عملت حادث , والحمد لله على كل شئ

**sehry** · 28-03-2011 12:08 AM

أخواني الكرام
السلام عليكم ورحمة الله وبركاته
النهارده وانا راجع من الشغل عملت حادثة بسيط وتفاصيلها كالتالي:
مكان الحادث: مطلع كوبري الفنجري
توقيت الحادث: الساعة 6.30م
نوع سيارتي : نيسان صني 2009 مانيوال
نوع السيارة الأخرى: جيب شيروكي الشكل القديم
الأحداث
طبعا معروف عن الكوبري في الوقت ده أنه بيكون زحمة موت, المهم دخلت في الحارة بتاعتي عادي جدا وانا طالع بسرعة بسيطة طبعا عشان الطريق كان زحمة, المهم الطريق وقف وبالتالي انا كمان وقفت, لكن للأسف كان ورايا عربية ركباها سيدة في الثلاثينات من عمرها لاحظت في مراية العربية انها مش باصه على الطريق وعمالة تقلب في الموبايل, المهم في لحظ طبعا اصطدمت بيا من الخلف
الأضرار
تمثلت الأضرار في اعوجاج في الاكصدام الخلفي وبعض الخدشات, الشنطة من عند النيكل دخلت لجوة والشنطة أصبحت مفارقة من الجوانب لدرجة إني خفت أفتحها عشان ميبقاش فيه صعوبه في قفلها تاني, تصادم مع سيارة أخر كانت في وضع مائل قليلا وده أثر على الرفرف الأيمن ببعض الخدوش, وكذلك الاكصدام الامامي
طبعا صاحبة العربية نزلت واتأسفت وقالتلي انها مستعده تتحمل التكاليف
المهم انا قولتلها هشوف تكلفتها ايه وهبقى اتشاور معاكي وأخدت رقم موبايلها - وسجلت رقم عربيتها معايا كمان تحسبا للظروف
والحمد لله على كل شئ

كنت عايز أعرف منكم أيه أفضل توكيل ممكن أروحله مع الوضع في الاعتبار أني قريب من مودرن موتورز الهايكستب, واني قريب أيضا من الدراسه بواقع مكان شغلي ؟

ماهي التكاليف اللزمة لإصلاح هذه الأضرار وما هو الزمن المطلوب؟ مع العلم بأن الاكصدام الامامي والرفرف هيحتاجو دوكو
والشنطة والاكصدام الخلفي ممكن يتردوا على البارد وان كان ممكن الشنطة تحتاج دوكو بردة

ولكم جزيل الشكر

**WalidAdel** · 28-03-2011 01:06 AM

اولا قدر الله و ماشاء فعل ياباشا و احمد حاجه انك كويس
المهم بالنسبه للتكاليف ماحدش هنا هايقدر يفيدك اوي لان الاسعار مش هاتبقي دقيقه
نصيحتي ليك تروح توكيل السبع اللي في زهراء المعادي دا شغل السمكره هناك كويس و دا انا شوفته في كذا عربيه وانا واقف بتفرج يعني تقفيل الصاج و كده كويس و اعملها مقايسه هاتطلعلك التكلفه بالتحديد
او ممكن حضرتك تعملها بره التوكيل و بالتكلفه طبعا هاتقل كتير

**BassamHafez** · 28-03-2011 12:29 PM

الحمد لله على سلامه حضرتك

لعله خير ان شاء الله

ربنا يعوض عليك بالخير

**Frozen_Pain** · 28-03-2011 01:41 PM

الحمدلله على كل شىء

إنا لله وإنا اليه راجعون

**medociv** · 28-03-2011 01:48 PM

قدر الله وماشاء فعل واللي يجي في الريش بقشيش

**sedyrohy** · 28-03-2011 02:31 PM

قدر الله ما شاء فعل
عسى ان تكرهوا شئً و هو خير لكم

الحمد لله على كل شئ

**SonaSteel** · 28-03-2011 08:46 PM

المشاركة الأصلية كتبت بواسطة bassamhafez

الحمد لله على سلامه حضرتك

لعله خير ان شاء الله

ربنا يعوض عليك بالخير

+11111111111111111111
kadar allah w masha' fa3al
i think if it's need to change any mechnical parts i prefer elsab3
for samkara and doko things u can make it outside with low costs.
sorry for english.
regards,
set w health

-

-

الموضوع: عملت حادث , والحمد لله على كل شئ

LinkBack

أدوات الموضوع

عرض

-

-

-

المواضيع المتشابهه

عملت حادثه على الماشي والحمد لله

عملت صيانة الستين والحمد لله

عملت حادثه والحمد الله

عملت صيانة الألف والحمد لله علي قد كده

عملت حادثة والحمد لله

الكلمات الدلالية لهذا الموضوع

المفضلات

المفضلات

ضوابط المشاركة