رجال المجلس الأعلى للقوات المسلحة تحديد الإقامة غيركافي لابد من السجن على ذمة التحقيق

**ahmed1981** · 28-03-2011 02:54 AM

السادة المحترمين رجال المجلس الأعلى للقوات المسلحة
حيث أن هذه الفترة من الثورة فترة حوارية
وقد رأينا منكم في أغلب الأحيان إستجابة لبعض المطالب دون الحاجة لمليونية او مليارية

لذلك أجد الكثير من الغرابة بعد نجاح الثورة أن نرى رجال محور الفساد والشر مطلقي السراح بلا قيود !

والمطلب الذي أتحدث عنه هو أن تحديد الإقامة غير كافي ولابد من السجن على ذمة التحقيقات مع كل أعضاء دائرة الشر والفساد

لابد أن يسجن الكثير من الرموز الذين كانوا على رأس عصابة الفساد ومن أهم أسمائهم:

-*- الرئيس المطرود مبارك
-*- أفراد عائلة الرئيس المطرود (سوزان وعلاء وجمال)
-*- فتحي سرور
-*- زكريا عزمي
-*- صفوت الشريف
-*- مفيد شهاب
-*- مجدي راسخ
-*- حسين سالم
-*- إبراهيم كامل
-*- عاطف عبيد
-*- يوسف والي

أنا أذكر أمثلة فقط
ولكن على المجلس الأعلى أن يتخذ إجراءات واضحة في سجن هؤلاء الفاسدين من عصابة مبارك وعلى رأسهم مبارك وعائلته

فلا يعقل ان يتم التركيز على كبوش الفداء التي قدمها مبارك قبل طرده لينجو بعائلته وعدم إضافة أي عضو آخر من الفاسدين للسجن

وهذا ليس تدخل في مجرى القضاء
ولكن من كان وجوده حراً طليقاً فيه خطر على الوطن بعد الثورة فلابد من حبسه وسجنه لحين إنتهاء محاكمته
فكيف يكون العادلي خطيراً ويسجن بينما رئيسه الأعلى كبير الفاسدين مبارك الذي كان يعطيه الأوامر مطلق السراح ؟؟ !!

فتحي سرور شيخ منصر بلطجية مصر يعيش في هناء والبلطجية يعيثون فساداً في الأرض ونححن نبحث عن قوانين لردع البلطجة !!!!!!!

لماذا لا تجفف المنابع أيها الجيش العظيم
ويدنا في يدك

لماذا لا يتم حل الحزب الوطني الوثني الواطي
ثم إصدار قانون بمنع تكرار حزب سلطوي على غرار الحزب الوطني وأن يمنع رئيس البلاد من رئاسة أي حزب وأن يستقيل من حزبه فور توليه الحكم

وأؤكد أني متفائل أن الخيوط في يد الجيش الآن وسيستجيب للمطالب دون مليونية

**mr_vampire** · 28-03-2011 03:04 AM

الله ينور.

**mertahgedan** · 28-03-2011 03:08 AM

اضم صوتي إليك .بالإضافة انه يوجد نموذج مطبوع يتم الآن جمعه في الشارع وعلي النت في نفس الوقت يحتوي علي طلب محاكمة الثلاثي المرح والاشراف القضائي علي الأمن الوطني

**cheetos_892005** · 28-03-2011 03:10 AM

طول ما الوضع ماشي بنعومه كده مع الرموز لكبار و الله اعلم اذا كان معظمهم هنا ولا هرب

+ كل المحاكمات عماله تتاجل بالطرق المعروفع في محاكمنا

اخرها انهرد جلسة جرانه 3 دقايق و اتاجلت ل 25 ابريل

يبقى محدش يجي يستغرب لما الناس تنزل التحرير تاني

حقهم ....عشان كده دي مبقتش ثوره

جبر خواطر ده

و اوعى حد يقولي انت بتقول كده عشان قلت لا ..هفجر نفسي

**mr_vampire** · 28-03-2011 03:17 AM

كدة بقي بيجبروناااااااااااااااااا اااا نقول ( ان في مجاملات بتتم للروس الكبيرة ). انا مقووووووووووووولتش حاجة ادينا مطولين بالنا ونقول ياواد طنش خااااااااااااااااااالص وان شاء الله الدور هييجي عليهم.

بالمرة بقي: قريت النهاردة مقال فالاخبار كان بيقول فيمامعناه ان المحاكم العسكرية شغالة الله ينور وعمالة تدي احكام عسكرية في اقل من يومين محاكمة بين مؤبد و15 و 10 و 3 سنين للبلطجية او اي شخص معاه سلاح ابيض او اي سلاح غير مرخص. امال الناس اللي مفيش ادددددددددددددددددني شك انهم ورا ضرب المتظاهرين ليه لحد دلوقتي بيقضو الويك ايند فسجن المزرعة وبيصحو كل يوم الصبح بيعملو رياضة ويفطرو جبن ابيض ورومي ولابسين ترينجات وعيشيتهم فل.

اللهم اغزيك ياشيطان.

**mertahgedan** · 28-03-2011 03:24 AM

الصبر دا حتي الصبر طيب

**SkyBird** · 28-03-2011 04:22 AM

المحاكم العسكرية شغالة الله ينور وعمالة تدي احكام عسكرية في اقل من يومين محاكمة بين مؤبد و15 و 10 و 3 سنين للبلطجية او اي شخص معاه سلاح ابيض او اي سلاح غير مرخص.

المحاكم العسكرية المتسرعة مخوفاني جدا
هنترحم امتى من محاكمة المدنيين في المحاكم العسكرية
محدش وفر الامن للناس وكل يوم يتم الزج بناس ممكن تكون بريئه او ناس شايلة سكاكين تدافع عن نفسها
خايف ناس عادية تدخل السجن وبعد فترة نلاقي السجون طلعت دفعات من الخريجين الجدد في علم البلطجة والاجرام

في الجانب الاخر كما قال الاخوة سايبين ناس مشهود لها بالفساد ووردت اساميهم في تقرير لجنة تقصي الحقائق بتهمة القتل العمد للشهداء
وحتى اللي حاكموهم من كبار الفاسدين حاكموهم امام القضاء العادي

ايه التناقض ده في الاجراءات ؟!
وعجبي

**misoalex** · 28-03-2011 07:57 AM

المشاركة الأصلية كتبت بواسطة SkyBird

المحاكم العسكرية المتسرعة مخوفاني جدا
هنترحم امتى من محاكمة المدنيين في المحاكم العسكرية
محدش وفر الامن للناس وكل يوم يتم الزج بناس ممكن تكون بريئه او ناس شايلة سكاكين تدافع عن نفسها
خايف ناس عادية تدخل السجن وبعد فترة نلاقي السجون طلعت دفعات من الخريجين الجدد في علم البلطجة والاجرام

في الجانب الاخر كما قال الاخوة سايبين ناس مشهود لها بالفساد ووردت اساميهم في تقرير لجنة تقصي الحقائق بتهمة القتل العمد للشهداء
وحتى اللي حاكموهم من كبار الفاسدين حاكموهم امام القضاء العادي

ايه التناقض ده في الاجراءات ؟!
وعجبي

يبقى انت اكيد فى مصر

هو ده التغير

اللى بيدافع عن نفسه يتحبس والبلطجيه طايحن فى الشوارع
واللى فى التحرير يتكهرب ويتضرب والى حراميه قاعدين يهربو فى المليارات

**adelseliem** · 28-03-2011 11:11 AM

المشاركة الأصلية كتبت بواسطة skybird

هنترحم امتى من محاكمة المدنيين في المحاكم العسكرية
محدش وفر الامن للناس وكل يوم يتم الزج بناس ممكن تكون بريئه او ناس شايلة سكاكين تدافع عن نفسها

دلوقت بتقول هنترحم أمتى
مش ده كان من شهر أحسن أجراء للحد من البلطجه
راجع كل الأحكام العسكريه ( موجوده فى الجرايد ) هتلاقى أن محدش محبوس علشان معاه سكينه وبس
ده محبوس علشان بيسرق أو بيبلطج ومعاه سلاح أبيض , هو ده أسمها فى قانون العقوبات
وكل المقبوض عليهم بسلاح من شكوى من الاهالى للشرطه العسكريه , مش الشرطه العسكريه ماشيه فى البلد بتفتش الناس واللى معاه سكينه تحبسه
يعنى لو حضرتك وقفك واحد بسلاح وسرقك هتقول بلاش أقدم فيه بلاغ للشرطه العسكريه ويتحاكم بسرعه لان ممنوع محاكمة المدنيين فى المحاكم العسكريه
ولو قريت خبر فى جرايد النهارده بحكم مؤبد على 3 أشخاص خطفوا بنت وأغتصبوها وسرقوها , هتقول مينفعش يتحاكموا فى المحاكم العسكريه لأنهم مدنيين
لو دى قريبتك هتقول كده

أقولك معلومه
البلطجه شبه أختفت بسبب المحاكم العسكريه
البلطجيه لما بيعرفوا أن الشرطه العسكريه بتدور عليهم بيجروا يسلموا نفسهم فى اقسام الشرطه , وأسأل على الكلام ده
عارف ده معناه أيه

سؤال أخير

أنت مقتنع فعلا بالكلام اللى بتقوله ده

روح كارفور المعادى النهارده وبعدين رد على الكلام ده

المشاركة الأصلية كتبت بواسطة misoalex

يبقى انت اكيد فى مصر

هو ده التغير

اللى بيدافع عن نفسه يتحبس والبلطجيه طايحن فى الشوارع
واللى فى التحرير يتكهرب ويتضرب والى حراميه قاعدين يهربو فى المليارات

نفس السؤال السابق

**MohssenRashed** · 28-03-2011 11:23 AM

مالو كارفور المعادي؟ اصل كارفور اسكندرية اشتغل عادي.

الموضوع: رجال المجلس الأعلى للقوات المسلحة تحديد الإقامة غيركافي لابد من السجن على ذمة التحقيق

LinkBack

أدوات الموضوع

عرض

رجال المجلس الأعلى للقوات المسلحة تحديد الإقامة غيركافي لابد من السجن على ذمة التحقيق - انشر الموضوع فى :

-

-

-

-

-

المواضيع المتشابهه

المجلس الأعلى للقوات المسلحة يقبل إستقالة أحمد شفيق

المجلس الأعلى للقوات المسلحة يحفظ التحقيق مع الرائد أحمد شومان

لقاء الشباب مع قادة من المجلس الأعلى للقوات المسلحة

المجلس الأعلى للقوات المسلحة - بيان رقــم (3)

الكلمات الدلالية لهذا الموضوع

المفضلات

المفضلات

ضوابط المشاركة