هل هيكون في شارك 2011؟؟؟؟!!!

هو الوكيل الجديد مش ناوي ينزل الشارك ولا ايه بالظبط؟؟؟
وهل هيحصل فيها تغييير لارضاء الناس في مصر زي ما تويوتا عملت face lift للكورولا؟؟؟؟
العربية دي انا بحترمها جدا جدا وفعلا ركوبة متتعوضش وانا بعتبرها احلي شكل عربية في فئتها واكتر عربية مناسبة لشوارعنا واوسع عربية في فئتا ولكن الحاجة الوحيدة اللي ممكن ترجعها للمنافسة مرة تانية ان الموتور بتاعها ينزل 1600 مايفيك اللي هو 125 حصان وهيبقي فعلا ضربة قاضية لكل العربيات في فئتها وتنزل الاوبشنز بتاعتها كلها من زينون وصب ووفر وخلافه وفعلا هتنتشر زي البوما بالظبط
ياريت لو حد عارف اخبار عن الموضوع بتاع الوكيل الجديد بقولنا هل في نية ان الشارك ينزل منها موديل جديد ولا ايه بالظبط؟؟؟

الكل منتظر و اعتقد انو حينزلها باوبشن عالى عشان يقوم سوقها اللى ضاع و معتقدش ان الشكل حيتغير لان الشكل على ما اعرف بيتغير كل 5 سنين و شكلها اساسا تحفة من غير اى تعديلات

ادينا مستنيين بس محدش يعرف امتى حتى

ال 2011 مفيهاش اي تعديل علي الاطلاق
اللهم الا ان الفانوس الخلفي بقت الخلفيه بتاعته سوداء و اعتقد ان ده موجود في ال 2010 و الله اعلم

شخصيا انا كنت متفائل جدا بالتوكيل الجديد لانه اثبت نفسه بجداره في الكويت و عامل شغل جامد للماركه

لكن بعد الثورة و الاحداث الحاليه في مصر مش عارف الوضع ايه

احسن حاجة ان هو هو التوكيل بتاع الكويت اللي بينزلها باعلي اوبشنز فده مخلي الواحد مستني لما يشوف ايه الجديد اللي ممكن يحصل وانا شخصيا متفائل بيهم
بس في حاجة محيراني هي نزلت فالكويت موديل 2011 وسعرها لسه زي ما هو ؟؟؟ حد يقدر يفيدنا بالموضوع ده؟؟ لانه لو نزلت فعلا يبقي هتكون هي هي الي هتيجي مصر ان شاء الله

ال 2011 نزلت الكويت فعلا و من فتره كمان
و سعرها زي ما هو و ال 2010 هو اللي عليه عروض