الموضوع: فلتر البنزين

بص اولا الموضوع مكانه مش هنا ده قسم الكماليات والاكسسوارات

ثانيا فلتر البنزين باين من اسمه وظيفته انه بينقى البنزين اللى داخل للكربراتير والموتور من الشوائب وخصوصا لو كان بنزين 80 زى الزفت اللى بنحطه

المهم هو حتلاقيه متثبت عندك فى ال 128 فى الخرطوم اللى داخل للكربراتير حتلاقيه ناحيه قربه الميه بتاعه الريدراتير كده
وده شكله



وهو تمنه 5 جنيه وممكن اكتر بسيط
وبيتغير كل فتره فى العربيات الى بيتحطلها 80 يبقى حاول كل كام شهر تغيره

اما فى العربيات الحديثه فله كيلومترات معينه بيتغير بعدها وتمنه اغلى بكتيييييييييييييير طبعا وشكله غير ده

المشاركة الأصلية كتبت بواسطة rasim

السلام عليكم
جزاك الله خيرا اخى الكريم
طب هل لو كان شكله نظيف ولا ايه

هو طبعا ممكن تاخده بالشكل بس الافضل كل 3000 كيلو غيره اصله مش غالى وممكن انت تغيره بنفسك وفى نفس الوقت بيحمى الكربراتير من دخول اى شوائب وتسد البيكات وخصوصا مع البنزين ال 80

وفى نفس الوقت لو الكربراتير عندك مظبوط كل لما تغيره وتنضف او تغير فلتر الهوا معاه حتلاقى العربيه اتحسنت والسحب بقى احسن من الاول والعربيه مظبوطه على السلانسيه كعاك ومش مخنوقه

ونصيحه اخيره متخليش التانك عندك يفضى للاخر يعنى حاول تفول العربيه لما التنك يوصل للربع

المشاركة الأصلية كتبت بواسطة gaaz

الله ينور يا ميزو والله ما جصرت ههههههههه
تسلم ايدك يا باشا والله انا كنت محتار اصلي جايب العربية من سبع شهور مثلا ومغيرتوش خالص
وكل ما افتح الكبوت بتوه في الحاجات اللي جوا ومش بفهم فيها حاجة
كويس انك بعتلي صورة حنزل ادور عليه في الكبوت

حاول تروح تغيره كده بقاله كتير

المشاركة الأصلية كتبت بواسطة gaaz

انا رحت جبت واحد وركنت في شارع عشان اغيره
فتحت الكبوت في عز الشمس ومعرفتش الاقية :(

ههههههههههه بص اول مره اكيد الموضوع حيبقى صعب

روح لمكانيكى يركبه ادامك وانت تعرف مكانه وبيتغير ازاى
وحياخد 5 او 10 جنيه دول مسمارين حيفكهم ويركبهم