ركبت سونى 16 سم كمبوننت فى البيكانتو
ده اللى حصل امبارح
الاول عايز اشكر حسام كوداك
الراجل ده جدع جداً وخدوم جداً وكان معايا من اول النهار لحد التركيب

الاول فكرت اركب سماعات فى الابواب لان انا بحب الصوت امام اكتر
فكيت فرش الباب لقيت اللى راكب
سماعة 13 سم وليها علاية بلاستيك
فكرت نشيل العلاية والفكرة دى كان قايل عليها رائد من رواد كيا اسمه نادر نبيل
شلت العلاية وقست بين الصاج والزجاج لقينا المسافة حوالى 4 سم ، سمك السماعة السونى حوالى 6 سم
يبقى لازم علاية وكمان هنقطع زى جزء بلاستيك فى الفرش من جوة واخد مقاس السماعة ال 13
ده اخر راى استقريت عليه انا وحسام
نزلنا التوفيقية سألنا على السماعات الكمبوننت لقيناها
وجبنا طقم علاية
وطلعنا على كلاريون المهندسين
غلطتنا نسينا نجيب سلك سماعات من التوفيقية
المهم سطونا على فنى التركيب فى كلاريون اللى اشتغل قبل كدة واسمه اشرف
فك الفرش
ركب العلاية
ركب السماعة
حطينا التويتر على التابلوة
حطينا الكروس اوفر فى الدواسة
نسينا نفك الجزء اللى قلت عليه فوق فى الفرش
وافتكرنا وفكينا الفرش تانى
الحمدلله لقيناه ضغط على الرق بس مقطعوش
احنا كدة وصلنا من الجى ام للكروس ومنه للسماعات والتويترات
السماعات 60rms - 260 وات
تمنهم 340 جنيه
العلايات 20 جم

اى سؤال انا فى الخدمة