اكتر موقف مضحك حصل معاك من ولادك

**د.أحمد السعيد** · 27-03-2011 10:24 PM

بسم الله الرحمن الرحيم

بالتاكيد كل واحدعنده أطفال تعرض لأكثر من موقف يفطس من الضحك من تصرف الطفل و خصوصا فى مرحلة من سنه الى سنتين

فيا ريت كل واحد يشارك بموقف فعلى حصل من أحد أطفاله مقدرش يمسك نفسه من الضحك .

فعن نفسى هبدأ بمريم بنتى( اللى فىالصورة ) و هى سنه و شهرين بتحب تطلع تقعد فى الحوض و تجيب فرش الاسنان و تحاول تقلدنا و فى مرة فتحت على نفسها الحنفية و قعدت تصرخ من الصدمة !! و الكلام دا فى عز البرد ...

يللا الكل يشارك

**نور القمر** · 27-03-2011 10:50 PM

طيب بمناسبة الحوض فكرتني بموقف لاحمد ابني الكبير
مرتين تلاتة الاقيه قاعد في الحوض كان في نفس سن بنتك تقريبا
محمد بقى .. كنت ساكنه في الدور 8 ولقيت البواب طالع لي بيقولي ابنك بيرمي حاجات
ونزلت انا واحمد نجيب الحاجة لقيته محول الشقة كلها
كل الاحذية في الشارع بقينا نجيبها من تحت العربيات وكل المجلات وكل اللعب اتدشدشت طبعا
وبقينا طالعين بالحاجة في الاسانسير وكل الجيران بيتفرجوا علينا وانا مكسوفة من المنظر
سفندي حكاويه ماليه الاجتماعي كفاية عليه كدة
الانسة يارا كنت بأكلها بسكويت بالمية وعندنا واحدة قريبتي معجبة بيها اوي وقاعة تلاعبها راحت البنت نافخة كل الاكل في وشها وعلى هدومها وبهدلتها ههههههههههه انا ممسكتش نفسي من الضحك
شوية وراحت تلاعبها تاني وكلاكيت تاني مرة
ثالث مرة بقى قلت لها انتي لسه محرمتيش

**abogogo** · 27-03-2011 11:06 PM

بنتي جنة كان عندها اربع سنوات ونصف وكنا في الهرم .. شافت مجموعة اجانب بيضحكوا قالت لي بص يابابا دول الاجانب بيضحكو ا زينا ...!!! قالتلها ياجنة الضحك كل الناس بتضحك زي بعض وتعيط زي بعض بس الاختلاف في الكلام في ناس بتتكلم عربي وفي ناس بتتكلم انجليزي وفي ناس بتتكلم فرنساوي راحت مكمله .... اه وفي ناس بتتكلم حسابي ....!!!!

**د.أحمد السعيد** · 27-03-2011 11:25 PM

آلاء بنتى الكبيرة 4 سنوات مش بتحب الكفته خالص و بقعد اتحايل عليها كتير علشاتن تأكلها و طبعا كل اصحابى عارفين الموضوع دا
و فى مرة كنا معزومين فى نادى بره و اول لما شافت طبق الاكل و لمحت الكفته فيه بسرعة قالت لى هاتلى كفته يا بابا اصل انا بحب الكفته ...........!! لا تعليق قال ايه بقى بتحب الكفته

و رجعت آلاء لطبيعتها المعهودة و على دا الحال بعدها محطتهاش فى بقها الا يوم كان النور قاطع و اضطرينا نتغدى فى نور كشاف الطوارىء و كلت يوميها !!

**gebreel** · 27-03-2011 11:36 PM

حاليا مش فاكر حاجة (بنت اختي جنة) غير انها ممرمطاني =)

**ramy87** · 27-03-2011 11:49 PM

المشاركة الأصلية كتبت بواسطة abogogo

بنتي جنة كان عندها اربع سنوات ونصف وكنا في الهرم .. شافت مجموعة اجانب بيضحكوا قالت لي بص يابابا دول الاجانب بيضحكو ا زينا ...!!!

قالتلها ياجنة الضحك كل الناس بتضحك زي بعض وتعيط زي بعض بس الاختلاف في الكلام في ناس بتتكلم عربي وفي ناس بتتكلم انجليزي وفي ناس بتتكلم فرنساوي راحت مكمله .... اه وفي ناس بتتكلم حسابي ....!!!!

ههههههههههههههههههههههههه
ما شاء الله لا قوة إلا بالله عـــــــــــســـل أوي
ربنا يحفظهالك و يرزقني بالذرية الصالحة

**shaddadfalcon1** · 27-03-2011 11:50 PM

محمد ابني لما علمناله الطهاره وكنت مش موجود وكانت اخت مراتي مع مراتي في الشقه وكانت شايلاه وهو يادوب عنده 3 اسابيع وقالت لمراتي نامي شويه وانا هشيله وبعدين محمد ابتدي يعمل حمام والمياه جايه علي كتف اخت مراتي وهي مش واخده بالها خالص وعماله تجري وتصرخه في الشقه وتقول فااااااااااااااار

لما كبر وبقي عنده سنتين عمل موقف بايخ شويه كانت والدتي من كتر الدلع فيه لو عمل حمام عليها مش بتتكلم والمهم خلي والدي في الصالون وعنده ضيوف اول مره يدخلو البيت وقام رايح عليه وشغاااااااااااااااااااااا ااال ووالدي كان عمال يجري قدامه في الصالون وده زي مايكون بيطفي حريقه

وفي مواقف تانيه كتيير بس الواحد مش فاكر الصراحه

**M.Mostafa80** · 27-03-2011 11:51 PM

بنتى داليا حاليا خمس سنين
وهى عندها سنه وكام شهر كانت تحب تتصلق كل شئ
لحد ما جه فى سكتها كارتونه المكنسه فا قالت اقعد اريح شويه
وهب نزلت مطبقه نصين فيها وساعتها كنت ماسك الموبايل بجرب الكاميرا وصورتها ومقدرتش امسك نفسى من الضحك حتى مقدرتش اقوم الحقها
اخر موقف ليها معايا النهارده بكلم البيت من الشغل فاردت عليا قلتلها انتى جيتى من المدرسه لقيتها بتقولى امال برد عليك ازاى يعنى هو انا هاخد التليفون معايا المدرسه

**icehearted girl** · 27-03-2011 11:57 PM

ههههههههههههههههههههههههه ههههههههههه

ربنا يخليهملكم... ياررررررررررررب

انا بقي عندي توتة عملت حتت موقف,بس مش فيا الحمدلله

دا كان ف نور القمر

اه بالحق..توتة دي قطتي مش بنوتتي

-

الموضوع: اكتر موقف مضحك حصل معاك من ولادك

LinkBack

أدوات الموضوع

عرض

اكتر موقف مضحك حصل معاك من ولادك - انشر الموضوع فى :

-

-

-

-

-

المواضيع المتشابهه

اكتب موقف غريب او مضحك حصل فى شغلك

ما هو اكثر موقف مضحك وهو سايق او له علاقه بالسيارات

موقف مضحك بجد منقول

موقف مضحك مع واحد جزائرى

موقف مضحك مبكي !! (العهده على الراوي)

الكلمات الدلالية لهذا الموضوع

المفضلات

المفضلات

ضوابط المشاركة