انا اكيد عندى مشكلة فى الصبات يا رجالة ,,,

رجالة ,,انا عندى مشكلة فى الصبات ,,انا متأكددددددددددددد ,,,


فاكرين الراجل قالى اية عن الزنة ,, و اكتشفنا انها الحتة البلاستكة اللى مكتوب عليها JBL ,,
http://img715.imageshack.us/img715/8306/01102008024.jpg


روحت جبت كلة و قمت خالعهم خالص ,, ونظفت مكانهم و ركبتهم كويس ,,و سيبتهم لحد النهادة

بسبب الزنة دى من ساعة مركبت العدة و انا فاصل تانى صب ,, وسايب واحد هو اللى متوصل و مكانش بيشتغل غير مرة كل شهرين مثلا , بسبب الصوت دة

المهم كلة نشف ,, و الدنيا بقت تمام ,, و ركبنا سماعات الابواب ,,و التويترات بقى تمام و الصوت عالى ,,,و انا راجع من الشغل ,, و لاول مرة من سنتين ,,قمت موصل الصبين ,,,بس و شغل يا معلم


شغلت ,, و معرفش اية اللى حصل ,,, بييييييييييييييز بالعبييييييييط ,, عينيا بتزغلل ,,,و دنى بتصفر و مش عارف اية اللى بيحصل ,,,

قمت قافل البيز خالص خليتو 0 ,,,لسة البيز غبى ,,,فى حاجة فى البايونير بتخليك تتحكم فى قوة الدبة ,, دى كنت عاملها صفر ,, قمت مخليها -6 ,, مفيييييييييييييش ,, تحس ان البيز مرترط ,,

بيز غبى بردو ,,, لدرجة انو مغطى عل الصوت ,, تخيلو ,,,, مش عارف اسمع صوت المغنى ؟؟؟؟؟؟؟؟

عشان اعرف اعمل بالنس مابين الصبات و السماعات لازم اعلى على 38 على الاقل , انما لحد 30 تلاقى بيز يطرشك ,,,


دلوقتى انا مش عارف دة اية , اكيد دة عيب ,, يا اما عيب توصيل و عيب جى ام الله اعلم,, و الله نازل من العربية ودنى بتصفر و مصدع جدااااااااا ,, ومكتئب جدا جدا جدا ,,


اللى بيفهم فى الحوار دة يبص على الصورة دى , دى الجى ام اللى ماسك الصبات ,, هل هو كدة مظبط صح ..


http://img84.imageshack.us/img84/5749/image792b.jpg



ريحونى والنبى يا رجالة الواحد قال ان الدنيا ظبطت خلاص مش عارف اية اللى بيحصل

جرب تخللى bass bost يكون off

لا خليك فاتح البيز بوست طالاما موصل الجى ام بالصب ..... قلل الجى ام من ال max وال min بحيث انك تزبط البيز مع الصوت بالمفك طبعا...يعنى متعلهوش على الاخر

انت قصدك ال LEVEL صح ,,,طيب باقى الاوبشنز X over و ال LPF و ال HPF مظبوتين ؟

اقتباس:

---

المشاركة الأصلية كتبت بواسطة ahmed_nubira

لا خليك فاتح البيز بوست طالاما موصل الجى ام بالصب ..... قلل الجى ام من ال max وال min بحيث انك تزبط البيز مع الصوت بالمفك طبعا...يعنى متعلهوش على الاخر

---

الكلام ده 100 100
انت بس قلل الlevel شويه
خليه على اتجاه الساعه 2 كده :grin28:
والباقى متظبط

اقتباس:

---

المشاركة الأصلية كتبت بواسطة ahmed_nubira

لا خليك فاتح البيز بوست طالاما موصل الجى ام بالصب ..... قلل الجى ام من ال max وال min بحيث انك تزبط البيز مع الصوت بالمفك طبعا...يعنى متعلهوش على الاخر

---

الراجل ده كلامه صح

انت كده مخللى الجى ام يطلع كل الطاقه اللى عنده وده مش مطلوب فى الحاله دى لانه مغطى على السماعات

ظبط الصوت لحد متوصل للصوت اللى عاجبك

على فكره فيه ناس بتحب صوت البيز اعلى من صوت المغنى والسماعات :mad2:

اقتباس:

---

المشاركة الأصلية كتبت بواسطة beetleMOSH

الكلام ده 100 100
انت بس قلل الlevel شويه
خليه على اتجاه الساعه 2 كده :grin28:
والباقى متظبط

---

اقتباس:

---

المشاركة الأصلية كتبت بواسطة misoalex

الراجل ده كلامه صح

انت كده مخللى الجى ام يطلع كل الطاقه اللى عنده وده مش مطلوب فى الحاله دى لانه مغطى على السماعات

ظبط الصوت لحد متوصل للصوت اللى عاجبك

على فكره فيه ناس بتحب صوت البيز اعلى من صوت المغنى والسماعات :mad2:

---

هجرب الحوار دة يا رجالة ,, بس لما اروح الصحرا عشان متشتمش ,,,:H_angry[1]:

سؤال تانى ,,, لية وانت قاعد جوة العربية بتتطرش من البيز و اول مفتح الشنطة و تقف ادام الصبات تلاقى الصبات عادية خالص ,, ولا بيز مأثر فيك ولا حاجة

دة طبيعى ؟؟؟

وصل الصبين ازاى على جى ام واحد لان الجى ام ده 2 تشانل
ولا كل صب على تشانل؟
بص لو كل فردة على تشانل مفيش مشاكل انما لو الاتنين على البريدجيد يبقى غلط جداااااااااااا

لا يا محمد,, كل صب و اخد شانيل لواحدة ,,

ده كده الصبات كمان مش قايمه حلو d:
لسه فيها تانى يعنى

بص يا باشا بما ان الجى ام ده متوصل على الصبين و انت عاملة على low pass filter طيب ليه معلى الlevel بتاع ال high pass filter

دى حاجة تانى حاجه قلل الرينج باعت الجى ام عشان انت مخلى يشتغل مع اقل دبة بيز دى تحاول تققلها قبل ما تقلل الجين حتى عشان تدى عمر اطول للصبات جرب و قولنا

اقتباس:

---

المشاركة الأصلية كتبت بواسطة beetleMOSH

ده كده الصبات كمان مش قايمه حلو d:
لسه فيها تانى يعنى

---

يا لهوىىىىىىىى ,, امل اية تانى ,,,اكتر من كدة يبقى العربية هتنفجر وانا قبلها ,,دلوقتى بس حسيت انى جبت حاجة انا مش قدها :oops1:,,يا ريتى كنت جبت 800 واط بس :crying2:

اقتباس:

---

المشاركة الأصلية كتبت بواسطة Ali_mehrem

بص يا باشا بما ان الجى ام ده متوصل على الصبين و انت عاملة على low pass filter طيب ليه معلى الlevel بتاع ال high pass filter

دى حاجة تانى حاجه قلل الرينج باعت الجى ام عشان انت مخلى يشتغل مع اقل دبة بيز دى تحاول تققلها قبل ما تقلل الجين حتى عشان تدى عمر اطول للصبات جرب و قولنا

---

تصدق باللة , انت باشا ,, بس والله العظيم مفاهم اى حاجة ,,,انا لو فاهم اقول على طول :grin54:

معلش فهمنى اكتر

اقتباس:

---

المشاركة الأصلية كتبت بواسطة Ali_mehrem

بص يا باشا بما ان الجى ام ده متوصل على الصبين و انت عاملة على low pass filter طيب ليه معلى الlevel بتاع ال high pass filter

دى حاجة تانى حاجه قلل الرينج باعت الجى ام عشان انت مخلى يشتغل مع اقل دبة بيز دى تحاول تققلها قبل ما تقلل الجين حتى عشان تدى عمر اطول للصبات جرب و قولنا

---

ال hpf ملوش علاقه خالص طالما هو مختار فلتر lpf الباقيين بيتلغوا على طول (حبيبى والله) :beat4:
بص يا عموره بكره تتعود على الصوت ياحبى هو ده العادى والله وهتقول كمااااااااااان :36_1_1[1]:
ومتلعبش فى حاجة فى الجى ام بس هو أكيد أوبشن فى الكاسيت مخلى البيز ناطر عن صوت المطرب

طيب بصوا يا رجالة ,, انا النهاردة قولت انزل اشوف حوار ان الصب يكون متوصل غلط ,, لقيت حاجات غريبة فى الجى امات

بصو على الجى ام السيمفونى للصبات

http://img41.imageshack.us/img41/5166/image800.jpg



http://img705.imageshack.us/img705/223/image801w.jpg


انا مش فاهم ,, هو 2 شانيل و لا 4 و لو 2 لية فى مخرج ار سى زيادة ؟؟؟انا المفروض مشترية 2

طيب هل التوصيلات دى صح ولا فية حاجة غلط ؟؟؟



و دى الجى ام بتاع السماعات


http://img27.imageshack.us/img27/3655/image797.jpg







http://img269.imageshack.us/img269/3802/image798o.jpg




المفروض 4 شانيل و مشغل 2 بس عشان مفيش عندى خارج ار سى زيادة





كدة اية الاخبار فى حاجة غلط و لا كلة تمام ولا اية

قولولىىىىىىىىىىىىىىىى:crying2 :

خير الكلام ما قل ودل
ماتزعلش مني،
العدة دي عاوزة تتظبط من جديد ومن الأول خالص !!!
اللي موصلك الكلام ده ماينفعش يتقال عليه حتى كهربائي سلسيون

اقتباس:

---

المشاركة الأصلية كتبت بواسطة Salamonti

خير الكلام ما قل ودل
ماتزعلش مني،
العدة دي عاوزة تتظبط من جديد ومن الأول خالص !!!
اللي موصلك الكلام ده ماينفعش يتقال عليه حتى كهربائي سلسيون

---

1+++++++
معلش يعنى ده ولا بيفهم اى حاجه فى الكهربا :dribble:
ده ممكن يبقى غطاس مجارى على راى سراج بيه D:

الكائن العجيب :alien42: اللى وصل الحاجات ده مبوظ الدنيا فعلا :no1:

ينهار أبيض والله ما مصدق عنيا الصبات متوصلة ازاى ايه الهبل ده
وكمان السماعات بريديجد ده كده ربنا بيحبك لازم تهد التوصيلات دى كلها :( انا زعلان
يعنى لما تبقى فى منتدى كله عباقرة فى الصوتيات وتمشى بعدتك مش مظبوطة الناس يقولوا علينا ايه :d
الصبات وصل واحد بس على البريديجد وشوف ايه الكلام
بالنسبة للسماعات هتوصل كل سماعه على طرفين جنب بعض +و- والسماعه التانية الطرفين اللى بعد كده +و-
الجى ام التانى ده فعلا 4 تشانل وهو موصلك على خرج السماعات والجنب التانى ممكن يتوصل عليه صب فعلا وده هتاخدله ار سى اوت من السيمفونى عادى جدا وهيشتغل معاك جرب او خلى حد من رجالتنا يبص على التوصيلات والله المستعان :)

و الله انا كنت متأكد ان الحلاق اللى ركبلى العدة فكسانننن جدا ,,, مش بقولوكو ,,حاسس ان فية حاجة غلط ,,

طيب حد يعرف باش مهندس ,, تركيب العدة ,, اروحلو و يشوفها ,, بس بشمهندس ,,يعنى فاهم مش حافظ ؟؟؟

و يا محمد باشا ,, الحاجات دى نفسى اعملها بس بصراحة خايف لحاجة تضرب و لا اودى نفسى فى دهية ,,,تفتكر ممكن اعلم اللى انت قولت لية ,, ولا اوديها لراجل بتاع عدة ؟؟

راسلني عالخاص نتقابل في أي حتة ومعاك مفك صليبة وشريط لحام
واعتبر الموضوع منتهي بإذن الله

يا حج الجى ام السيمفونى 2 تشانيل بس هو فى 2 ار سى ايه دخل اللى جاين من الكاسيت و 2 ار سى خرج لجى ام تانى

اه نسيت اقولك التوصيل عرة قوى

اقتباس:

---

المشاركة الأصلية كتبت بواسطة Ali_mehrem

اه نسيت اقولك التوصيل عرة قوى

---

اقتباس:

---

المشاركة الأصلية كتبت بواسطة Ali_mehrem

يا حج الجى ام السيمفونى 2 تشانيل بس هو فى 2 ار سى ايه دخل اللى جاين من الكاسيت و 2 ار سى خرج لجى ام تانى

---

و الله انت هتخلينى اروح اولع للراجل المحل بتاعة ,, بجد انا محروق اوى انو مبوظ كل حاجة ,, يلا انا هدعى علية :_Alshmokh22[1]:

بس الخارج بتاع السيمفونى ,, مش بيأثر علية ,,يعنى انا كدة بتهيألى المشكلة بتاعة الار سى الزيادة اللى كنت محتاجها اتحلت ,,مش محتاج اجيب كاسيت جديد فى 3 ار سى ,, يعنى ممكن اخد من السيمفونى ار سى للسونى , واوصل الا4 سماعات علية صح ,,

اقتباس:

---

المشاركة الأصلية كتبت بواسطة محمد فريد

ينهار أبيض والله ما مصدق عنيا الصبات متوصلة ازاى ايه الهبل ده
وكمان السماعات بريديجد ده كده ربنا بيحبك لازم تهد التوصيلات دى كلها :( انا زعلان
يعنى لما تبقى فى منتدى كله عباقرة فى الصوتيات وتمشى بعدتك مش مظبوطة الناس يقولوا علينا ايه :d
الصبات وصل واحد بس على البريديجد وشوف ايه الكلام
بالنسبة للسماعات هتوصل كل سماعه على طرفين جنب بعض +و- والسماعه التانية الطرفين اللى بعد كده +و-
الجى ام التانى ده فعلا 4 تشانل وهو موصلك على خرج السماعات والجنب التانى ممكن يتوصل عليه صب فعلا وده هتاخدله ار سى اوت من السيمفونى عادى جدا وهيشتغل معاك جرب او خلى حد من رجالتنا يبص على التوصيلات والله المستعان :)

---

اقتباس:

---

المشاركة الأصلية كتبت بواسطة salamonti

راسلني عالخاص نتقابل في أي حتة ومعاك مفك صليبة وشريط لحام
واعتبر الموضوع منتهي بإذن الله

---

سلامونتى باشا ,, متشكرين على تعبك ,, هبعتلك رسالة ,, و نشوف يوم اجيلك فية ,,و نظبط التظبيط ,,


بس انتو اية رئيكو فى لفكرة اللى قولتها لعلى فوق ,, تمشى صح ,

أيوه تمشى عادى يا عمر

اوك يا او حميد ,,انا هكلم سلامونتى و نشوف الوضح ,شكرا يا مان

ايوه يا بوب ينفع تاخد منة خرج لجى ام تانى من غير مترجع للكاسيت

انت فرحتنى يا ابو على ,, انا اتفقت مع سلامونتى اننا نتقابل و نظبط التظبيط ,, و ربنا يسهل