مشكلة غريبه فى الزجاج الكهربى

**ashour** · 13-04-2008 02:12 AM

السلام عليكم ....
العربيه موديل كورسا 1600 , كنت عملت حدثه و صلحتها فى الحرفين عند مركز خدمه
المهم عند الاستلام قالولى فى تعليقه بسيطه فى الزجاج بتاع السواق... المهم مشيت بمبداء عايز حقى
هاتولى المهندس يشوف الموضوع ده , و تم بالفعل المهندس بيجرب الاربع شبابيك يكتشف ان الزجاج الامامى شمال و الخلفى يمين مبيشتغلوش.... يمين شيمال انو يشتغل ابدا بس فيه تيار كهربى
اكتشف ان اتجاه فوق ممكن يشتغل بس تحت لا.
المهم عمل توصيله لها فرعين لما يتوصلوا باتجاه معين و ادوس فوق يفتح الزجاج.. اعكس الاتجاه يقفل.. بصراحه فضلت 3 ايام اروحلوا بس من غير فايده.. روحت للكهربائى اللى بتعامل معاه بعد ما كشف قالى وحده الرفع دخل فيها مياه و لازم تغيرها لان كل الدواير و الفيوزات و الضفيره مفهاش مشكله.

سألت على وحده الرفع فى منصور قالولى 1800 بس اللى مخلينى شاكك فى ان المشكله فى وحده الرفع انها محكمه الغلق بعلبه بلاستك و مكنها صعب اوى يدخل فيه مياه لانها تحت التبلوة اللى قدام الكرس الامامى يمين .

فكنت عايز استشيركوا فى المشكله ده اعمل فيها ايه؟

**M.Mokhtar** · 13-04-2008 11:20 AM

طيب بالنسبة للزجاج الخلفى مش بيشتغل لا من زرار السائق ولا من زرار الباب نفسه؟

لو متأكد من وصول تيار كهربى لماكينة الزجاج يبقى العيب فى الماكينة نفسها او يمكن الذراع معلق ومحتاج تزييت

**ashour** · 13-04-2008 12:40 PM

الزجاج الخلفى شمال و الامامى يمين بيشتغلوا من المفتلحين (السواق و الباب نفسه)
تقصد ايه بالذراع؟
هو كده كلو مجمع على ان العيب فى المكنه ذات نفسها ... ربنا يجيب اللى فيه الخير.

**M.Mokhtar** · 13-04-2008 12:50 PM

المكنه نفسها اللى بترفع الزجاج ممكن يكون فيها العطل(مش قصدى وحده الرفع)
اتاكد انه واصلها تيار لو متحركتش يبقى العيب فيها
وحده الرفع دى شغلتها انها ترفع الزجاج وانت بتقفل العربيه ملهاش علاقه بالزجاج نفسه دى بس بتوصل كهربه لمكنة الزجاج لما تقفل العربيه
يبقى لازم نتأكد الاول ان فى كهربة واصله لمكنة الزجاج لو اشتغلت يبقى العيب فى الزرار لو ماشتغلتش يبقى العيب فى المكنة نفسها

**ashour** · 13-04-2008 01:23 PM

شكرا م/محمد على التوضيح
وحده الرفع ده اللى بيبفى شكلها زى X... للأسف واصلها كهربا و انا اشتريت مفتلح رباعى بس برده للأسف نفس المشكله شباكين شغالين و اتنين مش شغالين.

**M.Mokhtar** · 13-04-2008 02:57 PM

يا باشا تحت امرك بس المهم طمنا لما تعرف ايه المشكله ويارب تكون حاجة بسيطة

**ashour** · 17-04-2008 10:42 AM

الحمدلله المشكله اتحلت... كان العيب فى وحدة التحكم (control unit)
بصراحة عملتها فى الفرع الرئيسى اللى فى الاسكندرية
هى فى ظاهر الامر انها مشكله واضحه بس الحق يقال ان الكهربائى شاطر جدا و هو ده اللى جعلنى اعتقد انها سهله.
شكرا م/محمد على اهتمامك و نصيحتك.

**M.Mokhtar** · 17-04-2008 11:08 AM

الحمد لله والف مبروك يا باشا
بس انت غيرت وحده التحكم ولا صلحتها ولا ايه؟
وياريت لو تكتبلنا الاسعار عشان الواحد يبقى عنده خلفيه عن الموضوع ده

**ashour** · 17-04-2008 06:16 PM

الله يبارك فيك
يا ريت كان فى حد يعرف يصلح ...
جبتها جديده و سعرها 1800.
بس عايز اطمنك انها مش سهل انها تبوظ الا لو باظت بفعل فاعل.

**M.Mokhtar** · 19-04-2008 02:24 AM

انت ليك اعداء كتير ولا ايه :)

الموضوع: مشكلة غريبه فى الزجاج الكهربى

LinkBack

أدوات الموضوع

عرض

-

-

-

-

-

المواضيع المتشابهه

ظاهره غريبه على الزجاج الامامي

مشكلة غريبه جداًآآآًًًًَ ومقلقآآآآنــي

مشاكل الزجاج الكهربى

الزجاج الكهربى

حاجه غريبه في الزجاج الامامي

الكلمات الدلالية لهذا الموضوع

المفضلات

المفضلات

ضوابط المشاركة