محتاج مساعدة ضرورى جدا

**yasserelsayad** · 27-03-2011 07:16 PM

انا هحكيلكم الحكاية بأختصار
بنت عمى من يوم الخميس كانت فى الشارع فى منطقة امبابة وخبطتها عربية ميكروباص وخادتها عشان توديها المستشفى والكلام دا طبعا بناء على كلام واحد لقى حاجتها فى الشارع وكلم اخر رقم كان على الموبيل بتاعها .. المهم الراجل دا جيه ساب حاجتها فى محل من عندنا واختفى ومهما نحاول نقنعه يجى عشان نفهم منه او يقول اقواله مش راضى وكمان الشركة بتقول ان بيانات الرقم بتاعه مش مسجلة.

المهم دلوقتى ان احنا بندور فى مصر كلها عليها ومش لقينها وشوفنا فى كل المستشفيات حتى لما الدنيا داقت بينا رحنا مشرحة زنهم و قلنالهم مواصفاتها بس مفيش حاجة جتلهم ورحنا كل المواقف والجراجات بتاعت العربيات ومفيش باردوا حاجة وللاسف ناس اتعلقت كتير منهم بس باردوا مفيش حد عارف حاجة والقسم يا جماعة خلاص مات بيبقى خايف ينزل يجيب حد احنا اللى بنتصرف للاسف وبقالنا كام يوم بندور بس مش عارفين نوصل لاى حاجة للاسف حتى مفيش اى خيط عارفين نوصله.

دلوقتى احنا مش معانا غير رقم الراجل اللى قلت عليه وكنت عايز اعرف هل ممكن اعرف مكانه من رقم الموبيل يعنى حاجة زى تتبع مثلا ؟؟؟

**Ayman-Ahmed** · 27-03-2011 07:27 PM

لا حول ولا قوة الا بالله.

طيب الراجل مقالش اتخبطت فين بالظبط فى امبابة ولو تقدروا توصلوا للمكان ده.تحاولوا تسالوا المحلات-حد من البيوت اللى على الشارع,يمكن حد شاف او سمع حاجة.

لو تقدروا تعملوا اعلان مع صورتها ومواصفات الحادثة ومكافئة.و تعلقوا الاعلان فى المنطقة اللى حصل فيها الحادثة.

ولو قدرت افكر فى حاجة تانى ممكن تساعد هضيفها.

**yasserelsayad** · 27-03-2011 07:31 PM

المشاركة الأصلية كتبت بواسطة ghazy12

لا حول و لا قوة إلا بالله

المفروض التتبع يا ياسر بيتم عن طريق طلب من المباحث لشركة المحمول
بعد ما تعمل محضر, و دلوقتي مافيش لا قسم ولا مباحث, يبقى لازم
الشركه تتصرف و تعمله تتبع هي بنفسها لان الموقف خطير...

و هل الراجل نفسه ماخدش رقم الميكروباص ده؟؟؟ او اي حاجه مميزه فيه؟؟؟

الميكروباصات ليهم موقف معروف, ممكن تنزل الموقف و تسأل او تدور
على الميكروباص او على اوصافه و هما هناك عارفين بعض كويس
بس اعرف عو ميكروباص فولكس, ولا تويوتا؟؟؟ و هنعرف الموقف ان شاء الله

ربنا يصبركوا و ان شاء الله تلاقوها و تكون كويسه...

يا غازى باشا والله احنا قلبين الدنيا والناس بتوع المواقف بيقولوا مش عارفين حاجة وفى ناس منهم معانا وعندنا لو فاهم قصدى طبعا بس للاسف الراجل بيقول انه ميكروباص gm14 لونه ابيض ومن غير شبكة من فوق ودا طبعا شكل 70% من النوع دا.

دا حتى منى الشاذلى انهارده او بكره بالكتير هتعمل تقرير مصور عن الموضوع دا وكمان نازل صورتها واوصافها فى المصرى اليوم.

انا نازل دلوقتى هرحلهم اشوف الدنيا وصلت لفين ويارب نقدر نوصل لاى حاجة

**yasserelsayad** · 27-03-2011 07:39 PM

المشاركة الأصلية كتبت بواسطة emo_ayman

لا حول ولا قوة الا بالله.

طيب الراجل مقالش اتخبطت فين بالظبط فى امبابة ولو تقدروا توصلوا للمكان ده.تحاولوا تسالوا المحلات-حد من البيوت اللى على الشارع,يمكن حد شاف او سمع حاجة.

لو تقدروا تعملوا اعلان مع صورتها ومواصفات الحادثة ومكافئة.و تعلقوا الاعلان فى المنطقة اللى حصل فيها الحادثة.

ولو قدرت افكر فى حاجة تانى ممكن تساعد هضيفها.

الرجل قال عند حتة اسمها النفق فى امبابة وحنا سألنا الناس كلها هناك وفى كمين تقريبا ثابت هناك.
وفى متفقين مع الناس بتوع المواقف ان اى معلومة صح يجبها ليه عليها مكافئة

**Qmax** · 27-03-2011 08:05 PM

ممكن يكون بيضلك
الشركه تقدر تتعرف على صاحب الرقم لو مش متسجل ممكن يعرفوا عن طريق إتصالاته الصادره والوارده أكيد بيكلم ناس متسجلين وعن طريق الناس دي تقدر توصله بس ده شغل الجهات المختصه
وبرضوا لو هو اشترى الخط ده بدون بيانات عشان يكلمك منه ومتعرفش توصله أكيد هايكون بيستعمل نفس الموبايل على خط تاني يكون متسجل وبكده برضوا يقدروا يوصلوا للشخص

**hussein** · 27-03-2011 08:09 PM

طب كلموه تانى اعرفو الخبطة جامدة ولا لاء و ايه اللى حصلها واسألو الناس اللى هناك اللى شافوالحادثة هى حالتها اية بالظبط
هى كام سنة؟؟
لو شابه و اصابتها بسيطة ممكن تكون محتجزة عند الحيوان اللى خبطها
لو اصابه جامدة سواء طفلةاو شابة ممكن لا قدر الله يكون حصل حاجة ورمها فى اى حتة و هرب على بلده
لو طفلة و اصابة بسيطة فى الغالب كانت زمانها رجعت
انا بحاول احلل معاك ايه اللى ممكن يكون حصل علشان ممكن يفيدكو فى توجيه البحث فى اتجاه معين
ربنا يرجعها بالسلامة و يحفظنا جميعا

**hussein** · 27-03-2011 08:12 PM

المشاركة الأصلية كتبت بواسطة qmax

ممكن يكون بيضلك
الشركه تقدر تتعرف على صاحب الرقم لو مش متسجل ممكن يعرفوا عن طريق إتصالاته الصادره والوارده أكيد بيكلم ناس متسجلين وعن طريق الناس دي تقدر توصله بس ده شغل الجهات المختصه
وبرضوا لو هو اشترى الخط ده بدون بيانات عشان يكلمك منه ومتعرفش توصله أكيد هايكون بيستعمل نفس الموبايل على خط تاني يكون متسجل وبكده برضوا يقدروا يوصلوا للشخص

كلام معقول جدا لنت ممكن تعمل محضر وتطلع على شركة المحمول تقابل حد مسئول هناك و تديله المحضر و تقوله دى خدمة انسانية و هو يجبلك بياناته او بيانات الناس اللى بيكلمها

-

-

-

الموضوع: محتاج مساعدة ضرورى جدا

LinkBack

أدوات الموضوع

عرض

محتاج مساعدة ضرورى جدا - انشر الموضوع فى :

-

-

-

المواضيع المتشابهه

محتاج مساعدة ضرورى

محتاج مساعدة ضرورى

محتاج مساعدة ضرورى

انا محتاج مساعدة ضرورى

محتاج مساعدة ضرورى

الكلمات الدلالية لهذا الموضوع

المفضلات

المفضلات

ضوابط المشاركة