عاوز اركب سماعات

**Car's Sniper** · 30-03-2011 11:10 PM

حظك حلو جدا....من 3 ايام لسة مركبين سماعتين فى عربية صاحبى (شاهين) وطبعا الراجل مارضيش بالرف الخشب بعد ماعملناه وقال انه مش هيدى صوت زى لما تكون السماعة منها للشنطة على طول واضطرينا ان احنا نخرم فى الصاج بس بصراحة الراجل شغله نضيف جدا وقطع الصاج بمنشار زى بتاع الخشب الابلكاش وماقطعش حتة كبيرة كمان ...لا...راح موسع فتحات السماعات الاصلية... والقطع لوحده خد عليه 50 جنيه وكان عاوزنا نقطع احنا الصاج عند اى حد ومش هياخد اكتر من 20 جنيه ونجبهاله بس خليناه هو اللى يقطعه..... وتركيب السماعات بالجى ام بتمن تقطيع الصاج كله اتكلف 80 جنيه

**abdoelshazly** · 30-03-2011 11:20 PM

تماااام اوى يا سنيبر قدام انت بقى من الشرقيه يبقى ابن بلدى :d ياريت لو ف الزقازيق تقولى هو فين يارب يبقى ف الزقازيق :

**Car's Sniper** · 30-03-2011 11:23 PM

المشاركة الأصلية كتبت بواسطة abdoelshazly

الف شكر يا معلم معلش تعبتك معايا كلك زوق والله

انا بأذن الله هعمل اللى انت قولتلى عليه معلش اخر سؤال بقى لان عارف انى بقيت رخم :d هو كدا الفانوس اللى هو بتاع الستوب اللى فوق البورده الاصليه كدا هيتغير مكانها ؟ وهى بتبقى ممسوكه اصلا ف البورده ولا الحديد تحت ؟ لانى عمرى ما فكرت ف حوارها دا

ياااه جتلى عالجرح...(قعدنا اكتر من ساعة الا ربع عشان نعرف نفك البوردة)
حضرتك لازم تشيل الكفر(الغطاء) الاسود ببتاع لمبة الاستوب وتقريبا هتلاقيه بيتفك من الجنب واول ماحضرتك هتشيل الكفر هتلاقى صامولتين تحت اللمبة(مثبتين اللمبة والبوردة فى الصاج) تفكهم وهتلاقى البوردة بتتشال بسهولة وبالنسبة لمشكلة تانك البنزين فحضرتك تركب السماعات ناحية الإزاز على قد ماتقدر وبالادق هتخلى السماعات البيضاوية بالطول والناحية اللى ناحية العربية من قدام تبقى حدودها هى حدود فتحات السماعات الاصلية وتبدأ القطع من ناحية العربية من ورا وهتلاقيها ظبطت ومالمستش التنك...بس خلى بال حضرتك من خراطيم التانك لانها بتكون فوق الصاج او تحته على طول فممكن الراجل مايخدش باله وهو بيقطع الصاج ويقطعهم....يارب اكون عرفت اوضح لحضرتك اللى اقدر عليه...وان شاء الله بسيطة ومش هتقلل من تمن العربية ولا حاجة

**abdoelshazly** · 30-03-2011 11:33 PM

تمام اشطى يا معلم الف شكر ليك ومعلوماتك الجامده سورى تعبتك معايا

هو انت عملتها عند مين ؟

**Car's Sniper** · 31-03-2011 06:00 PM

المشاركة الأصلية كتبت بواسطة abdoelshazly

تمام اشطى يا معلم الف شكر ليك ومعلوماتك الجامده سورى تعبتك معايا

هو انت عملتها عند مين ؟

متأسف جدا على تأخرى فى الرد بس بجد لسة شايف ردود حضرتك دلوقتى
انا الحقيقة فى بلبيس...والراجل اللى بقول لحضرتك عليه اسم المحل بتاعه "مجاهد" والراجل اسمه عماد مجاهد
وهو ناحية الساحة على طريق عبد المنعم رياض(طريق الزقازيق) وبالادق فى وش معرض النساجون الشرقيون لو حضرتك تعرفها...واى خدمة انا تحت امرك لو حبيت تركبها فى بلبيس

**abdoelshazly** · 31-03-2011 09:34 PM

الف مليووون شكر ليك ياباشا ربنا يكرمك كلك زوق والله تسلم

**Car's Sniper** · 01-04-2011 12:45 AM

المشاركة الأصلية كتبت بواسطة abdoelshazly

الف مليووون شكر ليك ياباشا ربنا يكرمك كلك زوق والله تسلم

الشكر لله ياباشا...وان شاء الله يكون ساوند سيستم جامد

الموضوع: عاوز اركب سماعات

LinkBack

أدوات الموضوع

عرض

-

-

-

-

-

-

-

المواضيع المتشابهه

عاوز اركب سماعات وجى ام للنيو اكسنت rb

اركب سماعات ف الباب ولا ورا ؟

اركب سماعات مدورة ولا بيضاوية

عاوز اركب sound system اركب اية ومنين؟

أنا عاوز اركب لمض لونها أبيض اركب إيه ضروري

الكلمات الدلالية لهذا الموضوع

المفضلات

المفضلات

ضوابط المشاركة