الموضوع: الكوبلين ... بجد العربية ديه ربنا يستر

المشاركة الأصلية كتبت بواسطة hmotors

هنا مش هقدر اتفق معاك لأنى عندى تجربه كبيرة فى موضوع الكبالن والجنوط بأحجمها شوف ياسيدى:

مشكلة انك تركب جنط كبير متكنش العربية مجهزة لى بس فى السيراتو العربية مجهزة بنسبة كبيرة والتجهيز ده بيكون فى صورة حجات مختلفة حجم الكوتش الى هيركب فى الجنط وزن الجنط الزويا المساعدين ....... الخ

نتفرض العربية مش مجهزة او الى ركب جنط حجمه مش مناسب على العربية ايه الى ممكن يحصل:

- اكبر مشكله هتحصل للعربية هتاكل رمنبلى
- المساعدين ممكن يبوظو بسرعة
- العربية هتاكل كوتش وهيعمل عالى واطى
- المقصات ممكن تبوظ بسرعة
- البطاحات ممكن تتكسر
- الزويا مش هتكون مظبوطة وهتحتاج تكرار ظبطها بشكل متكرر

أخر حاجه ممكن تحصل دى موضوع الكبالن والسبب بذات للكبالن لازم يكون مباشر وإذا الحجات الى فوق دى كان ليها دور يعنى العربية كمان مش مجهزة فأقدر أأكدلك انها هتكون سنيين


النصيحة لكل الناس للحفاظ على الكبالن هى:

- تجنب لف الدريكسيون على الأخر بشكل متكرر
- عدم طلوع الأرصفة
- تجنب المطبات الشديدة جدا المتكررة على السرعات العالية (الحفر تحديدا)
- بقدر الإمكان تجنب المشى بكثرة فى الشوارع الوعرة والمدقات
- تجنب تكرار الكيك داون خصوصا من الثبات والسرعات المنخفضة
- الكشف مع كل مرة تغيير فيها الزيت على الكبالن الداخلية والخارجية بكشاف نور والبحث عن ثقوب فى كوتش الكبلن مش شرط يكون مقطوع ودى بتوكن خطورتها اكبر علشان مش ملحوظة وممكن التوكيل كمان ميخدش باله منها والنتيجة دخول الميه والهوا وخروج الشحم وده مدمر للكبلان
- تنظيف الأتربة العالقة على الكبلان اذا كنت مشيت فى طينة او مية واتربة كتيير وده طبيعى لما بتغسل العربية من تحت ممكن تتنظف بسهولة بس يفضل من غير ضغط مسدس الميه المباشر.


تحياتى.

كلام جميل يا باشا انا الحقيقه خبرتي مش كبيره في هذه النقطه عشان كدا مش بتكلم بيها بستفاضه زيك كدا الف شكر يا معلم
و ربنا يسترها معانا جميعا

المشاركة الأصلية كتبت بواسطة deshahcoka

انا كلمتهم و قالولي لسه حيردوا عليا :( بس مش عارف انا محسسسني اني اول واحد في مصر بيغير كوبلين في العربية الفقر ديه :(

لا مقصدش طبعا انى احسسك بكده بس بصراحه وانا اسف يعنى بدرى اوى على موضوع تغير كوبلن و العربيه مبقالهاش الا سنه ,, بس يمكن تكون عيب صناعه فى الكوبلن مش منك وبعدين ده ابتلاء ياباشا ولازم نتحمله بعد التصليح المره دى هترتاح ان شاء الله ....