ال 150
تبقى دى تقولولى انها لغايت ال130 او 120 و كويسة
دى تبقى فضيحة للهوندا
طيب ثبات الاوبترا احسن و لا الهوندا ولا الرينو انا اتجننت يا ناس :(