دوله مدنيه وليبراليه يعني إيه

**Qmax** · 27-03-2011 09:39 PM

المشاركة الأصلية كتبت بواسطة ahmedbatoos

نسيت اضيف . . ان الفاظ الشيخ واسلوبة سئ للغاية في هذا الفيديو في حديثة عن عالم مثل احمد زويل . . عموما الشيخ شومان ليس اول مرة يكون اسلوبة والفاظة ليست جيدة اول مرة اغلقت قناة الرحمة من قبل فرنسا كانت بسببة و هناك مأخذ علية بسبب عدم مراعاتة للألفاظ . . هذا بخلاف ما قلتة بردي السابقة وان 90% من كلامة صحيح ولا مشكلة علية

شكرا

ده راجل داعيه حضرتك شايف إن نسبة 90% صح يا ترى تصنيفهم إيه في السياسه ولا في الدين عشان خطابه سياسي ديني

**Ahmed Anwer** · 27-03-2011 09:40 PM

ذكرتموني بكلام الشيخ الغزالي رحمه الله

"ان الاسلام قضيه عادلة لكنها وقعت في أيدي محامين فاشلين"

**AshTurbo** · 27-03-2011 09:55 PM

ده نموذج للشحن والأستخدام السيء للدين في خدمة الأغراض الشخصية والسياسية ... كذب وأفتراء وتدليس وتهكم بحق وبدون حق هم دول اللي مش عاوزينهم يمسكوا البلد هم دول دعاة الفتنة والضلال .

بصراحة أول الفيديو هلكني من الضحك :
نزل زويل يقولهم دولة مدنية .. مدنية يعني أيه .... يعني أمك تنزل متلبسش حجاب .. ليه ؟؟ ... أمي أنا ؟

**itsonlyme** · 27-03-2011 10:07 PM

المشاركة الأصلية كتبت بواسطة otefa

وعجبني شرحه المبسط للنظام الأمريكي ولا شرحه مش مظبوط؟

أحب أقول لحضرتك ان كلامه عن النظام الأمريكي مش مظبوط تماماً.

الكونجرس مش بيختار مرشحين ولا بيوافق على مرشحين معروضين عليه.

**ahmedbatoos** · 27-03-2011 10:12 PM

المشاركة الأصلية كتبت بواسطة qmax

ده راجل داعيه حضرتك شايف إن نسبة 90% صح يا ترى تصنيفهم إيه في السياسه ولا في الدين عشان خطابه سياسي ديني

يعني اية خطابة سياسي ديني !!! هو عالم دين مسلم ولة كل الحرية يبدي رئية في اي شئ اخر ومنة السياسة . . .
يعني هما مثلا الي بيطلعوا يسبوا ويخطأ في الاسلام ورموز الاسلام في الاعلام والجرايد لدرجة ان واحد جاهل كاذب زي خالد منتصر لا يذكر البخاري رضي الله عنة الا ويتطاول ويقول صحيح البخاري هو بقرة المسلمين المقدسة !!

لماذا لم اجدتك وقتها يعني او ممن ينشرون هذة الاشياء بشراهه الان يتهكمون علية وعلي تطوالة او علي سبب تحدثة عن الدين اساسا . . . ومثلةكثير

في النهاية تصيد بعض الاخطاء لعلماء مسلمين هو ببساطة اقوي دليل علي مدي ثقة وصورة عالم الدين المسلم في ذهن المسلمين انة لا يخطأ ولا يخون ولا يكذب واسلوبة لا يعلي علية . . فعند اي خطأ بسيط او حتي كبير وفردي الامر بياخد اكبر من حجمة

ومقارنة دة مثلا بلناس التانية زي مثلا يحي الجمل . . او خالد منتصر او غيرة الناس بتعدي لأنها متوقعة ابتدائا ان دية اخلاق النوعية دية من البشر ومتوقعة منهم دة واكتر

عشان كدة الاخطاء الي بتصدر من علماء دين مسلمين بشكل فردي بتظهر بشكل مضخم فية للغاية . . وطبعا لا ننسي دور الحشد الاعلامي النفسي استباقا

**د.أحمد السعيد** · 27-03-2011 10:50 PM

بارك الله فى د حازم شومان و يا ريت نعرف مين اللى حريص على الدين و مين بيعاديه!!
و ان كان لى مأخذ عليه فى امر زوج بنت الدكتور البرادعى و الذى اكد بنفسه ان زوج بنته اعلن اسلامة فى السفارة و السفير المصرى شاهد على ذلك و لعل الفيديو مسجل قبل اعلان البرادعى ذلك و الله اعلم

**hookyelyak** · 27-03-2011 11:03 PM

كلامه ملىء بالأخطاء

**otefa** · 27-03-2011 11:19 PM

http://www.nilemotors.net/Nile/209617-a.html

**AshTurbo** · 28-03-2011 12:56 AM

معلش يا جماعة الخير بالراحة كدة نفكر ونسأل نفسنا سؤال ليه في عدد معروف من الشيوخ غلطوا في التوقيت نفسه ؟

- شيخ يقولك غزوة الصناديق ومبروك علينا البلد بلدنا واللي مش عاجبه يمشي ودلوقتي عرفوا حجمهم وغيره من الكلام السيء .

- وشيخ تاني يقولك بنت البرادعي المتزوجة من نصراني كافر وهي ليبرالية غير أسلامية يعني من الآخر كفر البنت .

- شيوخ تانيين يقولك قولوا نعم واللي مش هيقول نعم يبقى ضال ومضل وأن من قال لا ناقص دين .

جاوبولي بقى على الأسئلة التالية :

ماهو حكم الدين في مسألة تحقير وأزدراء المسلم لأخيه المسلم ؟

ماهو حكم الدين في تكفير المسلم للمسلم ؟

ماهو حكم الدين في تحريض المسلم على أخيه المسلم ؟