رجال المجلس الأعلى للقوات المسلحة تحديد الإقامة غيركافي لابد من السجن على ذمة التحقيق

**ahmed1981** · 28-03-2011 03:19 PM

المشاركة الأصلية كتبت بواسطة adelseliem

دلوقت بتقول هنترحم أمتى
مش ده كان من شهر أحسن أجراء للحد من البلطجه

ولماذا لا يكون محاكمة رؤوس الفساد بنشاط وسرعة كما يحدث مع صغار البلطجية
على الأقل يتم سجنهم لتعطيل قيادتهم لجيوش الفساد والبلطجة لحين إتمام محاكمتهم

**Col. Eng. Khaled** · 28-03-2011 03:25 PM

المشاركة الأصلية كتبت بواسطة ahmed1981

ولماذا لا يكون محاكمة رؤوس الفساد بنشاط وسرعة كما يحدث مع صغار البلطجية

على الأقل يتم سجنهم لتعطيل قيادتهم لجيوش الفساد والبلطجة لحين إتمام محاكمتهم

أعتقد قائمة إتهام البلطجية مش أكتر من كلمتين و بس مقارنة بقائمة الإتهام الواجب تفنيدها بعناية لرؤوس الفساد .

**emam** · 28-03-2011 03:41 PM

المشاركة الأصلية كتبت بواسطة mohssenrashed

مالو كارفور المعادي؟ اصل كارفور اسكندرية اشتغل عادي.

مالة كارفور المعادى انا لسة بفكر اروح اشوف عملوا فيه اية ؟؟؟

**SkyBird** · 28-03-2011 07:40 PM

أنت مقتنع فعلا بالكلام اللى بتقوله ده

روح كارفور المعادى النهارده وبعدين رد على الكلام ده

انا مقتنع بكلامي من غير ما اروح مكان تاني
ولكن هل فهمت كلامي قبل ما تعلق عليه
انا اتكلم على مقاضاة صغار المتهمين بالبلطجة في محاكم عسكرية وهم ليسوا عسكريين ومن غير دفاع ولا استئناف
بينما كبار البلطجية يحاكمون امام القضاء المدني !!!!!!!!!!!!!
ومع احترامي لبيان الجيش ولكنه غير كافي
عذرا فتصديق البيانات والفرح بتصريحات السادة المسئولين كان زمان
خلاص كبرنا
وياريت المجلس العسكري يفهم عقول شباب الثورة ويستدرك الرسالة 29 على الفيس بوك قبل ان تكون محلا للتندر على عقلية البيانات التي تهيب وتحذر
نريد افعال لا اقوال
خصوصا في قضية تعذيب الفتيات وتحقيق شفاف على الملأ
وايضا قضية مبارك
مبارك متهم بقضايا فساد وقتل
اذن مكانه في قفص الاتهام
وليس الاقامة الجبرية فهو ليس محمد نجيب او الشاذلي هو سارق قاتل فاسد
و لايوجد دليل على انه ليس في السعودية

**otefa** · 28-03-2011 07:55 PM

المشاركة الأصلية كتبت بواسطة adelseliem

البلطجى بشيلته مش محتاجه أدله وبراهين
لكن واحد زى صفوت وعزمى وسرور مش سهل تثبت عليهم أتهام
الناس دى صعب تلاقى عليهم ورقه , علشان كده الموضوع بيكون ببحث دقيق علشان ميجيش محامى نص كم يطلعهم برائه
بس هييجوا برضه , زى زعيم المافيا فى أمريكا فى الثلاثينات أتحاكم بتهمة تهرب من الضرائب رغم كل عمايله والمحصله أنه أتسجن سجن طويل
هو ده السبب الوحيد
بس هما بيعملوا أيه دلوقت , زى بالضبط لما تلاقى فار فى أوضه بتقفل عليه الباب وتروح تجيب حاجه تموته بيها , بس فى الأخر هو محبوس فى الأوضه مش هيخرج لغاية ما ترجعله

بالظبط كده
بالنسبة لمحاكمة الحيتان الفاسدين محاكمات عسكرية هايخلق مشاكل دولية أحنا في غنى عنها ده غير لو ليهم أرصدة برة الدول لاتعترف بالأحكام الصادرة من محاكم عسكرية بالأضافة لسمعة البلد وثقة المستثمرين فيها ألي هاتبقى في الحضيض بسبب أحكام عسكرية على رموز ورجال أعمال الدولة حتى لو في قمة الفساد وتلاقي منظمات حقوقية عالمية متدخلة وشوشرة ووجع قلب أحنا في غنى عنه

**elrasy** · 28-03-2011 08:02 PM

طول ما حسنى مبارك لا يحاكم وانا حاسس ان فى شىء غلط وخطير

**misoalex** · 28-03-2011 10:48 PM

المشاركة الأصلية كتبت بواسطة elrasy

طول ما حسنى مبارك لا يحاكم وانا حاسس ان فى شىء غلط وخطير

هههههههههه نفس احساسى والله فيه حاجه غلط احنا مش فاهمينها

**ahmed-moga** · 28-03-2011 11:24 PM

المشاركة الأصلية كتبت بواسطة misoalex

هههههههههه نفس احساسى والله فيه حاجه غلط احنا مش فاهمينها

اذيك ياميسو ياابو نور الدين
وانا باردو بشارككم نفس هذا الحساس وحاسس فيه حاجه غلط ومش مفهومه بتحصل شوفوا الخبر ده
جمال زهران: مئات الصيادين بشرم الشيخ يتم إجبارهم على الإبحار في المياه "الهائجة" حماية لمبارك وأسرته
كتب مجدي مصطفى (المصريون): | 27-03-2011 01:18
أكد الدكتور جمال زهران أستاذ العلوم السياسية وعضو مجلس الشعب السابق، أن الرئيس السابق حسني مبارك و"أذياله" لا يزالون يحكمون مصر حتى الآن، على الرغم من الإعلان رسميًا عن إقصائه من السلطة في 11 فبراير الماضي، وفي ظل تحقيقات النيابة بشأن اتهامات بالفساد، وقال إنه لا ينخدع على الإطلاق من التحقيقات التي تجريها النيابة والنائب العام.
وأضاف إن مبارك لا يزال موجودا بمنتجع شرم الشيخ ويحظى بالحماية من النظام، وتنفق عليه من أموال الدولة ويقوم بإرهاب المواطنين، حيث أن هناك شكاوي كثيرة من المواطنين وأصحاب المراكب الذين يبحرون، حيث يدفع بهم للابتعاد عن الساحل والإبحار على بعد سبعة اميال داخل المياه الهائجة بداخل الخليج، للابتعاد عن منطقة إقامة مبارك كنوع من التأمين.
وقال إن شرم الشيخ بحاجة إلى ثورة حتى تتحرر من "احتلال مبارك وأهله"، وأوضح لـ "المصريون" أن المواطنين هناك طلبوا مساعدتهم، حيث أنهم يخشون على مراكبهم من الغرق مجبرين، بعد أن تلقوا تحذيرات شديدة اللهجة بأن من يقترب من خط المياه المحدد سيتم إطلاق النار عليه وتسحب منه التراخيص.
وأشار إلى أن مبارك يحظى بالحماية من جانب المجلس الأعلي للقوات المسلحة ويستطيع أن يمارس اختصاصاته كرئيس، معتبرا أن وجود الدكتور زكريا عزمي رئيس ديوان الرئاسة السابق حتى الان داخل ديوان رئيس الجمهورية من أكبر الأخطار، فأخطر رموز نظام مبارك لا يزال موجودًا.

-

الموضوع: رجال المجلس الأعلى للقوات المسلحة تحديد الإقامة غيركافي لابد من السجن على ذمة التحقيق

LinkBack

أدوات الموضوع

عرض

-

-

-

-

-

-

-

المواضيع المتشابهه

المجلس الأعلى للقوات المسلحة يقبل إستقالة أحمد شفيق

المجلس الأعلى للقوات المسلحة يحفظ التحقيق مع الرائد أحمد شومان

لقاء الشباب مع قادة من المجلس الأعلى للقوات المسلحة

المجلس الأعلى للقوات المسلحة - بيان رقــم (3)

الكلمات الدلالية لهذا الموضوع

المفضلات

المفضلات

ضوابط المشاركة